女人直覺，個男人已經唔愛，等緊你講分手。
2個讚
睇你自己接唔接受到。我自己感覺好麻麻。無理由咁短時間掂都唔想掂你。
我覺得你男友的行為好明顯已經係唔愛你
但有啲男仔怕煩、冇新嘅對象就「dum」住先、你肯比錢佢緊係收（可能心入面計較部車你都有份坐）
如果唔好彩佢有對象出現、即刻同你變臉。
5個讚
如果好彩有人接收條佬，放生樓主
並非唔好彩
1個讚
咁點解你唔幫佢抆呢？
如果老公叫我幫佢抆，我都會幫手。
你唔幫佢嘅原因，就係答案了。
2個讚
佢問你夠唔夠錢，你話夠，佢叫你唔夠出聲咁你又唔出聲，然後就話佢老奉咁、放係心入面。。。其實你有無諗過兩個人一齊要溝通？
唔理愛定唔愛、係咪習慣，都要溝通，係愛就繼續，大家傾好之後點，唔愛咁咪開聲講、唔好拖。
互相放係心入面唔開心、計住呢樣記住果樣，對段關係1d 好處都無。
3個讚
好冷淡，好似雙方無溝通。
感情唔會一開始就變到咁淡，可能大家攰，幾時開始變成咁？
會唔會試下傾下計，大家出街拖手sweet下？
錢，梗係話佢知唔夠用，女人撒嬌方式叫佢比錢嘛
P.S 如果係我，太冷淡，byebye 。
如果以後一世都係咁你 ok嗎？
唔 ok既就放手啦
所有關係都係由濃轉淡
無野會令到段關係起死回生
問自己，你甘唔甘心就咁過一世？
要繼續可以有N個理由，分開只需要一個。
講真，如果風平浪靜之下，下步就係簽字結婚，到時要走就仲多顧累。
2個讚
你呢個case除咗分手都應該無咩可以做
初頭sweet 點解之後會變到咁淡呢？
係咪大家有啲嘢唔夾或者互相心較得太多，變咗一場比賽？中間又會唔會有第三者呢？
好多謝你地既回覆
其實我都有諗自己係咪有咩問題令佢對我咁冷淡
我地之間肯定無第三者，或者係有時太多咬拗，我試過唔滿意即刻講，結果係換黎佢發返我脾氣話我無野講搵黎講，試過放係心忍下無事，又比佢話唔出聲
我見有人話我都計較佢，係因為一路積落黎太多佢計較我，我先會計佢咁，同埋答佢唔可以
有一次我真係覺得好sad
個日我係唔記得咩冷戰，咁我返工個陣仆到，對膝頭係流血，瘀黑哂，之後腫到成個波咁，我返到屋，佢真係堅持冷戰當睇我唔到，無問過我一句，我就自己出去睇醫生
我會諗返點解個時佢有事入醫院我第一時間陪佢入院，放工放假去買飯去醫院陪佢，而佢就因為小事冷戰而無視我，之後好返我就對無以前咁熱情。。
我唔想一有事就諗分手，我想諗下方法解決
1個讚
樓主，呢個男人唔得，太自私計較，真係建議分手。
就算普通朋友見到你受傷，都會關心吓，陪你睇醫生啦。
喺你開始計較佢之前、你哋之間一定有好多野積積埋埋先令你有咁嘅諗法。
有時感情淡左就淡左、冇得解釋。
淡如水的愛情
呢條友冇諗過要企喺你角度為你著想。最好佢就咩都唔駛煩就可以俾女朋友錫就perfect
只係兩年就已經變成咁
我覺得除分手無其他解決方法
其實拍拖拍到咁真係冇乜意思
感情問題一律建議分手
(講笑)
我諗你自己個考慮點係 - 你接唔接受到而家呢種相處方式一世
大家無共識的話好難行落去
我同而家老公拍咗11年拖 結咗婚差唔多2年 未陀小朋友前其實都會keep住1個禮拜1次
拍拖果時中間因小事分開過一次 最後都係一齊返 大家都覺得大家係可以繼續一齊的partner先一齊返跟住過多幾年結婚
3個讚
其實兩個人一齊既生活如果無比一個人既時候好，咁一齊係為咩？
1個讚