jm係偷偷check手機知？ 
我老公都係我大肚嗰陣同一個理由唔掂我呀～不過我又冇諗住睇佢手機。
簡單啲講係咪即係如果你同老公一齊就會有物質上較豐裕嘅生活？如果係咁你就要睇下自己可承受幾大，我唔知你老公幾有錢，但「真係好有錢嘅人」包二三四奶，大婆都唔會離婚因為等老公死左分佢身家。
如果你好想離婚可以搵律師咨詢，睇下有小朋友係可以分到幾多&瞻養費，如果你Ok條數就無謂再對住條友啦。
我自己接受程度就比較大嘅，我覺得love&sex可以分開，即係如果我老公滿足唔到我，我都會想出去搵食，但唔會同啲鴨有感情，就好似去泵骨咁為咗舒服咋嘛，我依然會好愛自己個家。相反，如果佢哋冇sex而係純愛，會傾心事，拖手仔，就算冇比錢條女，我都會好介意心靈出軌，呢樣反而會令我離婚！
所以我比較care究竟老公係純粹買服務，定投放左感情。叫雞叫鴨幾千蚊係基本洗費，我接受大家各有各玩。
叫雞背後有好多原因，如果你想為左錢而忍呢個男人，好容易，放開自己，打開眼界，上網爬下文睇下男人叫雞心理，可能會接受。
熊掌魚肉⋯⋯
比你發現左，係你唔好彩。
其他家庭可以如常生活，可能只係未發現啫。
同意。
不過仲有個情況係唔到女人揀，男人比你發現左之後可能更加大條道理出去叫雞（以前只係好心呵住你咪瞞下你），咁就只可以三了。
好open下
不過我老公冇咁open，所以佢話自己唔會叫雞，我都唔可以肉體出軌
我想像到你有幾嬲同難過，仲要係孕期，我明白真係好痛苦
我覺得宜家唔好攤牌住，收拾心情冷靜吓，搜集定佢出軌嘅証據以防萬一，鋪好離婚後嘅路，例如儲錢，搵到地方住先離婚
Bb真係好需要你，出咗世之後集中精神湊bb，唔好理老公嘅問題，有咩上嚟呻吓。bb仲有你，你哋兩個嘅未來都會美好㗎
先冷靜再同佢慢慢傾，傾個方案好離婚好，最緊要個胎
離婚都一定要佢負擔生活費，女人自己一個帶小朋友唔可以少個錢
十分同情樓主嘅遭遇, HUG HUG JM~
不過樓主唔好嬲親自己, 先冷處理, 分析左自己同BB生活上點安排先?
你自己有工作定要旨意C6比家用? BB係一個BLESSING, 千萬要珍惜!
老公無血緣, 搵到好嘅係彩數, BB先同你血脈相連, 一切要先考慮佢!
長遠嚟講都係要離婚, 叫雞係一舖偷跳癮, 只有零次或無限次
我覺得而家咩都唔好理，生咗BB先，照顧好自己身體。搜集證據，鋪好後路，仲有，恃住個小朋友，有幾多cup幾多，因為係你同BB應得的。時機成熟就離婚。
記住：百忍成金。
樓主好慘！
唔係教樓主拋夫棄B
但未生前就真係可以考慮下離婚+小朋友撫養權比老公
對住bb越耐就會越有感情…
但作為一個女人，你都要為自己打算下
呢個男人，講真真係無可能同佢再相處，佢係一個壞老公、壞BB爸爸
同個咁嘅男人相處落去，你同BB都唔會有幸福
為樓主自己打算
你諗下，如果樓主單親，其實都係工人照顧BB
咁樓主基本上一世就係咁
BB可以有後母，都可以有後父，後父都未必會比後母好，呢個無人知
如果樓主小朋友已經幾歲大當然唔同做法
依家個情況，樓主叫做仲可以有得選擇為自己考慮多d
樓主
男人有5樣野， 不能做
就係嫖賭飲吹， 加打老婆
事但中一樣都機會上癮
現在咩都唔好理， 照顧好身體先
一但坐月唔好就手長
仲有搵自己朋友傾訴多點!
