同老公拍拖到而家差唔多十年
婚前發現佢有同其他女仔傾下whatsapp 都係d無聊野，講到明唔鐘意佢都話會斷，結果今時今日都仲有contact, 早3個月仲俾我發現約過出黎食飯。
本來以為呢樣野夠衰，結果岩岩搵到佢3年前已經叫雞！結婚後既9個月。 大陸雞！
我老公表面好老實，份人好孤寒，無諗過佢一個月可以用2-3千叫雞！
而家我陀住9個幾月，仲有2個幾星期就生。
我應該點樣攤牌？好嘔心！唔止一次！有d仲要收工叫雞，話OT 我仲煮好飯等佢返黎食。
我老公成個孕期都無俾我感覺到佢好呵護我，原來係感覺到架！我而家面對唔到佢，好憎佢，連個b都唔想理，我唔知可以點，自問自己未懷孕前樣靚身材正個個都話我可以搵到更好，貪佢擔屎都唔會偷食，事實證明無論你幾靚，幾正都無用，出邊既屎未食過都係香既，呢句說話係真！
我唔怕離婚，但有d覺得對小朋友好唔公平，佢出世就變單親！我仲諗住培養佢讀名幼，我而家成個幻想破滅，我所有覺得美好既未來倒蹋晒！
13個讚
而家唔攤牌你道氣下唔下到先？生完身子弱，情緒波動會更利害，到時又要湊埋仔怕你會崩潰…
點都好，要照顧好自己，bb係無辜既，唔好將大人既錯轉嫁錯孩子身上，好好愛你的仔女，加油！
2個讚
半夜睇到你依個新post…你依刻一定嬲到訓唔著又唔知點做好…由其係果種被背叛既感覺
依家第一件事係陀好bb安全出世先，雖然你話唔想理，但老公同bb一定係bb重要d
老公果面，可唔可以返娘家一排重長計議：生完坐月幫下手湊，我諗一時之間要原諒佢真係冇乜可能，但黎緊生完十萬樣野忙，有人幫手會好d
11個讚
我接受唔到
1個讚
我自己都係單親家庭長大，好明白單親家庭帶俾小朋友既遺憾，可以既話我都唔想。
2個讚
我同娘家關係唔太好，而且我屋企已經無位俾我住，我家姐離婚搬左過去住，我媽好大年紀根本幫唔到手，我自己請左陪月，我唔知我頂唔頂得住，但我呢刻真係好辛苦，我已經唔想同佢係同一個空間，佢講既每一句說話我都唔會再信
無人會諗過呢d野會發生係自己身上，成日睇d post 我都會覺得d 男人甘賤, 我老公唔會既，但原來件事既發生就係甘無先兆，無人可以係男人鎖左密碼既手機中活著走出來！
3個讚
睇你有幾介意老公叫雞，我之前有同事大肚都話佢覺得老公同班同事成日一齊叫雞，佢講得出黎同大家分享我諗即係唔會因為呢樣嘢而離婚，衣加都仲一家人幸福快樂咁。
另外叫雞係一次性嘅服務，比起包養或搵ptgf行為算冇咁差，至少冇長期投資係另一個女人身上。
你話老公孤寒但都會叫雞，即係證明佢認為性係不可缺少嘅一部分，究竟係因為你大肚所以佢叫雞，定佢享受同唔同女人做嘅感覺？情況都唔一樣。
同埋好重要你打左HPV針未？性行為就算戴套都會傳染HPV，你老公叫雞就好高危，你未打針嘅話一定要打哂3針先好同佢行埋！
8個讚
好介意！我發現佢已經持續左2年，我以前成日都笑佢孤寒唔會叫雞，因為叫雞要俾錢！我大肚都有撩佢，但佢從來都唔會同我搞，話驚會整到呀b! 出面食飽左cheap
野，又點會返屋企食靚野，幾靚都厭！
我接受唔到，我有打HPV針，但老實講呢一刻唔好話同佢行房，我連同佢同一個空間都唔想呀，我今晚寧願訓廳都唔想同佢訓，佢未知我知道左。
3個讚
宜家養好身體先。你同 6299 關係如何？如果好嘅話，睇下佢地肯唔肯幫你分擔湊 B 玩孫。等 BB 可以唔洗飲半夜奶、搵到工再攤牌。反正湊 B 嗰陣你係唔會想做，一心一意安排離婚後生活。
2個讚
都就黎生，依家唯有cap水！
慢慢，一步一步cap多啲！
16個讚
男人鍾意新鮮感
叫雞/偷食、0容忍
2個讚
學上面 jm 話,先要生左安排好,再搵到工,先諗離唔離婚!仲有,你要睇佢有無中肺炎病徵,你試下 chok 佢邊度叫!而家叫雞有群組,傳得好犀利!有就叫佢去做檢測,戴口罩!保護自己同 bb 為上策呀! 
