生活習慣唔健康就要離婚！？
傾過都係態度不變就打定輸數佢唔會改
我知豬肉貴，寧願去x福堂買湯包，$6x每人一小碗，唔駛自己花時間心機去煲。
2個讚
兩個人食飯的確係容易食淨野！
人少可以滾湯啊，芥菜鹹蛋個啲呢，你老公食開零食都應該重口味！
煎下雞翼個啲！
首先等佢習慣下先！佢少食屋企餸，又食慣重味，慢慢一步步減輕味道！
加油！
1個讚
飯餸而家就少食淨因我都唔係煮好多，通常係煲湯呀燉野果啲會有淨。
1個讚
因我通常係星期六日先煲（我平日都要返工）咁下午煲好可以飲一碗，晚飯前又飲一碗咁。但佢總係拖到食晚飯前先飲第一碗，咁食完飯自然唔飲，我就覺得放假食完lunch我就開始搞煲湯，成個下晝，你又要拖到晚飯前先飲，咁其實我咁早煲黎做咩姐。。
本身煲湯就唔係健康，又浪費食材，一黎煲到啲湯渣唔好食，啲營養又破壞哂
湯水其實都係脂肪同鹽
3個讚
人人睇法唔同，有d 人真係鍾意飲湯既。
咁咪照煲兩三碗俾佢，分兩日飲囉，就算隔夜唔好，點都好過d 零食丫。
1個讚
其實我都係煲下紅蘿蔔粟米螺頭瘦肉，蘋果雪梨雪耳紅棗，羅漢果水呢d，唔係老火湯，我都唔識煲好復雜果啲。呢啲我諗住係清清地，或者滋潤下咁？
1個讚
即係其實本身湯就算唔係唔健康，都唔係啲咩好健康嘅野，煲得辛苦又貴，老公唔飲係唔需要煲（就算老公中意飲，都要視乎自己工作量，唔係事必要煲）
零食你可以買啲健康啲，蘋果乾脆片，無鹽nuts, 唔需要逼佢介
2個讚
明白。
零食我唔會買，通常佢自己買，我又阻止唔到，就算我買健康嘅都只係增加左零食嘅存貨，因為所以佢自己食同飲嘅零食或飲品都係佢自己買。。。
我自己唔會將人地嘅健康攬上身
我自己至多講兩次，佢同意就協助佢，例如幫佢改變飲食習慣，唔同意就算
始終人都係要為自己負責，至多講明第時生cancer唔會出錢醫/送佢去老人院，或者買定保險囉
無謂為呢啲事有嗌交，影響夫妻感情
1個讚
我都明白，冇嗌交，我亦已經冇哦佢，只係有時睇到個心唔舒服係度呻下姐（例如呢頭話飽飲唔落，倒左佢5分鐘後去拎檸檬茶飲）。而家基本上佢食唔食我都唔理佢，訓唔訓我都唔理，我眼訓就去訓，煮完就食（本身有就住佢差唔到返到屋企就即刻煮，希望佢食到熱嘅野，但好多時佢都hea一輪先食，即係我一心想佢唔駛凍住食嘅心機又係白費晒，初時會好唔開心，而家我已經由得佢，唔食就我食先，佢慢慢先出黎食，反正食完係佢洗碗收拾）
1個讚
樓主係好老婆，明白你心情
我就惡死，不過我老公好清楚我係為佢好先咁惡，我軟硬兼施，佢而家好健康(佢本身運動底)，都好
我覺得呢啲要睇老公性格，你老公識appreciate你咪好
有啲可能覺得自己多左個阿媽，嫌人煩，咁就無謂攞苦黎辛
我自己亦都冇興趣幫人地湊仔
1個讚
我又惡唔出，不過個人都會忟。例如好多時候我真係plan好晒d step 點樣煮係最快，一聽到佢開門返屋企聲就即刻入廚房煮，expect 10分鐘內食得，呢段時間預佢去個廁所洗下手做啲防疫工作，但有時佢手快，搞店後就去書房打機，到我煮完叫佢幾次都唔出黎，我都會忟，但唔會話惡咁。因為我都要返工，我覺得係好似我咁趕又預備晒野就係怕佢凍左食呢份心意被踐踏咁。而家其實佢好d, 唔知點解而家佢又識自動出來。其實我都唔想成個呀媽咁，或者話仲煩過佢呀媽因佢媽其實都唔多理佢的，我都控制住自己。
其實我都有問過佢，覺唔覺得我好煩又哦佢，不過唔知係咪每次問時都係大家拍拖或二人世界嘅時間（即係唔係佢有佢打機我有我上網咁），佢次次都話其實中意我煩佢，話唔介意，話老婆就係咁，但實際上佢行動依舊，係冇改變過的。
我唔係阿媽，我係訓導主任 
不過健康呢家嘢如果老公唔受，做老婆就可以施軟功，我覺得會比硬碰有效
對付奶奶就硬碰無妨
2個讚
我屋企冇零食，不過有少量餅乾算唔算？
我老公生活習慣都係好唔健康架 手機不離手 夜瞓 食煙 多肉少菜 重口味 又鍾意食零食 我講咩都無咩用 
我要求佢一年做一次身體檢查 等醫生同佢講有咩問題 但感恩又真係無咩大問題 
同埋。。。飲湯 真係唔一定健康 唔洗咁執著
我老公都係咁，唔鍾意飲水，剩係飲凍既甜野，成日空肚飲汽水。
放假都會打機唔願瞓，不過我都一向夜瞓。
剩係鍾意食d垃圾食物，好肥又從來唔做運動。
你先要放鬆自己，2公婆係需要時間去調節ga, 男人就好似小朋友咁，慢慢嚟啦