我怕你會有“產後抑鬱”(係好大大大件事)
為了防止， 你在公立醫院生產時，
護士問你情況，你要老實回答，
護士會立即轉介你見姑娘傾談。
你同bb 都無辜
要愛錫自己和bb
其他問題容後再談
就算要離婚或原諒都要養好身子
當然過程中難免痛苦
但都要想得周詳再好做
包括離婚， 撫養權， 膽養費和未來日子
如何相處
我諗下已經覺得受不了, 對我嚟講係無可能, 我會傷心一世~ 一樣唔會有幸福
所以呢樣嘢好個人
帶住bb，同個男人就算係離婚，一路都會有聯絡
講真，邊樣難受d旁人真係唔會知
明明係個男人令個家庭破碎，點解要女人去清理曬所有嘢
你呢個係好理性的諗法. 我明你的意思. 不過相信媽媽們通常做唔出.
不過我好欣賞你提出另類建議. 我地就係需要呢啲不受道德枷鎖限制的思想衝擊
我自己覺得, 咁理性的人, 一開始就唔會生仔.
生仔本身就係好高風險, 生完個老公唔錫自己/唔幫手湊/有外遇呢啲其實都好常見. 如果一個女人想轉身快, 一開始就唔會生.
我自己就唔會生. 我知高風險到我承受不了.
對唔住, 我唔能夠同意呢種諗法, 呢種係鬥氣, 你可以用物件嚟鬥氣, 但唔能夠用一條生命嚟鬥氣
不過當然, 最後都係樓主自己考慮, 如果考慮所有覺得佢跟爸爸(或者男家)會更好嘅未嘗不可, 但唔好話"個鑊係你搞出嚟, 你同我搞掂佢", 將BB當人球, 其實最無辜嘅人係BB
我都有個朋友之前成日喺FB話"真係好愛好愛仔女", 但而家有婚姻危機佢即刻諗將仔女比返老公自己再搵飯票…我心諗:“有幾愛呀?”
個"愛"字其實好伏架. 好多時你都唔知講gei 人咩意思
我愛你, 係我愛為你付出, 定我愛你啲付出?
愛仔女係願意放子女在首位，奉獻自己一生俾子女，定係愛子女可愛聽話，仲可能老左孝順自己
我愛牛扒, 係我愛剝削啲牛, 唔係愛錫啲牛. 想啲牛開心.
大部份媽媽都做唔到，因為係自己個肚走出嚟
但我唔認同比個老公就等如自私，個細路兩個有份，點解一定要跟阿媽﹖
多謝你明白我呢個出發點…
所以大前提係樓主係生前已經要自己諗清楚
兩公婆會選擇生小朋友，講真無expect個老公會係大肚時叫X
呢種痛應該好難忘記/原諒
既然同個男人已經相處唔落去，望住佢嘅下一代，仲要自己負起所有責任去照顧佢，我作為一個局外人好難想像究竟留個小朋友係身邊係咪真係對媽媽會無傷害
唔好講到撫養權比爸爸就係個媽咪唔負責任，個BB爸爸都有50%，爸爸可以一身輕鬆但媽咪就要傷心偉大地養大個小朋友？
我覺得件事根本唔可以咁單一角度去分析
樓主多為自己考慮一下其實係應該嘅
咁講啦，婚姻同家庭已經因為呢個男人破碎曬
樓主以後嘅將來，都仲係要繼續為呢個男人嘅不負責任而不斷犧牲，條路係好難行
就算唔搵飯票
個BB跟住個單親媽媽，邊個養？
感情要考慮，現實都要考慮埋
如果個媽咪係要返工養B，邊個照顧小朋友？既然都係工人照顧小朋友，其實爸爸嘅工人同媽媽嘅工人有咩分別？