如果真係要搬出黎，住檔房都可以舒服嘅
https://www.instagram.com/p/CEWBH68Hjsw/?igshid=1fj2y7h0ui537
呢個係極簡兩夫婦，個女人都係同娘家關係唔好，出黎住檔房，呼吸自由嘅空氣
2個讚
樓主，呢個百五呎文青佈置都好正，一定舒服過夫家
不過我就唔建議佢養兩隻貓了，太細
唔好信婚前奶奶係咩人
5個讚
嘩呢位sis講野咁中point。。。
其實比你講中咗，所以我係好想快啲有自己屋企
呢度嘅大家果然都有啲生活經驗，講野好實際！真心提到好多我冇諗過嘅問題。講到我都心郁郁，寧願等下儲下錢，都唔想同奶奶住了
2個讚
我阿媽喺我幾歲時，已經教我唔好同奶奶住
你計劃買嘅樓係俾兩公婆定4 個人㗎？
如果係兩公婆， 咁同你奶奶諗嘅有落差喎
仲有，傾好家務開支點分先應𠄘嫁
如果男人唔肯分擔家務，真係寧願做女唔嫁
同奶奶住仲tricky, 家務仲多， 叫老公幫手做又話點佢個仔做野
同奶奶住要俾幾錢家用？ 奶奶似乎環境ok, 如果你哋租樓， 可唔可以暫停俾家用， 買左樓先俾返家用？
2個讚
好少見完全一面倒都係叫樓主唔好/諗清楚呀！
我結婚果時, 原本同4大長老講好只簽紙, 2家人食餐飯, 但到簽左紙後我老豆同啲親戚朋友講 “我就咁無左個女啦… 咩都唔搞, 唉…” 我啲親戚就俾說話我聽, 最尾我同我老公就為左我老豆一個人搞擺酒 
我老豆就滿足左, 我地就煩足幾個月,洗左一舊錢。。。
題外話: 我啲已婚朋友成日講, 最好搵個孤兒仔做老公, 咁就最少煩惱
1個讚
呢個係經常發生嘅，4大長老話無所謂，但其實極有所謂局，但好少會連紙都簽埋，長老先出聲
1個讚
應該而家已要儲錢喇！！
你男友獨仔嚟㗎？
想問2年內結婚，但打算同99佢哋住幾耐？都要計下怕男友住住下，習慣左，就無打算搬出嚟
俾男友知道，“一齊住”係暫時，“好快”就會分開住。
點解要急住結婚？婚後又不是2人世界？
3個讚
千萬不要同住
婚禮可以好簡單，日後生活先係重點
其實結婚冇野係一定要搞架 (除左簽個名)
好多野都係整色整水加出黎 完全冇實際用處
最好問下屋企人有咩要求啦
上網search下籌備結婚/婆媳關係睇下人地既故事當做下功課先
過來人表示唔好因為想離開原生家庭而結婚，如果真係頂唔到可以自己搬出黎，同男友半同居下先（聽落你未來奶奶有少少戀子＋男朋友有少少裙腳，要調教下先）一結左婚係返唔到轉頭，而婚後遇到既問題可以更麻煩一萬倍
5個讚
最好差1.5小時車程，真的
我有朋友已經轉得遠，99仲會坐車暈車浪，勁轉折都要買幾pack檸檬茶比個仔…好在我呢面冇發生
呢招我用黎對付我媽咪
佢真係一個絕世奶奶格，但我係佢個女，仲要係唯一一個女
其實我99去左大仔果度，佢一程車就到，哈
1個讚
我屋企係中間
返阿媽度，搭一程車加行少少 要一個小時多d
返99度，搭一程車 都要一小時
佢地覺得我住得遠，大把借口去少d.
有d距離 關係反而會好d
大家一面倒話唔好一齊住，仲要搬遠d.
樓主 你真係要諗清楚
2個讚
係，重點唔係99定阿媽，係大家都有d空間
特別有d控制慾強嘅長輩
阿妹 平時未來奶奶係點 同你入門後係點差好遠㗎
未入門當你係客 入左門你就係新抱啦
我同老公拍拖時已經同奶奶住緊 到而家都差唔多十年啦
磨合咁多年就算而家都大家有時有兩句㗎
其實主要係生活習慣問題 唔好以為生活習慣小小事 影響好少
就算係男朋友同住都要習慣啦 何況仲要係奶奶
有計劃要結婚嘅試同居先係好事 兩口子出來生活就要夾好負責哂d家務啦 無人奉旨幫你地搞嫁啦
5個讚
廿幾歲仲好後生啫, 唔駛急住結婚, 睇清呢個男人同佢屋企先, (兩個人)同居無問題, 但你而家係"搭住", 未來99真心鍾意你還好, 如果平時已經無乜兩句就千萬唔好去"搭住", 到時你幫唔幫手做家務, 有無比"家用", 食飯夾多住菜都可能係姨媽姑姐嘅飯後談資, 同埋去人屋企住始終唔自在啦
我有個朋友係咁"搭住", 未來99叫新抱都叫左成10年, 個男人一朝變心, 所有人都無講一句, 一個人默默執嘢走, 個男人一年後娶左第2個
7個讚
4大長老點睇? 『睇你地後生鐘意啦』係大話，唔好信。
『我都唔想煩，簡簡單單好喇』都係假話，佢地既簡單即係全餐不過唔擺多過30圍。
無任何人介入/俾意見既話，只係有法律上既野要做。香港依邊唔清楚你要參考其他網友。
影pre wedding，租裙租褂果d係要早d準備既，都要格下價同睇下岩唔岩心水，不過就睇你地會搞幾多野。
我同6299住，我當佢地係roommate，互相尊重。有咩特別野我會叫老公出聲，佢地亦唔係d好麻煩既人。除非有工人做家務，如果無，分擔家務係非常基本既事，你覺得無義務分擔既話同樣地6299都無義務湊多個女。
生活習慣一定有唔同，唔好諗住淨係同6299唔同，根本同你老公都唔同，所以都係個幾好既歷練，要知道同任何人住都要收埋自己既銳角，磨合到當然相安無事啦，磨合唔到先諗下一步。
一定有人話『到嘈交先分開住就遲嫁喇』『千祈唔好同99住』之類，唔同6299住，有無條件搬出黎自己住? 無錢? 硬食啦！
2個讚