有冇人老公個生活習慣好唔健康? (長文, 呻下)

我結婚冇耐, 結婚前已經知道c6生活習慣係唔多健康, 但諗住都係因為佢原生家庭6299又唔煮飯又唔煲湯之類先會咁, 同佢結婚後一直都好想佢D習慣可以健康D…
但點知其實都唔係太大分別…

首先佢唔飲水…全日可能只係飲得一杯, 兩杯水, 大部分時間係飲飲品例如茶呀之類, 有糖無糖飲品都會飲…佢又好夜先訓, 晚晚都凌晨1點, 2點, 3點先訓…打機又好上網hea又好…搞到成日話好攰, 成日同上司申請home office或者直頭訓到9點幾10點先起身返工 :expressionless: (佢份工係穩定既而且佢個位係難請人, 所以基本上算係安全但同時間又冇乜上位機會)…叫佢早D訓又話自己慣左, 果陣未眼訓…

結婚後我都盡可能煮晚餐, 星期六日都盡量煲個湯或者燉d野比佢食…但有時都好灰…煲個湯基本上都只係係預一人兩碗, 有時佢飲完一碗就話唔飲, 食湯渣…又係要我包…我覺得我用咁多心機去整, 又係食果小小, 成日食埋D零食…又時真係心裡好唔想再整…明明結婚前, 佢成日呻佢父母唔煲湯唔煮飯所以佢婚前基本上係食零日過日子!!! (懶到連出街食都唔願), 而家我做又唔見得佢好開心食好多…真係好無奈…我試過我約左朋友食飯冇煮, 結果佢果日又係零食過日子 :expressionless:

之後就成日病呀, 攰呀…但又唔係真係病到要睇醫生果D病, 係例如腸胃唔係幾好呀之類…我覺得根本係佢D習慣搞到咁但佢又冇諗住要改…

我都明白, 結左婚, 唔係要改變一個人, 我都已經由一開始, 會"哦"佢會成日叫佢飲水呀早D訓呀唔好食咁多零食呀…到而家係唔出聲唔會話佢, 我唔係想限制佢, 但有時諗, 如果結婚後大家都係各有各, 對大家一D唔好習慣不聞不問, 你有你一套生活, 我有有一套生活…唔通咁又係好咩???

唔知有冇人老公都係咁…你地會係咩心態同點應對…

P.S. 我自己都唔係聖人, 我一樣有唔好既生活習慣, 我一樣鐘意食零食公仔麵煎炸香口野, 但我唔會係always, 日日都係咁食…

P.S.2. 除左佢D唔健康生活習慣外其他野佢都好好, 佢亦會分擔家務之類 (佢仲做得多過我)

2個讚

其實飲湯唔係你所想咁健康
因為嘌呤好高(尤其老火湯),容易令人有通風(尤其係男士)

我自問對食材研究都幾多下,食得又好健康,湯我反而好間中先煲

我老公算係身型望落正常,但肚算係比例上算大d(即係中央肥胖… 易有慢性疾病嗰d)

佢一路都勁中意食朱古力,份量係嚇死人嗰隻,一路都唔覺得自己需要節制d㗎⋯⋯點知⋯⋯ 之前有次睇普通病時check到佢咁後生竟然血壓偏高,講緊係高到同我地個4X歲肥菲律賓工人咁

於是我老公就真係驚啦⋯⋯ 因為平時佢跟我食其實三餐食得好健康下,唯一分別係佢食爆多甜品+朱古力類嘢

幾個月之後,佢依家幾乎係戒甜80%,連粥粉麵飯呢類都戒得7788

所以我經驗係:無論老婆對健康飲食幾有研究都好,老公都會覺得唔關佢事

直到佢身體狀態真係有警告啦⋯⋯ 於是就會「突然」覺得老婆之前講d嘢好有道理

依家佢食乜都要問我:rofl:

所以我結論係:苦口婆心無用,佢見棺材自然會流眼淚

9個讚

冇細路咪離婚
一係咪忍成世:expressionless:

