今年我已經29歲，佢已經43。
2013年6月生第一個小朋友
2015年5月生第二個小朋友
2018年2月生第三個小朋友
2020年1月1日發現肚入面多一個（已分居）
當時20歲既我年少無知，學人地去酒吧做拳手。
識佢既時候佢朋友已經不斷同我講佢好花心好亂好鍾意夜場，堅持叫我「碰不得」。
當一個正值叛逆少女，「碰不得」咪姐係越係吊人口味。所以，我無理會到眾人同佢慢慢熟絡左，幾個月時間都會約出黎，食野飲酒，最後我個時男朋友咁岩瞞住我同佢鍾意好耐既女仔出街，打擊之下我同左佢一齊。當然係已經明理清理佢身邊既雜草先。
之後我地係出面住左一排，我放棄家人，放棄知已反對，放棄工作，日日同佢一齊。可以話為愛不釋放棄一切。仲主動同佢提出，
「你無反去屋企咁耐，不如反屋企住，咁多年都無孝順你啊媽，又可以慳租屋錢。一舉幾得。」
呢個係故事既開始…我既生活徹底180％改變。
悲據開始，
搬左入去住，我從來就無同外人同居過，真係頂硬上……我都明白，日日係間房真係唔係咁好，但你睇望我眼真係好難過。好彩佢媽咪係反夜晚，日頭好多時都係訓覺，我好慶幸，因為對住時間唔多，衝突上少好多好多。因為我都係手機兒童睇好多論壇都有好多「婆媳關係」有個底。雖然好多時假笑，做面子，能夠遷就就得過且過，唔好吵就最好。
熱戀期間，大家唔洗估都知，有幾恩愛就有幾恩愛。基本上既家頭細務佢都唔洗我點做，我就似個癈人咁係屋企等佢放工反黎。但熱戀期，當然你情我願。
突然有一日，佢媽同我傾傾傾下計話：「佢以前啲女人蛋都無隻。」
第3個月，我發現我m遲左，同講左之後決定買支驗孕棒，人生中第一次，好緊張。。。我睇完粒聲唔出放左係厠所，叫佢入去睇。佢出反黎同我講：「生落黎啦……」
我感動到以為呢個世界既好男人，終於比我遇到。
佢話要同我屋企人講左先，都岩既有責任！
但結果當然係大地震，兩個字：反對。
屋企人比左兩人提議：
1 要生，就永遠唔好再反黎當無左個對父母
2 落左，就乖乖地反黎同個男人分開
大家都估到……係……人生既中轉站 由我既呢個決定開始
我揀左1……一齊渡過！幾多人要小朋友都無，點解要咁樣糟蹋一個生命。
直至我懷孕6個多月，我收工家姐電話，佢話媽咪同佢安排相親成功待嫁，婚期就在一個月後。叫我去試禮服，係媽咪叫既，我好開心。其實家人會點會捨得離棄你呢，你點錯佢地都會接納你，只係係咁難過點解好好地一個女要放棄自己前途揀條辛苦路。
訂婚宴上，佢第一次見到我父母親戚，我爸爸同佢傾左好耐。最後拍拍佢，眼濕濕咁講句：對我個女好啲。
雖然佢反工都成日會停下，雖然唔富裕但都叫唔等錢洗。只要大家願意捱，窮小小香港地唔會餓得死。加上我父母好錫我，每個星期都會見下我同我食飯，塞啲錢比我，話小朋友出世花費大，自已買啲湯水保品食。我明明可以反去父母家過，但我就時時拒絕，話：有，佢媽咪日日都有煲。雞湯一個星期都係個煲，但都叫有心。
＜待續……＞
