七月到有個捐血員戴咗黃飾物，俾警員投訴，紅十字會道歉
再加埋依家疫情
假如你個月可以去捐血，你會唔會去捐?
- 會捐
- 唔會捐
0 投票者
假如你之前有定期捐開，你會唔會呢排唔去捐血?
- 會繼續捐
- 唔會繼續捐
0 投票者
投完解釋下~
香港係中國既一部份，有咩缺祖國媽媽會俾。
3個讚
我有朋友阿爸因為身體長期病，所以成日要捐血。宜家因為血庫唔多夠數，佢個指數要好低先可以輸血，有時甚至會流鼻血。（因為個指數要低過一定數字先可以輸血。以前血庫夠時就可以早少少有輸血。）
希望大家講到捐血時唔好只係聽外邊消息，你可以去問吓做公立醫院既朋友醫生護士，我相信佢地可以話你知道真實既答案。
尤其現在叫人唔好捐血既人，如果你認識一些受血者，係咪又可以咁講呢？
8個讚
其實好多人已經唔夠血用，真係唔應該亂講。唔係要所有人去捐，但都唔應該叫人唔捐，咁樣係影響好多有需要既人。
3個讚
要怪就去怪始作俑者，凡事都有前因後果。
殃及池魚並非我等想見，醫護罷工一樣影響病人權益，我只想用罷捐去表達我等態度。
你放心，好多人都好大愛，冇我咁小氣的。
1個讚
喺香港只有呢個機構係有捐血服務
實質上好多人都需要血/血液製品
佢跪係意料中事，但唔去捐血唔係懲罰緊佢
係懲罰緊需要血嘅人
呢個機構就算捐血人數再跌都好，都唔會執笠
佢唔係commercial嘅機構
亦唔似話你唔滿意公立醫院可以去私家，因為無Alternative
講真，公立醫院就係跪硬嘅，私家醫院要顧住班大客一定係藍嘅，咁除非你成世無病無痛就有條件大大聲話全部都杯晒佢姐，否則可以點？
8個讚
醫護罷工之前一個星期，醫管局已經下令為咗疫情全面cut非緊急 service
醫護罷工嗰幾日，坦白講已經係對個Service 影響最少
而且有人罷工，有人支持但緊守崗位頂住個緊急Service 都想要make noise
之後係俾搶口罩熱潮cover咗個noise，好唔抵！
講嗰啲影響病人權益嘅所謂「投訴人」，都揭發晒一係時間性唔啱（即係佢係因為cut Service做唔到，唔係罷工嗰幾日），又或者又係「律敦治婦產科」嗰啲咁嘅老作故仔。
其實咁簡單嘅道理我真係明喎，大家應該去捐血的，幫助有需要既人。
唔好因為諗埋一邊而影響到人。
理念既嘢，搵第二個唔影響到人既方法去表達囉。
捐唔捐我唔評論、但背後點用包血係最無奈、一個成年男人個血色素係13左右（長期病患另計）、如果係跌去8左右已經開始叫唔夠血（講緊係最普遍的紅血球）、如果在HA要去血庫拎包血比病人、真係困難重重、hb跌去4 已經要比氧氣因個病人接近昏迷狀態⋯⋯呢個時候等左半日先得到輸血（理由係要等醫生簽名後先再配血）。同樣的事如果去私家醫院、hb係8就可以叫醫生簽輸血、就算等配血都係幾小時內做到。
結論係包血同樣出自血庫（來源係紅十字會）、卻優先急用既唔係按hb值底、係按你身在咩醫院
⋯⋯（唔好意思我有啲離題）
1個讚
我之前捐咗十幾次，但呢兩三年去親都話血色素低，有一次成功但捐完即刻暈，所以有得捐係一種福氣，希望大家可以幫助有需要既人
1個讚
繼續捐
病人係無辜
如果冇人捐血，中槍嘅細路應該救唔返，再講唔係個個人都捐得血。
我會繼續捐血。
1個讚
我有繼續捐血,錢就cut咗
4個讚
捐血會繼續
捐錢NO
1個讚
我暫時唔捐,係因為自己既問題,唔關政治事!
不過講真真係應該加多幾個捐血站啦,我次次去都要排成個幾鍾 
book定先丫嘛~~ 我暫時黎講都好smooth
push
btw 假如紅十字會大搞 marketing 吸新捐血者, 你覺得會有用嗎? 定係會覺得反感?
就住呢兩個問題我都答咗唔會捐
但係我唔係以後都唔會捐血
只係冇好似以前咁一夠鐘就捐囉
我16歲開始就4個月捐一次直到近幾年…
即是操作搞到私家優先…? 你呢個資料係邊度得嚟 (唔係質疑純粹想要 source)