社工幫左我，湊個妹妹做唔到野，每個都2000蚊，慳啲都夠既。
為咗D小朋友你真係要快D離開佢，爛賭真係戒唔到，唔好再天真咁以為佢會改。
2個讚
追
Jm 抱抱
賭仔無句真，鼓勵你真係帶小朋友重新開始。
1個讚
其實個男人咁樣, 真係好癲
但你有4 個小朋友真係對你生活好大壓力
雖然我唔知可以點幫你, 但我都係單親長大, 我俾個無乜人會俾的建議你
去拿社會保障
唔好介意人地點睇, 我都係咁樣大, 宜家大個回饋社會交多啲稅就得 
小朋友好需要媽媽在身邊照顧同埋同佢地玩
頂唔順唔好死頂, 錢的事總有解決方法
加油…
3個讚
會唔會搵mother’s choice幫幫手,佢地應詃都好多經驗同埋有資源幫你
佢話無錢，話係大陸買藥叫我食……
啲藥到左，因為分居左，未食之前佢搵佢都會覆，雖然係「唔好咁x煩啦，煩夠未啊」呢啲說話。
根住我呃佢話食左……佢就開始無回覆，無關心過我痛唔痛，點樣……
今朝再搵佢……問佢：「點解你唔會關心下我有無事，換轉其他男人點會訓得著？」
佢……屌完我之後……既然……封鎖左我……
續：
多謝父母，懷孕期間都唔洗擔心小朋友出生後既花費。
懷孕期間，雖然係好多爭執，但佢都總算會氹翻我，可能仲算熱戀期。小朋友係肚佢都有啲互動，係716係我地既一齊既記念日，小朋友出世，我好幸福咁同佢傾住716小朋友擺滿月，早上可以去註冊埋。係註冊前，媽咪將佢準備左好耐既嫁妝交左比我，話希望我可以幸福。
一早，我已經準備出門口，心底總有一種講唔出既第六感，覺得呢個門出唔成。
佢翻左黎，坐底叫我冷靜聽佢講。
佢話「對唔住，我唔可以結婚。唔係我唔想，係我之前有過一斷婚姻未離婚。」
我個刻好平靜，無吵眼淚不停流，望住剛滿月既小朋友，我個刻……或者已經再無想過結婚兩字。
中午，佢問人借左錢買左對戒指，戴左一陣影左張相比我啊媽，媽咪：「結左婚，大個女啦！」我話：「係啊！大個女啦……」
下午，佢同我講夜晚滿月酒啲錢可能未夠，我諗都無諗過就話「拎對戒指反去，話唔岩8折收反咪夠囉。」
或者，我其實已經預左呢個只係一場戲，道具用完就要還，我明。
當晚，講係滿月酒，其實來既都知係婚宴，家族中既長輩送既禮數同嫁妝，個個都開心咁笑，最開心係佢同朋友個枱，我假笑咁做完呢場戲。
替你父母同小朋友難過…sorry, 原諒我把口唔收。
唔離開個錯誤, 人生只會一直錯落去。
自己錯都算, 何必要小朋友跟住錯?
2個讚
你無錯，唔洗sorry…
不過，有時明明知道錯，
當局者迷，當中既難，講唔出
多謝你
手術費用方面，有無可能揾到e護社工幫手？
當時嘅你可能未懂得世事，愛情並唔係飲水就飽，特別有咗小朋友之後，自己餓都算，點忍心要小朋友捱餓，冇錢何來成家。生第一個係意外，但之後仲點解要生第二、三個小朋友，甚至仲有第四個係肚入面
已成事實我都唔想再怪你D乜，你唔好再期待個男人會關心你啦，佢真心愛你就唔會一次又一次攪大你個肚，之後乜責任都唔駛負，衰D講佢當你免費
咋。你而家可以做嘅係同佢斷絕關係，重新做人，唔好再幻想佢會再關心你同D小朋友。祝早日重新做人。
6個讚
原本話可以瑪麗醫院做，但因為疫情全部取消左……所以，一定要私家。問左社工無辦法幫到。
第一個有既時侯我好開心，以為可以有個家。
第二個有既時侯要照顧第一個，仲要搵兼職不斷地幫佢還債同小朋友生活費。心諗既然有左就唔好咁樣對待生命。辛苦啲生。
第三個我真係一心想要個女，因為我知道佢一心就係想要女，可能有個女就會改變佢做人。係，依家係以個女為主，但其他野都係一成不變。
第四個，就真係遲左食藥。呢個意外先知後悔
我明白生命好重要，但如果冇錢冇時間湊，我唔會生小朋友出嚟受苦，已經改變唔到嘅事你唔好想太多，亦唔好再幻想個男人會改變D乜…
睇完都係唔明點解會決定生第二和第三個…
其實我都唔明無錢,點解仲要生咁多生咁密,8年4個BB 
不過唔生都生左啦,樓主要照顧好佢地
我估社工都傾向你生埋呢個再拎綜援
女人蠢一次就夠…點解可以蠢4次…
仲要蠢響同一個人身上…
返父母到認錯, 可唔可以…好好地, 照顧好4個小朋友…