時間問題
不過呢一刻你要搵返你自己有興趣嘅事情先啱
絶對認同, 會別人愛你, 你先要愛自己
多謝各位，我有返工，賺嘅錢唔多但大部份都係洗喺個女度，我只係覺得為佢付出得太多啫。
我從來都唔覺自己依賴佢，相反我仲覺得自己太獨立，係有時dayoff想同佢出下街，佢開始嫌棄，果下好hurt. 我都有朋友，不過年紀愈大愈小真心朋友，所以有時間都寧願摺下。
我女仲成日拎我d衫同鞋黎著，我真係唔覺自己out架
少女青春期發神經係必經階段，我都傷心左幾年，中二到以家中六都唔肯同我去食飯行街，慢慢我都慣了，以家會話之佢，但盡量係可能情況下保持住母女情深
今年佢DSE，佢叫我搬走唔好阻住佢閉關(我有2間屋)，我就同佢講我會唔捨得你好掛住你好擔心你，我特登咁講
，佢就好似勉為其難咁話咁好啦但你唔好咁嘈。
其實佢聽到我咁講係開心既，我估
盡做啦，鬼叫我係亜媽佢係女。
揾吓自己嘅興趣，識吓新朋友，唔駛好多錢，行吓山，煮吓嘢食之類
主要係你有呢個思想 “我為佢付出咁多，點解佢睇唔到/唔肯付出少少”，亦即係 “我是為了你才活得這麼痛苦”。
但佢年紀咁細，你覺得你感受嘅野會同佢一樣嗎？就好似父母不斷俾仔女做練習同溫書，一味話 “為佢好”，但佢只知道咁多野排山倒海，有排都冇得娛樂，多得你唔少。
呢種付出在佢眼內，可以係助力亦可以係壓力。你係無法知道到底佢宜家感受到嘅係咩，因為你唔係佢。
所以你宜家係要為你自己做返啲野，搵興趣，而唔係強行令你個女去滿足你。
2個讚
你要接受下係咁嫁，唔係屈死自己
過來人
我媽媽嚴重好多
佢都覺得成世人花晒咁多心機喺我身上面，點解我唔成日痴住佢
除咗成日覺得要好似「愛。回家」咁就算嫁咗都最好住附近，日日見之外（現實當然無可能）
仲樣樣都繼續管住（我已經結婚有小朋友），講到我好似仲係小朋友，唔識照顧自己，甚至唔識照顧個小朋友
變咗有時command mode得多，好令人討厭
理性上嘅我知道呢個係佢Show care嘅方法
但情感上我覺得佢每command我一次就hurt緊我，覺得我廢、無用，甚至覺得我會刻薄個小朋友（佢會講到出口⋯⋯）
佢會令我刻意避開佢
我估如果你多啲去focus喺你嘅圈子、興趣，俾啲空間佢
可以繼續用著衫打扮做你哋嘅linkage同Common topic，有機會你哋可以做到好似朋友咁
加油！
2個讚
最緊要留意佢交朋友同上網方面
呢個心態好有問題，對子女付出會嫌多？
因為付出同回報不成比例？
如果係咁可能你要改變下呢個想法
父母對子女嘅付出應該單純d，因為佢係我地子女，所以付出係自己想做嘅，而唔係佢要求嘅
3個讚
青春期呀，係會日日嘔血，我個女都成日專登做D野激人，你叫佢東，佢就會西，我多數會就下佢，到好頂唔順有時都會病佢得犀利，不過係睇住佢一天天成長，過程唔容易，但經歷過佢地會更好。
好難「單純」，因為人做任何野都係自私而有目的。好多時候話「關心」，只係因為「你會影響到我情緒 (e.g. 唔滿足、唔忿氣)，所以我要在意你」。
不過最重要係要當自己係一個組織嘅生命共同體，大家活著係各自各但又配合，唔能夠強調「我為你做左 XXXXX」，或者「你能夠為我做 XXXX」，需要「我為我自己做打算，接受帶來嘅一切後果」。呢樣係好難做，做到嘅話，個「組織」係一定好成功。
青春期幾時先過
青春期冇計ga , 我個時會盡量唔煩佢，當朋友咁，盡量學佢哋嘅語言同埋興趣囉，同埋我會講我返工嘅嘢比佢知，開心唔開心或者係一d低能嘢，我覺得咁樣會易溝通d。
完全同意！
任何人都唔應該過份依賴任何人作為自己嘅人生意義。
衣加開始建立番自己喜愛嘅事情都唔遲架！
係囉，同埋付出多少係你自己控制架嘛，冇得咁樣後悔架喎。
我同意所有人做嘅事都係為自己（例如做義工係為左想做比自己睇，使自己覺得自己嘅行為有意義），所以單純嘅意思係指單向付出後為求享受付出嘅過程，而非付出後對方「還」番比自己嘅回應。
1個讚
呢樣嘢擺係「子女」身上並唔合用
可能你未有小朋友，所以難理解
從心理角度，做任何野都係有目的，即係「享受付出過程」都係一種目的，所以冇單純行為，只有「有目的行為」，同「自然反應」。
3個讚
呢個係阿德勒提出嘅理論，記載係適用於任何「共同體」，包括家庭。
不過很難做到。
1個讚
我因為工作關係接觸好多青少年。
其實你當青春期系精神病就得（憂鬱/ 躁狂/ 社交焦慮等），當佢系精神病人，而呢個病要10年時間先醫好，你既愛心就系治療佢既藥。你個心會好過d。
4個讚