我無聽佢講ga，只係俾面佢尊重佢所以好聲好氣同佢溝通
我都有試過無視佢，但佢好似get唔到，都係每次講。
我都有諗過要再硬D，不過暫時想先俾機會，再認真講清楚，再唔得最後一步可能真係會爆。
俾著我奶奶就一定吵大鑊開口鬧到全橦樓都聽到
我以前都想好似你咁，但我係弱勢新抱，娘家又無撐，我又無錢，仲要俾老公話我eq低。唯有硬食。
佢有無食煙飲酒講粗口？>>>無，我內心好矛盾就係因為我奶奶好好…唔係惡奶奶，不過教育心態同我背道而馳，加上佢o係呢方面唔知點解特別長氣同堅持(其他範疇無咁嚴重)，令我唔OK。我會覺我自己咁諗佢係咪好衰，但同時我又真係好接受唔到…好掙扎
保持距離方面，我地住我太近，以前日日去佢度食飯。自從我唔OK之後，我同老公傾完，就搵藉口一星期只去2-3日，舒服好多…唔去佢屋企食o個幾日，佢日頭會o係我返工既時候過去睇阿B，暫時都OK，但遲D到阿B學自己食野…我就驚佢趁我唔o係度會就慣佢
係點樣捱過?係咪我太脆弱/____\雖然我知道好多人慘過我辛苦過我，但係我真係好唔鍾意，好大壓力
最好幼稚園搵間全日，一定會教得小朋友食得好好。
心態上，啲人老咗，一定會堅持自己，因為自己老咗怕俾人睇低同無人尊重，所以唔會講道理，一定會揸住幾十年嚟佢所認知嘅嘢堅持落去。佢心諗，要佢改咪即係落佢面？我通常就係「意見接受 態度照舊」，表面滿足咗佢，佢走咗就做返自己嗰套。
我奶奶住樓上樓下，佢以前日日通知都無聲就走上嚟，仲有一星期七日都要啲孫去佢度！
1個讚
我無錢無娘家就咁捱過咗十二年，小朋友升中了，我都半年無同奶奶講嘢
1個讚
全日幼稚園!都係一個好主意!
但小朋友會唔會好累?
我就係同佢近到樓上樓下，同你一樣~
咁佢有無o係你唔o係屋企既時候亂教/寵你個仔?
好堅強呀你！希望我唔使行到同佢交惡呢步啦/_\
幼稚園全日食完飯刷牙就午睡，放一張張摺床喺課室瞓，起身就聽故事、體能活動、做功課。每星期一帶被舖返去，星期五帶回家洗。我無報全日，只係以前喺幼稚園睇到時間表咋
我奶奶以前係護士同做過老師、再同人私補，所以佢係非常堅持自己，但佢嗰套真係不合時宜。太多嘢啦都唔講喇。
佢唔只係搞亂，仲要係自己話事，喺細路面前鬧我都係家常便飯。不過我家庭而家過得好好，好多以前啲煩嘢都影響唔到而家嘅生活。
在我潛移默化，我啲小朋友都覺老爺奶奶老土同煩，而家叫佢哋喺老爺奶奶家留多一分鐘都唔想
2個讚
小朋友有得訓晏覺，又有其他小朋友一齊玩，應該開心。
如果想讀，你要報定名，我聽過有d全日制拎咗出世紙就要排隊。
1個讚
我bb未出世，不過我奶奶都好‘哦’得…說話重覆又重覆，年紀大自己都照顧唔到自己，但就請纓話要幫手湊孫，又話自己都生過3個，湊人仔冇問題…又話自己教到個仔（我老公）咁好
。我已經同佢講定會請工人…希望到時佢唔好再搞咁多野
1個讚
又係五十年前跑步冠軍啲friend
2個讚
咁癲/_\咁我再即刻研究下先，謝謝你
一齊加油，不過可以揀少D見就少D見啦哈
1個讚
我阿爸依家我仔20歲都會咁同仔講：你媽媽太嚴，唔夠錫你呀！
雖然講笑咁，但我堅唔鍾意。
其實一D都唔好笑，點解要咁講=____________=
我99都係咁
我媽都一樣煩
我會直接鬧佢
始終自己呀媽
1個讚
十個奶奶二十個都係咁，你只有兩個辦法：你老公出聲，唔得就你出聲，必要時反佢面/唔比佢上嚟
你而家讓佢，佢跟住就會干預bb 大個學行學講嘢，然後教育，連你夫妻家庭生活都會干預
我唔明奶奶點解一定要日日睇佢粒孫，咁婆婆公公都可以啦，叫你阿媽日日上嚟擋囉
父母一定係最話事，奶奶又如何？法律上有咩地位比佢阿芝阿左？不如問下你奶奶當初係佢話事定佢奶奶(老公阿嫲)話事丫？
當年佢奶奶未落o來HK
我都有同我阿媽呻99 D野…不過遠水不能救近火…唉，我成日個腦都諗起要點樣同我奶奶溝通照顧同教育既問題，好大壓力好想喊