樓主自私都好，姑奶都係惡頂同奉旨嘅人，我就唔會服侍佢了，仔同狗都幫佢湊埋，冇嘢嘛。服侍老爺奶奶就話啫
搬走，自由無價
冇得搞，姑奶有櫂返黎住，但樓主覺得煩都好正常
女仔結婚前要考慮清楚
- 同6299住，而家ok唔代表將來冇事發生
- 老公係咪幫緊6299供屋企層樓
- 自己搬出去住先可以有話事權
舊年姑奶姑爺返嚟，我有幫手湊小朋友，有幫手做其他野。果時諗有小朋友係咁架啦，大家都幫少少咪冇問題囉。
後尾諗番覺得佢乜都要人幫咁…唔幫佢就鬧人
果時bb 1歲左右，姑奶帶佢返嚟屋企由佢行。成日叫我地睇住佢個仔，自己就玩電話冇理bb
過咗2個禮拜，我話不如裝個bb欄係廚房門口，廚房危險睇少眼都唔得掂。
如是者同奶奶商量好，我同老公去買去揀，奶奶俾錢。姑奶見到話我地浪費錢，住2個月啫駛乜裝啲咁嘅野。
至於房間分配，係奶奶話事。
本身我諗住將老公張單人床換張細細地嘅雙人床，點知奶奶話換房。奶奶解釋因為老爺成日喺床睇手提電話影響佢瞓教，加上姑奶已經去咗外國住，所以奶奶瞓我老公以前間細房，老爺瞓姑奶間房。
我床下，旁邊嘅櫃大部份都係公享嘅，我當然有野放喺房，不過盡量都執好啲，可以有多啲位放雜物咁。
今次調動，都係奶奶話事。
我post上嚟真係真心請教大家，我並非一開始唔幫手，亦唔係唔想姑奶返嚟，我真係冇惡意。我只係想知道大家會點樣做咁啫。
3個讚
『搬開一段時間』，但你話『佢未必同意』即係你心態上都覺得99係一家之主，行動決定都以佢為依歸，相信你都唔會搬。
『唔搬，唔幫手』，屋企只有你4個住既時侯無乜野，因為對99眼下無比較既人物，姑奶返左黎仲大住肚加個孫，本身樓主o係屋企排第4將會排第9，係呀，無數錯，順序為 99,姑奶,孫,bb(未出世排依個位，出左世排高d添)你老公,62,狗(如仲未死),你。你估下一個地位比狗低既人仲要睇坐屋企家務都唔會有咩下場?
『唔搬，會幫手』，你既睇法『如果姑奶本身冇咁依賴，我幫下手有咩所謂呢。佢咁老馮嘅態度，我唔係太鐘意囉。』又話幫手無所謂，又話唔鐘意，你諗清楚係無所謂定唔鐘意先?
其實姑奶依賴佢阿媽而唔係你，佢老馮既態度其實係對佢阿媽，唔洗自己埋位，唔知你口中既幫下手係幫咩野，我一直講既幫手只係講分擔日常家務而唔係湊佢小朋友果d。
refer to『唔搬，唔幫手』，你睇到你兩公婆個地位未? 連自己老婆既物件都要收收埋埋，連個櫃都唔係你兩公婆，你老公有無為你地爭取過真正自己既房?
希望姊妹你睇清楚自己想點先，真係無所謂定係唔鐘意，順晒99意定係想自己站起來?
2個讚
呢樣就係重點，一日係男家住，一日都無自己話事權，包括幫你姑奶睇小朋友，唔通到時6299 開到口叫你「幫手睇陣」你可以完全拒絕？你可以扮到好忙好忙、推到幾次，咁再之後呢？
認同其他姊妹講，你要諗清楚自己想點先，想要自由、要自己生活，就真係搬出去。如果你唔搬，就有心理準備幫佢湊小朋友，到時有nb、姑奶更加唔會得閒睇個大既，大約係點都聯想得到。
2個讚