我同老婆(35歲) 計劃移民到英國 亦打算係時侯生B了
我地諗緊應該: 去左英國先生BB/留係香港生BB?
香港生:
好處:
壞處:
英國生:
好處:
壞處:
。。。。。。。。
想問下大家有無咩意見
♂ 如果有類似情況既(準)父母都歡迎pm我留個tg，如多人可能考慮開個grp，一齊傾下呢類問題。
。。。。。。。。。
另想問下有無人知係英國出生既BB點返香港搞永久居留權(父母都係香港永久居留)♂ 感謝
好難幫你決定，不過我傾向先去英國安頓好過兩年先生
又唔洗話幫我決定，只係交流下意見啫。想請問點解你想去英國生？
我冇小朋友㗎，但我覺得反正肯定想走，先去英國先
過幾年未必走到，內外原因，例如英國閂閘，例如你帶個b走麻煩
太太意願如何？
你地過去要適應（假設嗰邊冇人冇物），留係度日日見香港淪落亦激心，兩樣都影響生bb,
至於居港權已經係好長遠，你地諗現在（未來兩年）更實際
你都有道理… 呢兩年依個世界變得太快，變化太大了。過多2年可以已經再變成另一個世界…
你岩，係香港睇咁多野真係好鬼激心，其實都其影響備孕。
我老婆都15／16中，佢都有睇呢個post。
多謝你意思
去咗英國先。30週返嚟等生。到3個月大咁上下再飛返去。
咦，從來無咁諗過！好似都可行bo！我研究下先，多謝你意見啊
過到去先生
利申，有個半歲b，如果未有佢應該一早Lott過左去，依家為左佢唔敢搭飛機，一黎冇得帶口罩，二黎佢仲太細個，舟車勞頓對佢唔太好
我自己6 月走，去咗歐洲、下年生（around June)，但從來冇擔心BB 返唔到香港嘅問題，香港唔可能拒絕所有外國人入境。
我只著重我懷孕心情、同BB 出世後成長環境
三十五歲未算好老嘅，保持身體健康生個可愛BB
我無小朋友，我會揀過到去先生。生完萬一走唔到，會覺得欠左小朋友，會好後悔。
若決定離開去英國，最好是先定居，安頓一切，包括有份固定工作，能足夠日常生活開支才考慮生孩子。
若在香港生完，超碼一兩年，到時都唔知香港變成怎樣，有冇得走都未知。
即使一兩年後仍然可以去英國，除非你很有錢不用擔心生活，否則，到時孩子這麼細，你又要在英國找工安頓，將會很徬徨。
坦白講，香港身分證不要也罷，孩子將來以英國公民身份來港應該冇問題，即使大了回港發展也不難。
唔知道樓主的priority 同backup plan
樓主係咪事必要生. 如果等遲啲, 生唔到, 會唔會做IVF, , 做完都生唔到會唔會抱憾終身. 定係生唔到會考慮領養. 定係要換老婆.
老婆係咪都係事必要生. (同上問題, 樓主同老婆未必一樣答案)
不過講真, 生仔本身就冇guarantee 生到.
如果樓主生左, 萬一去唔到英國, 會唔會試其他國家移民. 定係送小朋友去外國讀書
但係我覺得，生仔你控制唔到
移民控制到
如果想生左先，如果一直生唔到係咪一直唔移民
咁不如搞左移民先， 如果搞搞下移民有左先再算？
另外，生仔/湊仔同移民都係人生大事，壓力來源，兩樣都做，頂唔頂得順架
其實我想像下就覺得大壓力，樓主去到英國，又冇得請外傭，只有一個人返工，另一個人自己湊初生，你睇下其他post, 湊初生係一件好崩潰嘅事
仲要人生路不熟，要適應移民
所以我認同你講priority & backup,
我會加多樣uncertainty,
而樓主只能搵最高priority, 係當中搵到相對certain 去做
移民都已經控制唔到了，你點知幾時會限制出境？
工程師搵工唔難（當然要搵到同香港同等嘅就難啦），可以過咗去英國先，有咗嘅就在一係返香港生，一係飛香港嘅屋企人過去照顧你太太
盡快take action就控制到，拖幾年就估佢唔到