你要講嘅我都有好聲好氣咁同佢講，但係佢真係好「尋」，好似聽唔到你講嘢咁
佢有一次仲拉攏我工人姐姐，同我工人講「大家都係女人，怕咩呀可姐姐?」，想得到我姐姐既認同，你係長輩，唔通我姐姐say no咩/____\
佢唔介意唔代表我唔可以介意，一係一齊除囉
1個讚
姐姐笑而不語算啦
咁佢似係習慣喎。
有冇邊個親戚你傾得埋？搵佢幫口？
其實我D姑奶都OK既，明白事理，特別我奶奶都幾信我三姑奶，但o係湊仔方面，因為我奶奶太易緊張啦!所以有時連自己個女都唔聽…有自己一套，驚我地「後生」唔識湊，好難搞
試過有三姑奶個仔有情緒，佢地兩公婆帶個仔入房，傾完之後叫佢o係房冷靜，喊完出o來搵返daddymommy傾計，俾空間佢舒發情緒。但係我奶奶就皺哂眉頭，走入去間房係咁叫個孫唔好喊，叫佢兩公婆氹下佢唔好俾佢喊。
雖然唔係我個仔，但我見到呢一幕，我已經好緊張，好擔心佢干擾我教仔。
都真係習慣…佢唔止對我呢個媳婦係咁，佢對其他人包括自己子女都係咁…所以我先覺得佢唔係針對我，唔想令佢唔開心，但同時我好驚佢煩我，干預我…
真係佢自己攞嚟衰
唔使擔心
佢一定會做「架兩」
/_____________________________\我會俾幾次機會佢，如果佢都係唔配合，我會再同講認真講清楚，唔配合我或會帶個仔返娘家住一排先返
樓主，係你呢個情況，我係會選擇同奶奶反面/反枱嘅人
因為我唔能夠係我養育小朋友嘅途中一路遇到干擾
事實就係，唔同奶奶反面/反枱，你就無可能用到自己嘅育兒方法去教小朋友
我連坐月嗰一個月係無比所有長老黎過，因為我唔想俾人煩，想靜心休養
1個讚
我有難處，因為我奶奶住我好近，基本上日日無特登約都會見到佢
所以如果將來有一日我要強硬唔俾佢干預我教小朋友，我都要搵個好D藉口，等大家唔小心見口見面都無咁尷尬
無可能㗎
佢哋思維上無尊重別人呢樣嘢…
可能只係時候未到，去到真係影響到你教小朋友，可能已經太遲
幾歲嘅小朋友已經好醒，知道邊個係靠山
係既，所以我個心都打定輸數…諗定最後o個招…T^T 如果有一日出到呢招，我唔會怪自己，反而放鬆左…不過我係concern我老公難做je…
一個唔識do嘅奶奶係注定會令自己個仔難做
有道理哈哈
得你一個應戰成效唔大，要拉埋你老公企你個邊，
今晚坐定定同你老公傾下，產後抑鬱唔講得笑。
可以好肯定你99嘅性格係唔會改，呢D咁煩又不停重複講嘅性格，你只可以無視佢，當自己乜都聽唔到，亦唔好回應佢，一隻手拍唔響，由得佢自己講啦。好彩你老公係認同你，你有乜不滿叫老公強硬D咁出聲就得。不過我哋建議你自己爆佢一次，等99知道你會發脾氣，唔係下下都聽佢講。我自己個人經歷，我仔啱啱出世個年嘅年初一，99又要黎我屋企，我老公咁啱要返工，我叫99係佢屋企出嚟之前打電話通知我先，點知佢到我屋企樓下先打電話話就快到，我啱啱泵緊奶，又未換衫之類，全屋極混亂嘅情況下，佢哋係我屋企門口，我反鎖自己係屋要佢哋係出面等咗陣先開門，佢哋入到屋99唔知講咗乜，我就忍唔住咁爆咗佢，話佢成日都自出自入冇尊重過我，我99一句說話都冇講，之後佢哋坐咗陣就走咗。你要俾99知你係會發脾氣架！唔係佢只會繼續蝦你。
1個讚
有呀，我成日同我老公呻，佢都知佢阿媽煩既…亦都會幫我出聲既…
不過我老公講10樣野，有7-8樣野都會俾6299當佢唔識，唔聽佢講或者話返佢
我99好多野其實都好好，所以我同我老公都唔想大家關係變差，我99係差在呢樣野好難搞，但係因為掂到我底線，所以我好唔OK
我係過來人，但我無工返，每日硬食。
要一個長輩改變係無可能。最有效嘅方法係保持距離，我喺幼稚園同小學見過唔少長輩，十個有十個都彈三彈四，個個都擺款。唯有你改變自己心態，佢有無食煙飲酒講粗口？無就算啦。