到真係結嗰下，就會邊同居邊儲錢買樓！
同埋應該唔驚男朋友唔幫我，佢都明會有婆媳關係，支持出去住！
同埋冇諗住咁快生仔，會盡量避免意外
！
啲奶奶或多或少會覺得，我最錫就係個仔，付出左咁多年時間同金錢，個仔竟然錫老婆多過錫奶奶，唔同住都還好，同住日日見住個仔錫老婆，肯定心理唔平衡
再有啲心理係娶個身抱返黎服侍佢個仔，日日見住，就會俾人監察服侍得佢個仔好唔好
而且奶奶好識扮野，未嫁當你客人，嫁左就差啲，生埋仔先原形畢露
如果你咁大個女未試過捱苦 ，想試下捱苦嘅滋味，就go ahead
8個讚
明
我男朋友平時都幾就阿媽，但我好想要多啲私人空間。所以都希望盡量減少一齊住嘅時間。希望快啲儲夠錢啦！
而家收集下大家意見先，會再諗下點做
呢樣真係好恐怖。。。
係！我地都已經諗緊儲錢計劃！再睇埋過兩年啲樓價同香港情況，再睇下買樓點搞
同埋而家其實係男朋友阿媽催我地快啲結婚時，都開聲話到時搬大啲嘅屋，4個一齊住，仲話想住返呢頭方便啲咁。咁我梗係唔想，所以都想快啲同男朋友諗好個plan，到結婚再大家傾。
聰明老公
呢啲奶奶我200%肯定係麻煩，佢越話一齊住就越係控制狂及佔有慾強
100個男人98個都話會幫你，到最後會唔會你自己諗
8個讚
呢樣已經好少事，可能佢個人冇嘢只係八卦少少同埋想勸你買少啲嘢
我奶奶冇乜嘢，幾開明，我同我老公鬧交佢會幫我
但有次我帶袋嘢上去食飯，佢擅自打開嚟睇問我幾錢喺邊度買，話我已經好多
我即刻黑面，以後臨上去食飯前一定放嘢返屋企先
1個讚
明顯係放唔低個仔嗰類
唔係個心抱差，而係無一個心抱會入到佢眼
5個讚
聽落伏伏地，99應該幾多主意個type。
到時日日相見，你d plan同佢d idea唔夾就易多磨擦，表面冇事心中都可能有條刺。
宜家催結婚，結後催生仔。
好少可99同新抱life planning同步仲要生活方式係好夾。
贊成其他sis所言，可簽紙，weekend先去住。
住多排，真係好夾先慢慢住多幾日都未遲。
4個讚
要同你男友先小人 後君子。
唔係你自己諗，要佢一齊參與，要同佢溝通，
總之佢將會係中間人，唔好自己出面。
係，既然仲有兩年時間先結婚，絕對可以計劃到唔同老爺奶奶住嘅方法。為左慳錢，犧牲夫妻感情同生活一d都唔值得。
見到你咁講, Auntie 似乎已經計劃好, 多你一個人幫手供樓就可以住大啲…
6個讚
sis，世事都被你看透了
3個讚
其實你唔同奶奶同住, 除左為自己著想, 同樣都為緊你老公著想. 唔好擺佢係一個兩難的位置. 孝順又唔係, 唔孝順又唔係.
唔係啦，我講得衰！未來奶奶都係好人嘅，佢地屋企都唔係供緊樓。
佢應該都係諗 我地兩個而家應該未有錢買樓/另外租樓，又唔想我擔心住嘅問題，想我同男朋友快啲結婚一齊住，所以先咁講啫～
問過男朋友，佢話我地搬出去住，佢媽應該都ok！不過男朋友當然都係想大家住附近啦。
不過男朋友都係孝順仔，佢都話過如果大家一齊住，夜晚同埋佢爸媽一齊食飯方便啲。希望遲啲我男朋友會下定決心過下二人世界，唔好太掛住屋企！
明白… 各位都好果斷叫我千祈唔好同奶奶一齊住，我會再同男朋友諗真啲
因為仲有個考慮係一齊住嘅話，慳返啲租樓錢，易啲儲首期，希望儘快一、兩年內有錢就直接買樓供樓，搬出去住。但如果儲夠錢前短暫搬出去租樓，唔止用多啲錢，搬屋都好煩。
其實樓主娘家係咪有咩問題? 所以你咁想快啲搬出黎住? 同老爺奶奶住都照殺
否則住娘家, 拍住拖先有咩唔好?
即係有時啲野, 邊個急就邊個冇bargaining power. 如果你娘家住得好地地, 講明要唔同老爺奶奶住先嫁. 咁咪好簡單.
但係如果係你急住要搬出黎, 咁個責任就在樓主身上, 到時如果樓主氹左男友租住樓先, 到時開支多左, 家務又多, 咁佢會唔會怨係你要搬出黎
就算係住男家, 如果係樓主因為想逃避娘家而住男家, 咁個地位就好低架喇喎. 係男家俾個地方你住架喇喎.
咁我唔係話你男友會咁諗嘅
其實如果你係要逃避娘家，都可以幾千蚊租住劏房先
如果真係經濟負擔唔起，咁你自己衡量下娘家地獄啲定男家地獄啲
但係揀左就冇得返轉頭，啲地獄娘家，個女一搬走就會霸住啲地方
2個讚
咁Auntie 都好錫 / 著緊你男朋友
但都係嗰句啦, 相見好同住難, 如果無自己地方, 我會三思先結呢個婚… 仲有2年時間, 可以邊儲邊計劃
1個讚
少女，你太年輕了；我見太多女仔結婚前話：未來99好好人, 結婚後日日背後鬧爆99
未來99 好大好大機會係唔捨得阿仔搬，而唔係真係為你哋擔心呀。
5個讚