1個讚

你有冇將你心入面嘅諗法話比佢知?佢又有咩回應?我覺得你可以同佢溝通下先。

其實2個一齊生活就係要互相包容,我自己都係少飲水,我老公都冇出聲話我。我老公生活習慣都唔好,夜瞓睇波又零食,個肚腩越黎越大。如果唔大影響到我嘅生活,我都唔會出聲,始終冇可能改變另一個人十幾年嘅生活習慣,有時真係退一步海闊天空。

1個讚

嚮我眼中,我老公都食得唔健康架,鍾意食埋d腸仔火腿午餐肉丸類,因為我呢d係唔會食。又係唔鍾意飲湯,哦下佢先飲一碗,所以我都好少煲湯,一來唔太識煲,二來冇人欣賞。都係間唔時叫姐姐滾下魚湯自己飲。

1個讚

我明你意思,我都聽人咁講過。我爸都係咁,又係以前唔健康而家啲病出晒黎就日日住家飯又戒煙。。。
但作為老婆當然唔想佢去到身體有事,就太遲。。。

我老公都食得唔健康,又夜訓又食煙,我同佢講如果佢病到一定要人照顧,我就會送佢入老人院,唔理佢:rofl:

2個讚

我老公想唔健康,但佢冇咁嘅機會,因為佢好慳,最怕折墮,佢唔點飲得多湯,但我預咗佢嘅份量佢如果唔飲我會一嘢倒晒佢,佢呆咗,冇諗過我咁狠,以為我會包底,所以下次拿拿聲飲或者留第二晚飲

另外佢又係鍾意食餐肉腸仔火腿,不過有一年身體檢查醫生話咗佢個 index 唔得,係癌症指數,講明話嗰啲食物唔食得。佢本來唔驚,但我發惡唔准佢食,講明佢有事我一定唔會理佢,唔會出錢醫,佢知我講得出一定做得到,最後?應該一年都食唔到一次

我都有提過唔想佢咁,佢都冇特別表達啲咩。。聽完就算咁。當然我亦唔係話點樣話好認真同佢坐低傾咁,始終又唔係啲咩大事,退一萬步講你死你事,我亦唔係會上綱上線咁.
我而家都冇出聲,飲唔晒就倒唔訓就算第二日又遲大到就由得佢,只係有時都覺得心裡唔係好舒服咁,點解唔可以有個正常生活習慣。。同埋有時買咁多新鮮豬肉(大家都知幾貴)煲湯又係飲一碗, 覺得好浪費我的心機同心意,所以有d唔開心姐

我老公四十中,佢上次驗大腸癌,結果係一粒息肉都冇,醫生話佢好勁,好少男人會咁

佢啲同年同學全部要割息肉,因為佢哋啲老婆唔管或者管唔到,我老公好自豪話好彩有我

6個讚

我之前都有包,而家平嘅我都倒,貴嘅我都唔捨得。呢排佢多左陪我去買餸,開始知道啲野貴,希望佢會珍惜啦。。。

2個讚

都啱 :rofl:

1個讚

但我問佢想唔想我煲,佢又話想,但煲到又只係飲一碗。。。
我而家煲,就落少啲水,預佢一碗算。但有時諗,豬肉咁貴,一煲湯料成舊水,先煲埋得兩三碗,好浪費。。。

我煲素湯,豬肉太貴唔想用嚟煲湯,素湯又健康啲

1個讚

返工返到唔記得飲水! :woman_facepalming:t3:

我已經買咗個有reminder嘅水壺都冇用 依家wfh擺杯水喺佢前面成日都未必飲到半杯

我而家都想煲素湯算,但佢又話,落左肉甜啲,叫我加肉.
我就同佢講,啲肉咁貴,煲完你飲得一碗,好浪費,寧願煮個肉做餸好過。佢就冇出聲

2個讚

咁你因為工作都冇計呀,我之前工作好忙時我都係口喝都唔得閒出pantry 針水。
但我老公係會keep住拎紙包飲品再返位做野,飲完又出黎換另一包。。

當然啦,佢以為自己係邊個?飲得一碗湯多多要求?屋企每人都有責任唔好諗只有權利

2個讚

我老公有期成日夜瞓,成兩三點喎,因為我早瞓唔知,點知有一晚我起身去廁所發現,即刻迫佢瞓廳,佢之後早返好多瞓

其實唔係飲一碗既咩?
飲咁多咪食唔落飯囉?
你老公啲壞習慣我全部有齊:joy: