我係一個單親媽媽，個女讀緊中學，前夫好多年冇俾錢亦冇聯絡，呢排唔知個女係咪青春期，對我態度唔好，亦唔願意同我出街（唔關疫唔疫情事），我好hurt，覺得我將自己嘅青春，時間，錢奉獻哂俾個女，但個女唔buy
平時得閒都會開下open rice睇下有乜好食，但求先有下直頭覺得，我睇黎做乜，朋友都唔多個，個女又唔同我去，我d眼淚就忍唔住係咁滴，真係好心up
3個讚
唔好唔開心。青春期，hormone 影響，好似打風咁，佢未必想upset你，呢啲年紀俾啲距離，暗暗愛佢支持佢。慢慢就會好
8個讚
佢點對你唔好？你可以回想返自己人青春期時係點，付人都有貼樣經歷，何況，佢開始有自己生活圈子，你無可能要求佢一直陪你終老
你太依賴個女了
要有屬於自己的生活
女兒大了一樣有自己的生活遲早會離開你
你應該先要搵返自己
脫離對任何人的依賴
23個讚
試下參加興趣班識下朋友仔,或者做義工! 
擴闊自己社交圈子,當然要小心戴眼識人 
你個女大啦!假如有日,佢識男朋友,都無可能次次陪你出街食野啦 
4個讚
我經歷過, 只不過我角色係你個囡。
我甚至離家出走半年冇返屋企。但係過後，就會明白阿媽嘅苦心。更加體諒。
呢個時候默默支持佢，過咗之後佢就會更加錫你。
4個讚
青春期係咁，朋友一定係最重要嘅
過咗之後就會同阿媽close返好多，嫁咗人之後就更加
2個讚
只要你真心錫佢，佢遲啲就會知道ga，肯定。
而家佢嘅舉動，其實都唔係好知道自己想點。而唔係針對你，唔係因為唔討厭你。
4個讚
我記得以前細個都唔鐘意同父母出街
因為覺得佢哋old fashion，唔會太識考慮佢哋感受
你要預咗個女可能都大個嫁人先會識牽掛你
所以最好試吓搵下興趣，識多啲朋友，自己唔會亂諗嘢
2個讚
必須經歷的, 自己都要調整一下心態, 唔好對一個人咁依賴.
青春期有好多行為不受佢哋控制。
請忍耐一段時間，過咗會好好多。
青春期係咁，好正常，你辛苦左咁耐，而家可以開始自由過返自己既生活，培養興趣，重新識朋友，學唔同既野。 生命階段性，現在又適應另一階段，每一個時間都可以找到精彩開心的地方，媽媽加油！ 你會是女女將來的好榜樣！
2個讚
樓主有冇返工？
樓主不如發掘多d個人興趣，例如做皂，製麵包等等，甚至如樓上話齋做part time好，做義工好，讓時間變得充實。阿女開始大，你可以開始慢慢放手，找回自己的圈子，去享受屬於你自己的人生。
個女都大，有自己世界好正常，樓主有冇d野細個想學又冇時間學架？機會黎啦
做皂好易㗎？我都有興趣。
離左題添
我覺得樓主要搵多啲自己興趣，充實下自己 等自己多啲活動同興趣
就算女兒過左青春期，將來拍拖 結婚 有小朋友 都冇可能日日同你一齊
加油
1個讚
我女而家都青春期，有時態度都會差，都鍾意自己出去，咁你咩比d空間佢，你有唔開心嘅地方可以講佢知，其實佢多多少少都會聽到。
另外亦贊同其他人所講唔好太依頼個女，佢都會有獨立離開自己身邊既一日，一個人都可以過得好精彩，你試吓搵下自己嘅興趣先啦
1個讚
樓主本身返緊嘅工係寫字樓、同事來來去去果幾個？
我有舊同事、小朋友上小學就ftm冇做野、仔女上左中學之後、開始覺得好空虛、佢本身有啲幼稚園同小學的家長朋友、有人提意去揾啲多後生的工、個人會開朗啲、佢就膽粗粗走去做Uniqlo 做、之後揾左住客會所做、 周圍同事都後生、舊同事話覺得同個社會connet返。
希望比到少少啟發你。
4個讚
你有冇研究過個女點解會咁？有時可能純粹係青春期唔想痴住阿媽，覺得阿媽outdated，想同fd 一齊多啲，咁冇乜嘢嘅
但如果係溝通問題就要了解下改善下
你個女仲細，佢終有一日會明白媽媽苦心，唔好唔開心。你仲後生，大把生活樂趣等你發掘，可以扮靚，可以學嘢，可以做運動