同男朋友2年，同居1年半
初頭都好sweet
但而家進化到半年一次sex，最近一次撩佢，完全無sweet 係搞完就算
平時大家都好忙，有時星期日都要返工，所以無太多活動
平時大家都係玩下電話，好小傾計，眼訓就訓，錫同拖手都成年都無
同佢只會慶祝生日，無慶祝過其他節日
um，其實同佢2年，佢係上年生日就送左3千蚊手鈪比我，我都好開心，因為平時佢都係請我食飯多，反而無送過啲乜，我就通常買衫褲或者其他野買埋佢個份。
但有時我覺得有小小老逢，比如我去買銀包，佢又買，咁我比錢，佢個時就咁岩無錢，我就話我比先，你有錢先比返我，之後第2次又係，佢叫我比住先，佢問我夠唔夠錢比卡數，我話夠，佢話咁你要錢就問我攞返，我覺得有啲唔知點咁
當然到而家我唔出聲，佢就無自動比返錢我
我唔知同佢出左咩問題，大家好冷淡，唉
早幾日，佢問我可唔可以幫佢蚊左頭髮乾左個啲油漆，我答佢唔可以
佢話，人地女朋友都幫佢蚊
我無出聲，只係心諗，點解要比較，咁人地男朋友夠好sweet 好錫女朋友，唔通我又出聲？
之後佢再問咁你有乜可以
佢就話我唔出聲，大家就冷戰了…
好想解決，我唔明發生咩事
咁你自問仲愛唔愛佢? 因為我見你都會計較自己嘅付出, 如果係咁落去只會越嚟越差
1個讚
冷淡左, 習慣左, 又或者可能有potential既第三者(未必發生左D咩, 但新鮮感, flirt下, or 純粹一個岩傾既異性), etc…
你地所謂冷戰既原因…係好無謂既小事, 咁小事都可以咁, 冰封三尺非一日之寒, 背後原因可能係日積月累既事或真係單純悶左,
不過是但啦, 同居一年半, 拍拖2年, 但已經"成年都冇"錫同拖手 and 半年先一次sex…基本上…大家都唔係大家既the one 囉…好難行落去…
另外你話佢老馮, 但同時你地兩個都係計住計住D錢, 你當買埋比佢又有咩所謂? 點解要叫佢 “有錢先比返你”?
3個讚
我唔知仲愛唔愛，但會為左咁樣唔開心
我之前都唔會計較，係佢對我太冷漠，有時女仔都想男朋錫下寵下，但完全無呀真係，好似叫佢換石油氣，叫幾聲，又嫌我煩，我叫佢幫我切個生果，佢又話你自己唔識切咩⋯⋯
樓主, 如果係我, 我會選擇分開, 兩年就完完全全零溝通, 兩方面都好似唔想付再出愛… 大家都有計較… 點行落去…又咁講, 你哋分開吓…會唔會更珍惜, 會好D呢?
3個讚
其實一段關係要一路行落去係要"經營"!
以前我唔明, 又唔係生意, 點解話"經營一段關係"?!
而家我明白啦, 真係要當佢係生意咁樣"經營", 創業初期要不計付出, 不問收穫, 到穩定左就要檢討不足, 增加士氣要搞活動, RETREAT, ANNUAL DINNER, 做得好要讚你嘅員工, 佢先唔會諗跳槽同KEEP住團火~
而家不如同對方傾下, 如果再無改善先SAY GOODBYE~
8個讚
唔係講啲乜，如果每次6，7千咁付出，你會唔會計？我搵錢又少過佢
佢換左新車，但從來唔會比我揸，我都係坐過十次8次，但入油會問我係咪我比卡，你知打爆油缸幾錢一次吧
唔係每次幾十幾百。。。。
我覺得分開都好嘅，一齊冇開心過單身，咁不如單身
但係樓上jm 講嘅“計較”， 呢個字好似有啲負面咁，我覺得付出係雙向，咁大家都唔付出又唔係錯
可能你已變成一個經濟上能夠支持佢既人，但愛已冷淡又冇新鮮感
1個讚
呢啲睇對手架喎
人際關係唔係投資，唔係付出就有回報
如果經營個錯嘅對象，蝕底只有自己
利申，我單身，可能啲三姑六婆會話我咁計較抵我單身，不過我開心，我唔中意對住黑洞付出
1個讚
經營嘅意思係要花心機落去, 你可以用"灌溉" “施肥”…等字~
如果兩個人一齊完全無節日, 無驚喜, 無窩心, 變左係搭伙過日子~
1個讚
我覺得睇對手，唔係人人啱用je
你有個啱嘅partner同你一齊經營灌溉係好事
你問得呢個問題其實都即係想分手，只係未諗到好切實嘅理由。不過話你知，你衣加唔係生完仔叫離婚，只係分手，冇理由都可以分，只要你想就得。
拍拖2年就已經咁淡，你唔講我以為你哋拍左7年以上⋯⋯唔好浪費大家青春。
拍拖由一開始就唔應該有太多錢銀瓜葛，借左嘅錢就快啲收番，對我黎講一日都仲係拍拖，一日都係好兒戲。
1個讚
同居都係加速發展rehearsal婚後既生活睇下值唔值得行落去，一齊咁短時間可以咁快睇清楚其實抵返晒啦
早d分開慳返d時間thank you next，搵下個仲好～
8個讚
關於要唔要付出，付出呢家野，要純粹我想，就做，如果要求回報就冇意思
好似我見到個銀包，想送俾男朋友，係唔要求佢送返乜野俾我
但係如果久而久之個男朋友好冷淡，我會停止付出
4個讚
咁當然要睇對手，講緊嘅經營同灌溉都係搵岩對象，即係你投資都要揀岩隻產品啦係咪？
2個讚
如果你地只係拍拖關係, 下下6, 7千又真係會令人難受既…
咁佢問你夠唔夠錢比卡數時, 你就應該話唔夠呀, 間中呻下今個月冇乜錢淨呀, 之類…唔好自己逞強。同埋佢問你係咪簽卡時, 就直接話: 唔啦, 你簽啦。
不過呢D都唔係主因, 主要都係你地只拍拖2年, 同居1年半, 開始時一定sweet架因為你地拍拖半年已經同居, 果陣仲係熱戀期, 同唔同居都sweet啦。但照你講既timeline即係同居左半年已經極速步入老夫老妻生活, 好明顯都唔係一個適合長遠發展既關係…
可能樓主同男朋友都年輕, 男朋友可能喺屋企做開大爺
同意樓上JM講, 同居一段日子覺得唔啱就斬纜, 長痛不如短痛, 好過之後結埋婚生埋仔先發現佢廢同豬隊友
老夫老妻可以係心領神會，充滿默契，而且生活已經離不開對方嘅形式
但樓主嗰隻係冷漠厭倦嘅老夫老妻⋯⋯2年就已經咁淡，真係太快啦。
試吓同佢傾吓你既感受，如果佢都唔珍惜呢段感情，分開對大家都好啊。
一個愛你既男人係唔想洗女人錢，佢會慳自己，寬佬女友啊。