早出晚歸，耐唔耐買d小禮物俾小朋友和BB，咁又可以甩身，又唔會好似專登唔幫咁
搬一搬好啲
其實我都黑人問號樓主，點解會咁鍾意黏住奶奶多過自己阿媽？
坐月有得揀，梗係揀自己阿媽唔係奶奶啦，剩係自己同d仔女對住奶奶，真係人都癲，更何況奶奶講到明唔想一齊住。
我唔知樓主比幾多家用，但我剩係覺得你好自私，又要一齊住又唔想幫手，仲要迫到老爺呢個老人家瞓廳，你真係唔會覺得唔好意思？
咁又唔係咁講嘅，原本樓主已經住左喺男家。係姑奶要返娘家生仔先咁安排嘅
要講都係姑奶迫到老爺訓廳
但係你都啱，住左喺男家好難唔幫手嘅，會有啲異相
其實比家用同幫唔幫手兩回事
唔通比得多，人哋叫到幫下手，樓主可以同佢講我唔幫因為我已經比左家用？
咁樓主又無責任去幫個姑奶湊仔而犧牲自己個人生活架喎，幫一次半次就話啫⋯⋯
你個諗法好傳統喎
我係屋企個女，有咁睇法：屋企人係我嘅，其實我幾時要返去住幾耐，連我父母對唔會出聲，反而畀細佬個老婆當外人，我心入面一定會好唔舒服
當然，生活習慣同家人間的分工要傾清楚啦，如果雙方識做嘅，都會互相遷就嘅
5個讚
我覺得咁，趁早搬走，對大家都有好處，樓主讓間房俾老爺訓，在男家心目中加分
樓主又唔駛受初生嬰兒干擾
又唔駛陷老公於兩難
老爺又有房訓
如果經濟有困難，咪傾下俾少啲家用，劏房都係幾千，如果可以俾少啲家用，圍返應該唔會太大負擔
如果等到生左，又煩擾，萬一佢想你幫手，咁你到時搬又衰女，唔搬又辛苦
而且大肚婆/啱啱生完的女人可能好情緒化，唔知會唔會燒到樓主
5個讚
分析得好到 
我既意思係，住係同一間屋，就有責任同義務，比家用同幫手都係，唔可以當酒店。
1個讚
仲停留係古代？女人結左婚只可以返男家住？
返自己父母屋企住有咩問題，講到親點樣都係6299同姑奶親，你即使結左婚都同佢地無血緣關係，所以6299 都未出聲的話你真係唔洗出聲。
如果好驚，考慮搬出去等姑奶生完個b 先啦。
3個讚
住喺個地方，用燈油火蠟、比租丶食飯，呢個要比家用係責任。
但幫人湊仔執手尾，作為阿嫂/弟婦無呢個責任同義務喎，欠咗個姑仔架咩，幫手係人情世故囉。
事實上係冇，但如果一齊住，冇可能置身事外。所以唔想幫手，就搬出去，唔洗煩。
多謝大家嘅意見呀！
我就係知我諗得唔全面，所以先上嚟問
講真，我對姑奶嘅印象真係麻麻地。
最初我知道老公屋企有隻狗，9年前姑奶話養嘅。6299話冇意見，老公反對，但姑奶堅持要養。
但姑奶其實好忙，執屎餵狗變咗6299做。到我嫁咗入嚟就變咗我負責。
當初姑奶話結婚(婚後會搬去外國住)，奶奶叫姑奶帶埋隻狗去外國，姑奶話隻狗老喇，留喺度啦。事實上係佢懶得搞手續，同埋姑爺唔鐘意所以先搞到咁。
好多網友話搬出去啦！我真係要諗諗。奶奶鐘意熱鬧，佢未必同意。老人家仲喺度，我唔想搞到咁僵。
如果姑奶本身冇咁依賴，我幫下手有咩所謂呢。只係佢咁老馮嘅態度，我唔係太鐘意囉。
我只係想上嚟呻吓，攞多啲意見咁…
你有冇外家可以返去避一避呢？
兩個BB加埋大肚婆係大晒㗎啦
即係唔鐘意囉，平時係唔係完全唔洗你做家務99一手包辦?如果真係唔搬既話（唔係人地唔同意，係你自己選擇唔搬）你都係依個家庭一份子，無可能所有野都唔洗做。
99湊b，咁你咪做下其他野囉，洗下廁所呀，煮飯洗衫果d日常家務，分擔左99部份家務都係幫手。
樓上建議好好呀，不過我睇法就係62住返自己房，99同大孫住樓主房，姑奶同nb住自己房。咁當然都要睇下d房既大細啦。
個nb都未必係同姑奶訓，99唔捨得個女訓唔到就爭住湊嫁喇。
係無義務嫁喇，轉個角色諗，如果老公o係你屋企住你家姐返黎生bb，你會唔會覺得老公都可以幫下手呢，又或者你父母見到你老公一齊住但係所有野都就手旁觀會點諗呢?
唔幫手湊b，都可以99主力湊b，新抱煮下飯煲水洗下廁所都得嫁，接手一部份家務都係幫手姐。
1個讚
我有同阿媽講
我阿媽反應係「哦，係呀，咁快又有咗呀」
跟住冇喇
之前佢話冇乜特別事唔駛返嚟
加油啦。姑奶返自己阿媽屋企住，真係死症，除非你搬走。我姑仔同你姑拉一樣，要全世界就晒佢，做佢工人，但我姑仔又懶做家務又乜都唔肯做/唔識做/唔肯學。
當年我自己坐緊月，我姑仔都帶個仔上嚟俾我湊&要我煮埋佢飯 (我以前都同99住)。最後我忍左幾年，真心谷到爆炸，要搬走。
當然搬走左，姑仔都會成日搵我&老公幫佢呢樣嗰樣，但至少唔洗日日對住佢，激死自己 (我姑仔嫁左 自己有層樓 都日日返娘家)。最炆係我超嬲都唔可以開聲話佢 (我6299錫/縱到佢燶)。
1個讚
樓主係有少少自私,而家已經諗定"縮數",住男家又唔想幫手…可能樓主都儲緊錢買樓又唔鐘意小朋友啦,佢同姑奶都無話邊個岩邊個錯既
如果層樓係樓主老公買既就唔同講法,如果層樓係6299既,咁姑奶就一定唔係外人
就算層樓係樓主老公一個人名，6299同住而無另一個單位，依個屋企都係姑奶外家。
假以時日6299百年歸老之後，細佬既屋企就係姑奶外家。
同埋睇樓主一開始講係佢搬入去同6299住，所以依度應該係6299家。