第一次上嚟baby discuss!
同男朋友都係廿零歲，諗住呢兩年內結婚，未諗結婚details，但諗住簡單搞，唔會擺酒。
但想請教大家，通常結婚有冇咩儀式係一定要做？或者有冇咩係要早啲籌備下？
想聽大家分享下結婚嘅經驗 
而家諗住結婚後搬去同男朋友爸媽一齊住一排住先，之後再諗下買樓。
暫時最驚都係呢樣，同佢爸媽住可能大家生活習慣都唔一樣，要就住就住好麻煩 
諗得太簡單
1個讚
開左個頭, 驚唔驚男友之後唔認數, 要在老爺奶奶家長住.
一係如果未有錢買樓, 就淨係weekend 去過夜, 當自己係客. 唔好真係住在老爺奶奶家
10個讚
結婚簽張紙好簡單，如果唔擇日子果啲，同埋係去註冊處登記，好似早一個月左右去交form排期就ok（要睇返最新嘅policy)，簽完就影相之後就成村人食餐飯。
最緊要你2個價值觀一致，大家都願意為對方付出+欣賞大家，願意專一地行落去。
你同男友有冇同居過？起碼知道吓大家習慣先…如果一嚟就同佢+佢爸媽同住，我怕會有好多生活習慣大家夾唔到…
（睇viutv《執屋》有個女仔嫁咗後同男家同住，四個人共用毛巾…呢啲生活習慣你要同男友傾定先…）
同埋同住嘅話，你要唔幫手買餸煮飯洗碗做家務？你又願意做幾多？呢個都要同男友傾。（睇下你未來奶奶係點嘅取態，有啲家庭可能會當新抱係工人）
仲有聽過朋友去男家住之後唔再敢夜返屋企，因為會俾人話…又會冇咩私人空間…呢啲你可能要諗下o唔ok.
5個讚
好多家庭慘案都係咁發生
1個讚
BTW 我無同老爺奶奶一齊住過，之前去問下嘢（術數），呀師傅話：同奶奶住呀，1萬呎都唔好呀
佢講到明我奶奶係好人，叫我唔好蝦奶奶，但都極力話唔可以同奶奶住
我估呢個唔使算，係倫常道理
3個讚
你問左4位長老ok先好播，好多麻煩野就係期望唔同引起…
你如果連買樓都未有計劃就已經打算同老爺奶奶住，到時再決定，我可以叫你先唔好結婚住
到時你屈喺人屋企，你奶奶恰你，你老公又唔幫你，佢又唔肯搬，你又有咗，我諗你一定寧願唔嫁
13個讚
首先，你覺得你男友算唔算媽寶？
係/唔係都唔好一齊住，一山不能藏二虎，兩隻老虎係埋同一空間，必有所失。
婆媳糾紛並唔係咁簡單。
9個讚
如果未有樓又咁後生，會唔會再遲啲先結婚？
寧願係屋企做公主，然後直接搬出黎二人世界好過
如果唔係急住結婚（eg有左）寄人籬下你又委屈人地屋企又逼左
4個讚
但想真係結婚同居 
比個例子你想像下：唔係一個衰奶奶，但入你哋房睇你甚至郁你啲嘢，八你新買啲衫，然後話你多雜物叫你掉
你會點？
5個讚
現實情況冇錢同居就係冇錢
你想都冇用
你搬去老爺奶奶到住，辛苦嗰個係你，慘過做女多多聲
你老公就唔需要改變，繼續接受老爺奶奶照顧，仲多個老婆，佢之後肯定更唔想改變
你中意跳坑我唔阻你，呢啲係我好朋友的親身慘痛經歷
6個讚
我身邊朋友結婚後都無同老爺奶奶同住
個個睇電視都估到同男家家人住自己唔會有好結果
我十幾年前結婚，老公屋企好細所以都冇可能一齊住，我反而冇諗過同奶奶摩擦問題(因為唔會同住所以冇諗)
反而係後來我老公笑話從來冇諗過一齊住，就算間屋好大。我問點解，佢話：你啲脾氣點會頂到我阿媽？你連你自己阿媽都頂唔到
我問：咁如果嘈起上嚟你會唔會幫我？佢話：唔會，我搞唔掂，我又唔想你兩個女人斬我，所以一定搬出嚟住
4個讚
睇嚟要簡單搞結婚都可以好簡單！
你提嘅問題好practical！
我會同男朋友傾下呢啲！多謝你提醒！！
上亡國個婆媳版就知啦
身抱同你奶奶永遠係對立關係，競爭對手
老公的金錢，時間，關注係有限資源 ，俾左老婆就分少左俾奶奶
同奶奶一齊住，唔駛旨意佢會當你係女，老婆在男家永遠係外人，被差別對待
4個讚
你地2個想，都要睇下說唔說到兩邊長老先得
遲下諗買樓，而家就好計劃啦，至少有目標係私樓定得個抽字既居屋，定買唔到就租，如果唔係目標太空泛，好難太長期同長輩住
1個讚
相見好，同住難
如果覺得覺得同住ok，就真係太天真
唔同住我都睇我奶奶唔順眼
因為個新抱點好都唔及個仔一個電話問候
1個讚
傳統儀式 婚禮籌備呢啲嘢 其實係睇你哋兩邊屋企想點 完全無要求嘅話 排期簽紙都結得 有時可能你覺得簡單係幾十人搞lunch party 但長輩覺得擺廿圍係基本
如果你哋未夠錢買樓又想結婚 就真係寧願租屋都唔好同老爺奶奶住 唔好諗住為慳錢儲錢而同住 代價好大