我覺得你已經唔係好handle到，不如搵屋企人同佢傾？
2個讚
既然已經同佢攤咗牌,相信佢呢排一定做死狗,咁你要照顧好自己先,生咗叫屋企人同陪月一齊照顧好你同BB,而佢定時定候報到同返去老爺奶奶度住住先。
之後嘅安排唔係一時三刻可以決定到!
祝你生產順利,祝福你
2個讚
你不如同一個你信任既人傾下先
到時有需要佢都可以睇住你同bb
生完之後媽媽既hormones會影響到情緒
我好擔心你未必handle到產後既轉變
搵個人同你傾多d好過屈係心裡面
每個人都會做錯，要比機會人改過，約法三章，再有甘情況家破人亡。
樓上jm講得啱，你要為自己打算。
佢係咪獨子？你同老爺奶奶關係如何？
如果我係你，而老爺奶奶又係可以傾同會湊孫ok的，我會同佢哋講發生乜事，而加未確定出世紙會唔會寫爸爸名，因為唔想離婚後要同人爭撫養權，但係明白bb無辜，而且知道老人家想睇孫，所以而家坐低傾下你以後想嘅安排，大家ok先再決定出世紙落名嘅事。
如果係我。。其實點都會想bb出世紙有爸爸名，但係我會先同個男人+老爺奶奶講，要求協議離婚，撫養權歸我，資產如何分配，bb爸爸要每個月畀返幾多生活費等要係離婚協議書上清楚寫好，佢簽咗，先會係出世紙上寫爸爸名。但係亦要討好老爺奶奶話到時你都諗住出返嚟做嘢，所以佢哋想的話，可以幫你湊孫等等。。
要襯個男人仲覺得內疚，逼佢畀多啲嘢你同bb，襯老爺奶奶因為個仔而內疚同睇住個孫份上，唔會有反對聲音。
現實啲講，我會想簽咗一份保障自己嘅離婚協議書先，使唔使同出面啲人講或者可能現實再同佢繼續嘗試一齊返，我覺得都可以同時間進行，最多咪再同佢簽紙結婚。不過沒左信任既感情係好難維持的。
5個讚
我唔知呢位jm 講緊婚前協議書定係離婚協議
離婚協議 就真係離婚先傾. 而家仲未離婚就唔關事.
婚前協議書不具法律約束力
http://www.hwg-law.com/zh-hant/articles/何敏怡律師於《香港經濟日報》旗下《經濟通》etnet-網站內撰寫《家事法庭》專欄-第十七篇文章
如果樓主要保障自己, 最好就係威逼利誘老公而家就過哂啲錢俾樓主, 最好樓主如果信得果自己父母, 直頭轉埋俾父母. (當然如果好快離婚, 法庭會trace 返啲transaction. 但係如果過左好耐先離, 分分鐘查唔到. )
如果樓主自己keep 住啲錢, 到離婚都係會計入共同財產, 再等法庭分配
假設如果老公俾哂啲錢老婆, 而老婆唔轉走, 假設消費去向沒有分別的話, 其實擺在老公定老婆戶口係一樣後果. 離婚都係兩公婆啲錢加埋一齊再分.
當然實際上, 擺在老公戶口, 佢就可以去叫雞, 擺在老婆戶口就可以經濟封鎖老公. 同埋攞在老婆到, 老公就唔可以資產轉移.
3個讚
實在係唔知好過知，無知也有無知的好處，至少你呢一刻會快樂。
但既然知左，而個男人又願意比晒錢你，襯佢反口前快快做晒財產轉移安排。呢d係你2個人既事，你2個未分好錢都唔好involve 其他人費時煩。
聽你老公咁講，佢都係心癮，口講對唔住但唔會介到。既然係咁，又要時間分財產，襯呢個時候捱住先湊住bb, 到之後settle晒你又ready先一次過離婚再公告天下。
老一輩可能會勸你多一事不如小一事，你唔想煩既話最後先通知佢地一刀兩斷，記住你佔上風，你揸旗你話事，唔好無左個地位。
2個讚
比我唔會同老爺奶奶交代。佢地多數都偏坦個仔，又想玩孫，未必咁易有商有量放樓主走，再慘d比說話佢聽，影響佢幫唔到自己揸主意。
睇樓主有幾企硬啦，唔想煩就一刀兩斷，錢解決到既問題唔係問題，你同小朋友遠走高飛離開呢個傷心地，當自己半個Mandy lieu 咁就ok.
1個讚
你同 bb 健康最重要! 
唔好再睇道友阿伯叫雞 post 啦! 
睇 d 正面野,回覆體力,生完搵到工,先慢慢諗下一步!你咁好佢唔識珍惜,佢該 c! 
快 d 踢佢去驗有無愛滋同武肺仲好,咪野到你同 bb,你同 bb 都係珍貴!錫住自己同 bb 
有咩事就上嚟呻下,去醫院就同醫生講心情唔好,照講就得,社工會跟進,可能會叫埋你男人去照肺,幫佢輔導下呢 
離婚協議書呀，比我會離婚，襯個男既仲內疚，協議點樣分資產同撫養權+錢，跟住叫佢簽。
2個讚
原來係咁, 即係直接傾離婚. 條件好就跟男家姓/俾男家見bb. 條件唔好就跟女家姓. 係咪咁gei 意思?
沒諗太多，唔知樓主本身自己嘅能力幾多，只係其一tactic 去保護自己。
如果樓主自己ok又想一刀切，咁就唔落爸爸名，少個機會比人同佢爭BB。
太多野要諗，但都係嗰句，樓主要識得先保護自己，感情事可以再慢慢傾，起碼盡量在法律上保護好自己先。
1個讚
其實你有沒有查考過佢係咪有病？睇你所寫，佢份工應該高薪但高壓，我前排聽收音機，有個環節係請性治癒師去講性既題目，其中一次就係講sex addiction. 你宜家嬲就一定，但為左bb，會唔會試下留一個空間去探討下佢叫雞係咪因為心理上既問題。
3個讚
好明白你，俾我都會好嬲！就係想安安定定揀個老實，原來係咁賤！
唔敢教你點做，你自己覺得點做最舒服就聽自己個心講！
支持你，加油！
有冇屋企人可以搬返去住？
如果有能力自己攪得掂就唔好理佢
1個讚
非常認同
唔好咁講，你仲有啊b！
錯係佢個仆街錯！你同啊b係無辜既！
佢，就當係提款機！
1個讚
我諗不如做個決定，同佢講清楚
如果佢改過，你選擇接受，就以後唔好再提
如果佢要繼續，你選擇接受，大家傾好條款
如果離婚，都唔怕，將來或者遇到後父，好多男人都唔係你想像咁介意
小朋友最hurt嘅一句說話係長大後聽到父母講「如果唔係因為你，我一早離左婚」所以呢句真係唔可以講出口
瀟灑啲對大家都好㗎，你屈一世，啲負能量仲會俾左個小朋友
純分享我個人感受
11個讚
你講嘅嘢我全部好認同
如果決定同個男人繼續一齊/離開個男人，都唔好對小朋友講「如果唔係因為你…」呢類說話
選擇留低就一定要自己消除「叫雞」呢段記憶，否則唔會行到落去，離婚只係遲早嘅事
3個讚
我阿媽到我哋大個左都仲係咁覺得並講出口，甚至怪我係女先搞到佢要再生多個追仔
小朋友聽到係一定會唔開心！有啲甚至會怪責自己，然後做傷害自己嘅事。
呢啲大人最衰，自己唔敢離婚就攞個細路出嚟做借口，仲要怪責佢