咁宜家第四生唔生？
同問
我同意，你事實係有需要，就算你返三份工都搞唔掂啦
錯哂
一個人係要衰，你點都改變唔到佢衰。
相反一個人要變好，你唔洗做任何野佢都會自己做好變好。
一直有睇你update，好認真，帶埋小朋友過新生活啦，呢個男人根本信唔過，你再信佢只係俾借口你自己，你係度發緊一個永遠都唔會成真嘅夢。
以前唔錯都錯左，算啦，從今開始，為左自己、為左仔女，為左愛你嘅父母，要醒喇！
7個讚
忍唔住都要覆吓，我完全唔覺得佢可以帶任何好嘅嘢俾你
搞成咁點解你仲期望佢會關心你？
你冇自愛同自尊，所以佢都唔愛同唔尊重你
希望你重拾自己，好好地同小朋友一齊過
2個讚
簡單D講就係自欺欺人，不停俾藉口自己，一錯再錯又再錯…
1個讚
生頭三個都冇諗過後果。
第一個就「以為」
第二個就「唔好咁對生命」
第三個就「一心想要」
全部都因為自負，明知自己未搞掂仲要生。響我眼中咁先係對小生命不負責任。
依家第四個喇，你先講句「意外」，仲要因為果幾百蚊可能「又要生」…唉，睇到呢度我都唔知講乜好。人可以蠢一兩次，但事不過三。你可以好偉大一句尊重生命，但依家要人幫手執手尾呢。
想唔想生最後決定權係你，但我旁人見到嘅係一個不付責任嘅成年人。
其實個男人嘅事根本唔洗留戀，你仲想響佢身上攞到乜？錯已鑄成，諗方法點養大果三個已出世嘅小朋友把啦，社署就係咁用。
4個讚
我應該要清醒，我明明知佢唔會改變。
無朋友傾訴，無人可以話我知，支持我。
所以，先決定將呢個故事講出黎，等人來鬧醒我。
多謝曬。聽日繼續分享埋之後發生既事。
回想當時，沒有好慘，只有更慘
2個讚
唔好幻想自己係n年前愛情小說入面嘅主角
浪子回頭？一而再,再而三四次,好醒啦,腳踏實地行自己條路
3個讚
慘？有咩咁慘？你有選擇權但偏偏俾好多藉口自己去一錯再錯！
你只要離開佢就可以重新出發，但你啲小朋友就因為你兩個唔負責任令佢哋人生有一個咁艱難的開始！佢哋先係真正慘嗰幾個！
我睇呢個post睇到幾把火，事到如今你仲要人哋支持同鬧你先會醒嗎？
做得阿媽，唔該堅強啲，自己人生係自己負責㗎！可憐之人必有可恨之處！
2個讚
希望今時今日嘅你真係清醒，係呢個post好好記錄自己嘅蠢事，好好照顧D小朋友，忘記過去啦！
根本小朋友好似工具，第四個去搵家計會啦，因為都要時間排，快啲去啦
https://www.famplan.org.hk/zh/our-services/clinic-services/termination-of-pregnancy/content
我都睇到好火
不過現實有朋友都係咁
佢好啲，只係對工作嘅態度係咁，覺得全世界佢最慘咁
樓主個case, 點解佢仲可以任性落去
某程度娘家都害左佢 因為一直back up (起碼生到第3個前都仲有金錢支援，係到第4個先幾百蚊都無)
用潮啲嘅講法，活脫脫係一個戀愛腦
但你戀愛腦還戀愛腦
又唔係誠哥咁有米，小朋友一個起兩個止喇，到第3個已over
買樓都要過壓力測試，養育小朋友都要計數…
香港地，其實做小朋友好大壓力
無錢好易被睇唔起，朋輩會比較，好影響佢地性格
樓主其實好自私，你講嘅生頭3個原因都係為自己綁住個男人
但有無問過小朋友係咪想因為呢個原因而出世?
有無諗咁嘅背景佢地好難捱，成長路好多唔好嘅野要經歷而迫佢長大?
但好奇樓主情況，應該可以拎綜援
搵社處幫手喇
仲要注意小朋友心理健康啊
1個讚
我諗樓主都思考咗好多,先打呢篇出嚟,同埋行文都睇到你想有個新開始
大家都唔好咁harsh,人誰無過
最重要對小朋友負責任,你就係佢地嘅全部.
俾我就唔會要第四個,能力問題
我會專心湊好三個,以前幾錯都好,都係過去嘅事
將來的路,慢慢行,唔好再俾啲衰男人拖你後腿
以前成日都會鬧醒人或者比人鬧醒, 但真係有返咁上下年紀你就會知道好多都係靠自己, 人地唔會鬧得醒
但我想用小朋友過來人講2句
我細個阿爸阿媽關係好差, 但佢地無離婚, 我以前細個其實無咩特別感覺, 好多疑問, 但個時發現唔到原來個影響係咁深
到我大個, 我完全投入唔到一段感情, 到我而家再大個, 我係完全唔想拍拖唔想結婚, 我真係好抗拒同好抑鬱同埋好恐懼
我只係想講, 如果當年我父母離婚或者我會好過d
唔知你嘅小朋友會唔會好似我咁諗, 因為我家姐就完全無事, 結婚生仔, 但可能我由細都大都係好敏感嘅人, 所以我自己一直都走唔出呢個陰影
你而家繼續留係個男人身邊滿足你嘅愛情
定係離開, 將不幸停止係呢一代
好似前路茫茫, 係因為你目標定得太多, 擔心太多, 只要你每個step都行一小步, 到最後會發現原來will find the way
2個讚
加油呀