9個讚
都唔係你控制的
1個讚
10個男人9個滾,仲有1個仲諗緊!! 
或者你試下咁諗,安心都有版你睇,細 so都有,佢哋長期固定一個添啦!就算遠在英國皇室咁出名,查爾斯當年都背住 Diana 偷食啦!
証明男人去滾唔係咩大事,唔係鼓勵去滾!但發生左係自己身上,就真係唔好彩!
你下左啖氣,攤牌講你知,你想而家同之後生完想點,每個月 cap 返嗰2,3000$蚊,叫佢而家快 d 去驗肺炎!比自己同 bb 留條後路!之後既路再睇佢表現先再諗啦!加油!祝你同 bb 一切順利! 
2個讚
生左出來就離啦，我覺得叫雞介唔到，而且成日疑神疑鬼check佢都好Q煩，阻住自己人生。
到小朋友識性先離仲麻煩，倒不如趁早。
8個讚
每個月洗幾千蚊叫雞，佢如果唔係叫同一隻雞嘅話應該係上咗癮，佢呢種係慣犯嚟，好難戒得甩 
短期來講乜都唔好理，顧掂自己身體生咗先，個月一定要坐好，如果唔係你走咗樣變返之前嗰個靚樣，對你自己都冇好處，長期來講從此以後你有三個選擇，一係忍咗佢唔講自己受咗佢算，呢個選擇之下當然你老公會繼續進行佢呢個叫雞活動直到佢生理上無辦法再持續，二係同佢攤牌，從此以後佢嘅任何收入直接轉入你控制到嘅戶口，改為佢同你拎零用錢出街，手機要裝跟蹤app，主動報到同突擊檢查都會發生，杜絕佢再有金錢時間去叫雞嘅機會，當然長久落嚟可能都會有一兩次機會走得甩佢都係會走去叫雞，但係唔會再出現每個月要幾千蚊雞嘅情況，第三當然係離婚，就睇你自己捨唔捨得，不過千祈唔好選擇完第二，過幾年10幾年先再選擇第三，因為咁樣會浪費咗你自己好多時間阻住你出去再搵過個
16個讚
俾著係我都接受唔到，肯定產房都唔俾佢入，BB出世紙都唔會落佢名。唔係話教樓主離婚，但如果係我，我唔會忍。唔通忍到入產房都仲要同佢扮無事，扮恩愛夫妻影全家福? 可能係我自己個性比較硬，我唔得囉。大肚前已經係咁，第日生完湊B忙到嘔血，都唔洗旨意佢會改，肯定仲陸續有黎。到時自己湊住個B，生完身子虛，有氣無力仲要攤牌同佢嘈仲慘。
當然，有啲女人忍得，肯原諒老公嘅，做法又會唔一樣，睇下樓主你點諗啦。如果樓主唔可以返娘家，咁有冇閏蜜可以借地方你暫住?
又或者同個男人攤牌，之後趕個男人返男家，自己喺屋企坐完月先諗下一步。反正你有陪月幫手，應該都唔會太辛苦。
點都好，如果真心諗住離婚，第日阿B拎出世紙千祈唔好落佢名，唔係第日佢同你爭撫養權仲激心。
9個讚
好多謝你既提議，我本身都係想方法2 但唔知佢會唔會配合，但係我諗我短期內都會疑鬼，好難再建立返信任。唔得就3了。
1個讚