是咁的。
我同老公拍咗拖6年，結咗婚1年幾，同6299住。
62不嬲做開透明人唔駛理，屋企大小事務由99話事。
99為人算開通，口直心快，大家相處和諧冇嘈過交。
我老公就係神隊友，乜野事都會企喺我依邊，唔係媽寶。
不過姑奶對我嚟講係一大難題。只要諗起佢我就好頭痕。
姑奶前幾年喺外國working holiday識到姑爺，及後結婚生子都喺香港，不過結咗婚姑奶仲住喺娘家。姑爺喺外國返嚟都係跟老婆住娘家。
姑奶個奶奶一個人住。佢同我姑奶話結咗婚唔好去佢果邊住，佢慣咗一個人。
但其實我地依邊好細，姑奶姑爺住埋就連行嘅地方都冇。雖則當時佢地返嚟住咗2個月，仲要湊住個小朋友，我心裡面有少少唔鍾意，不過始終係人地屋企，我冇資格出聲。
至於我驚乜呢？其實係因為姑奶姑爺日常生活完全冇手尾，姑奶更係乜都靠其他人幫手，仲要老馮果隻。
佢地老馮到沖完涼唔會執頭髮閃電毛，啲野周圍放。再之前趁未要隔離就去旅行，去完旅行就返嚟依邊隔離。完全冇理過成家人要返工。
有次我有日請假打算做自己野，姑奶居然叫我幫手睇仔，佢自己出咗去整頭髮。本嚟話整1個鐘，但最後整咗4個鐘。佢見我肯幫手睇，又話要去配眼鏡。我只係見佢話1個鐘我先幫手咋。再講其實同佢唔熟，佢好意思搵我幫手嘅？
本以為佢結咗婚嫁去外國生活無憂，點知上個月佢話佢有咗，老公又咁啱要去另一個國家做野，姑奶又帶住個仔，所以下個月就返嚟。
姑奶一返嚟，我啲生活一定俾人搞到亂晒。奶奶自然會搵我幫手，因為上次都係咁。
仲有好多野未打完，開工先。一陣有時間再打。
我係你我會想直頭搬出去 你忍到今次應該仲會有無數次
3個讚
其實都無咩好講，始終佢先係99親生女。
下次唔好再咁好人幫佢睇細路勒，佢要揾人幫手都應該揾自己阿媽而唔係揾你。
4個讚
坐21日都要返香港？
用疫情擋唔擋到？
叫神隊友幫手～
係呀！我知呀！奶奶錫個女好正常！
弊在太錫啦，簡直溺愛…
6299心甘情願幫佢地執手尾果種眼神態度呢…做人父母真係好偉大！
可能係我妒忌佢啦，因為我媽主張自己搞掂所有野，唔好煩到人。
講真，我初初嫁入嚟，未必太清楚發生乜事。咁今次梗係唔會幫手喇！
2個讚
係，隔離21日都要返嚟！
聽奶奶講，姑爺差唔多要出差前1、2日，姑奶走去驗孕。結果有咗…
有咗又要湊小朋友，老公又唔喺身邊，咪返嚟娘家囉。
奶奶仲話果邊(外國)好危險，叫阿女快啲返嚟…
講真，姑奶返娘家你無得say no
BUT… 呢個case我會自己搬走撤離一陣
有new born好困擾，因為BB可以24小時喊
你呢個外人，無謂受苦
3個讚
正常唔係返奶奶屋企架咩？
當初我唔知道姑奶個奶奶咁強調要一個人住果陣，我真係黑人問號咁樣望住我老公
我奶奶宣佈姑奶返黎香港嘅消息時，仲加多句：大肚婆情緒好大起大落架，梗係返娘家安胎好啦！
我又黑人問號望住佢
咁即係話，如果我有咗，我就要返娘家安胎，生埋仔滿埋月先返黎？
唔明~
其實我同奶奶住都冇問題啊！(依句會唔會令人覺得問題其實出喺我度…)
老公唔覺有問題
奶奶冇(或者仲未)篤我背脊
咁我點解因為一個嫁咗嘅女人而搬呢？
咁講啦，錢我同老公都儲緊(講緊正常儲錢，並非為買樓死慳死抵果種)，又唔急住2人世界，可以同奶奶一齊住都係好事黎。我仲有好多野要向奶奶學習架。
難道搬咗就冇問題？
其實咪一樣
如果姑奶喺外國，奶奶會搵我老公幫手做野/整野
當姑奶姑爺返嚟，我地就可以閃埋一邊玩自閉…
上次佢個大仔淨係搵女人抱都算
我抱起佢，佢忽然想食奶
我邊有奶呀大佬！嚇到我屎咁滯
姑奶應該生完仔就返外國，到時姑爺都出完trip啦
我諗都係一年半年嘅事，唔駛搬掛？
當然我唔排除有第三胎嘅出現…
同我一模一樣 
其實好多女都係，仲坐埋月都仲未捨得走。因為阿媽先係阿媽，99無阿媽咁貼心。
如果老公唔係豬隊友，叫佢出聲講唔夠地方，唔夠休息時間，一係就O係附近租個地方你兩口子去住，一係就租黎俾姑奶同小朋友住，近近地有照應。
講到好似為個孫咁，要多D地方玩。
