樓主我諗到喇
雪左卵先
去到英國settle左，覺得真係handle到先生，但係雪卵就要做ivf
如果爸爸媽媽是但一個係喺香港出世嘅香港居民
喺英國生完番香港好易拎到居留權
我前年搞 由遞form起計至到interview
然後即日approve
成件事需時大概1-2個月
Bb全程唔洗出現 只要帶埋本護照去就整到
個interview都係同你傾兩句偈咁 好容易搞
走得就好走啦，仲等兩年，下兩個月香港都唔知變成點
同埋，想生唔代表一唔避孕就會中，呢個世界有好多野可以同步進行，如果你本身係諗住走，就走（當然，後疫情境況下搵工+有B係唔係負擔到，呢個只有你知道）
但你要預咗黎到英國生活要適應「好」一段時間，我自己係嫁過黎歐洲+10年，呢度仲係耐唔耐會比啲「驚喜」我
要慣冇人幫手做家務，冇人幫手淋花除草，唔係日日去超市（一日買哂一星期餸），要日日煮飯，冇人幫手鑽牆/裝燈/安床/拆床/裝馬桶，乜都自己搬 （我起初連倒垃圾都要研究吓，因為每個垃圾桶掉嘅野唔一樣，每日/每星期收嘅垃圾又唔一樣）
仲未講有咗之後會點，NHS係好野，但香港醫療本身就係高水平，所以唔好期望得太好…我住呢度3歲入學，所以newborn-2歲嘅bb比人湊係渴市架（仲要好貴又難搵到岩心水）歐洲人照顧小朋友同我地好唔一樣，大把nanny隊隻手指尾比bb當奶咀
都係果句，外國嘅月亮一定唔係特別圓；如果你兩公婆唔打算生小朋友，留係香港就好，香港搵到錢，生活水平係高嘅…但如果「一定」要生，就要諗後路
8個讚
覺得如果係香港生，可能過多一兩年拖拖下就冇咁大動力過去
- 唔穩定，有左bb更加唔敢搏
2.香港人工高啲，到時唔捨得
眼見好多人有小朋友都係打算大啲送佢去讀書算，放棄舉家移民
5個讚
如果你老婆會想好好坐月就最好係返香港生，可以請月嫂又好易買到需要既野例如中藥材，如果佢唔坐都無乜所謂就邊度生都一樣 
我好多香港黎既朋友都係生完無坐，因為喺外國你唔會請人幫手，乜都自己一腳踢，根本冇可能坐到一個廣東人既月
兩個月後會變成點
齋諗吓都開始覺得有啲遙遠
難以想像、不可觸及
你想去英國，原因係覺得香港差
BB有冇香港居留權應該不重要啦
1個讚
雙非生仔咁？
三十幾年前都好多香港人飛去美國加拿大生再飛返嚟
樓主想個B有香港身分咪調返轉囉
而且父母係土生土長香港人，對香港有貢獻，唔係雙非。
哇！無估到呢個post反應咁熱烈，多謝大家回覆！
總結其他方法，Alternative Plan：
- 去咗英國先。30週返嚟等生。到3個月大咁上下再飛返去
- 做雪卵ivf
- 英國有左B後，叫長老過英國幫幫手 (已退休)
thank you all，大家既意見好寶貴，真係一字值千金 
2個讚
多謝你分享經驗，咁留係香港生既誘因又少左一些了！感謝！
祝福一切順利。
我會揀英國生
我都想講唔係話生就即刻有B架,我身邊有朋友等左幾年先有BB
過左英國先，bb唔係話有就即刻有。
1個讚
其實好處係香港永久居留?如果呢個係好處咁你做咩走呀？
非常同意，兩年後你唔知會唔會因為太多香港人過去而英國停左BNO 5+1
經過過去呢一兩年，我覺得啲野要變好快就變
生仔嘅野唔係你話想就下個月有,隨遇而安,另外你做工程,去到英國要考牌,要留意唔喺一時三刻就可以入行
有朋友啱有左, 佢等生埋過多三幾年先回流.
佢本身已經有外國 passport
本身有passport就唔使急，想幾時走都得