呢啲嘢冇得咁講㗎，人會變，尤其是比較年輕就結咗婚嘅，人生好漫長，四五十年嘅時光裏邊總會有啲際遇令到一個人多多少少作出改變，變好變壞冇人知，當然都有可能一開始個男人已經係差只係個女人察覺唔到，但係一個人有心欺騙另一個人，扮成一個老實君子，冇經過時間嘅洗禮真係唔係咁容易察覺得到，而以結婚呢個主題來講嘅話察覺到嘅時候多數都已經太遲
所以我比較偏向認為婚姻本身係一場賭博，賭既好大程度上係自己嘅運氣，樓主只不過係運氣唔好
8個讚
係我嘅話，我唔會再信，除非佢突然轉性道歉、歸家不外出。
但呢段時間一定要盡量令自己同 BB 開心，cap 水，搵後路。既然都幾肯定唔會有結果，咁就要做到自己，養好一夥強大的心同財庫。順便 cap 低啲證據，討好 6299 企係你嗰邊（方便到時候幫你教訓你老公）。將來離婚嘅話，分身家都勝算大啲。
1個讚
Fresh grad 打工嗰陣都係個個有熱誠肯學習，做耐左就冇左個熱誠。婚姻一樣，耐左嘅話（尤其係 20 年以上），可能只係同對方產生依賴同習慣，未必有新婚嗰種感情。
但樓主一定要養好身體同 BB，幫自己儲多啲籌碼、財庫。乜都假，錢係最真。錢並非萬能，冇錢就萬萬不能，呢段時間一定要扯多個錢旁身。
3個讚
其實係佢自己騙自己呢, 婚前已經知佢會溝女係個唔定性的人, 但都決定嫁…
不過事到如今, 唯有面對, 如果對方都唔愛自己, 離開可能更好
佢只係同條女狂吹閒水，連暖昧都稱唔上，點叫溝女？係我自己唔鐘意叫佢斷！我observe 左7年先嫁！唔好講到我為嫁而嫁！我大把人追，想嫁都大把選擇！你唔好講到識我甘！ 仲有，我眼光好唔好亦都唔到你講，好明顯我係被蒙在古里，但唔代表佢個package 唔好！！眼光再好，有人存心欺騙你都走唔甩！
4個讚
多謝大家關心，我唔一一回覆啦，我會冷靜下過多兩日再update, 仲有，唔該個d 好惡毒既人收返把口！咪撚講到老公係我簡，中獎都抵死甘！呢d 人唔該過主！聽到呢d衰過搵到d證據！
20個讚
休息下，呢個時間安胎都好重要，有時可能要BB出咗世先知自己想點，因為想像同到BB出咗世真係可以好唔同。你準備好先同老公攤牌啦，相信你唔攤牌都真係瞓唔著，不過要預咗到佢親口認個時會好心痛。
唔需要理d無同理心嘅人講嘅嘢，個老公出去叫雞點都唔會係老婆嘅錯，結婚簽個張紙係有意思㗎，呢段時間辛苦你喇，無論咩決定都唔易。
3個讚
我好耐以前已經知道所有男人有機會都會叫雞，一個男同事話我知的，佢地全部一齊跟埋老細出去玩，就算好純好乖的一樣去。如果佢肯改過以後唔去, 你考慮下原諒佢, bb 單親好慘架。
除非完全經濟封鎖老公，如果唔係，好難證明/控制到佢以後唔去架喎
去叫雞真係好易，絕對可以一啲痕跡都冇
當務之急係照顧好你心情，生同坐月安排等等先，身子要緊
至於婚姻關係，其實一個表面完整ge家庭，係咪一定比一個單親家庭好？ 如果父母關係扭曲，甚至一邊對小朋友ge愛根本唔夠，小朋友ge成長、家庭觀、愛情觀都好難好健康
唔好拘泥教條式ge所謂「好」、「應該」，點樣對你同bb真正最好，你自己先最清楚。加油
樓主要堅強唔好一時用氣。
我相信為母則強，辦法真係比困難多，只要唔係鑽左去牛角尖。
如果有真心朋友傾訴就搵朋友，無朋友，趁未生快啲去社會福利署或有社工既服務機構搵社工（我係陀B時情緒出左大問題，都係搵社工幫手同解決個時既問題）
2個讚
但樓主個肚9個幾月，基本上隨時生得，已經無得咁諗
依家以個bb同自己身體為先，坐好月再諗點對付隻佬。保重。
1個讚
講緊如果呀
你依家同佢嘈交攤牌冇好處 同佢離左婚 佢可以自由自在 你就自己一個吃苦 點解要咁益個男人啫? 梗係CAP佢水 最重要喇
你都唔係一時三刻可以好返 不如現實D 攞住佢D錢仲有安全感
3個讚
你可以俾多次機會佢，但你一定要用呢個機會轉曬所有財產落自己名下
為自己、為bb著想一定要
到時你老公再出去滾，你都無咁徬徨
比自己沉澱幾日先，然後再選擇
當然可以扮無事發生過，又可以同佢割𥱊。
另一個折衷方法係話佢知你知道咗，你要分開吓先，過幾個月冷靜落嚟先決定。你大住個肚，個心銀住銀住都唔好，要扮無事係好難囉
支持樓主決定
一切為自己同小朋友利益行先
最緊要錫自己
L其實同佢攤牌個下，佢已經即刻跪晒，喊晒，佢話俾晒d錢我，出左糧都過晒俾我，話自己人渣，面對唔到我，電話密碼同所有銀行戶口密碼都講左俾我聽。由得我check佢電話，裝左追宗app隨時知道佢係邊！
但我真係接受唔到佢同d雞搞野，好污糟！我係佢電話度搵到好多野，佢已經由得我禁。係我心目中 只有學歷低 無靚女朋友 無社交圈子既人先會甘叫雞 我想像唔到專業人士都一樣！即使有個靚老婆 我昨晚又搵到d 片，我每日起身就會search d 人講男朋友/老公叫雞既post. 然後不斷自虐式諗d雞可能同呀伯，道友搞過，佢同隻雞搞，搞完又搞你，我好崩潰，我覺得自己都好污糟包括我肚入面既b！
我問佢點解keep住叫雞，佢解釋唔到，話工作壓力大既時候會特別想去，我問佢係咪我滿足唔到你，佢即刻喊住好自責甘講唔關你事係我自己問題, 話以後唔會再去。
呢一刻如果飛來橫禍，我走左，我會覺得係一種解脫！當然我無論如何都會生左呀b先，但我唔知點面對呢個屋企，由其諗起我地全部都唔純潔，我fd 岩岩生完send 相俾我，我好心痛，我原本同佢一樣有個幸福美滿既家庭，而家所有野都落空。
5個讚
男人被捉到應一定跪低乜都應承你，但佢係唔會改過
唉～
1個讚