好在親我，而且我切到手時，我99同我女話加餸我女都會話，媽咪係唔小心切到㗎，你有冇聽到㗎？你冇耳仔㗎。我99即時口啞啞。
7個讚
你99真係好恐怖喔，兜咁大個圈咁影射你。我99有時係離譜到不得了，我同我老公係因為大肚先結婚嘅，登記後我就係我老公屋企住，有次我出去產檢，我媽嚟咗，之後得我媽同我99。事後我媽話以後都唔會再嚟我屋企。原來我奶奶D優越感爆棚，串我媽肥啦，仲要係我媽面前話係我同我老公拍拖，係我主動。痴線㗎，我覺得好對唔住我媽，令我要受埋咁嘅屈辱。
我奶奶咪仲惡頂，佢有錢又係專業人士，所以好不可一世
好彩囡囡錫您，不過囡囡對得99多，都驚佢學壞，要靠您教好囡囡
所以可以遠離99就盡量遠離。我搬唔到，唯有捱多幾年，可以出去做嘢，唔使日日對住佢，希望情況好轉啦。
樓主你份人太善良，我明白你嘅難處，你姑仔都好慘
我性格就一定唔忍得，當然我知道唔係個個好似我咁
但你老公冇可能一啲嘢都唔做，佢有責任保護你同個妹
囡囡用佢嘅方式支持你，好錫你呀
佢淨係對嫲嫲係咁？對其他人會唔會呀？純粹驚佢學壞咗
路過搭咀
我奶奶唔單止講嘢難聽，仲要係賤精同心地差。個家係我擔起，佢仲以為自己個仔搵好多俾好多。每次收工返屋企見佢上來，每一句說話都係質問你野，當你係下人咁，真係想一巴車落去。
我由好嬲到無反應。我最初以為自己叻左，到最近忍到就爆想反擊先知原來要搵一個出口俾自己抒發自己情緒。
1個讚
先唔講點樣應乎你奶奶，但當佢係你面前教壞你個女時要即刻stop佢
eg.奶奶教你女女嗌你肥媽，你要當住奶奶面前話「唔可以咁樣嗌架，話人肥係好唔尊重/禮貌既行為，人地聽到會唔開心etc」
大人忍得，怕佢教壞個細路咋
5個讚
我係你叫埋老公同姑仔夾份搬出去算數。
3個讚
我都好怕D奶奶擺奶奶款, 聽唔少
我老公如果在場聽到佢會幫下口，但佢份工朝7晚10，所以屋企成日都係得我同我99獨處多。 我有時都覺得自己好似D粵語長片既角色咁。
會啊，我女而家大個，有時講嘢都會學到佢D語氣同語句，但我喝止，同埋教返。但長遠落去就好難教了。
3個讚
而家住緊公屋係我老公同我99名，我99係戶主，我姑仔單身，自己申請單人公屋，已經等左10年有多。有時我99都會單打我姑仔，叫佢幫㗎。所以好多時我姑仔反而會企我哩邊。
係啊，我會話返我女。唔可以咁樣講人，我99把口臭，佢有時都笑我女㗎，我女反而會話返我99，你唔可以咁樣，咁樣係冇禮貌㗎。
4個讚
同姑仔傾多啲偈
睇嚟係佢性格,講野幾男仔頭 
唔講明佢係99,仲以為係62,仲要咸濕嗰款
叻女!等你女治下佢
你99轉數快,你唔夠佢嚟係正常!
要啊，我有時都俾我99激到要抄佛經，想話平復心情。我99都係當我妹仔㗎，家務湊B佢一D都唔會幫手，我都冇所謂啦，但佢仲要話我哩樣未做，個樣又做得唔好。而且好多生活習慣都難以接受。下晝4點5點就沖好涼坐係度，我煮飯佢又唔幫手睇住D小朋友，仲叫我女得幾歲人仔睇住我幾個月既仔，有時我仔痾左臭臭，佢專登走去廚房同我講，講我去換。自己的衫分開洗，收衫摺衫都係摺自己既。自己房地下D頭髮撥出廳等人地吸塵清理，又有儲物癖，廚具餐具煲電器買完又買，舊既又唔捨得換，新既就一路係咁擺，成屋都係雜物，我想話清理下，佢又話D嘢擺係度又唔會食你嘅。
同我老公講，佢就話我講咗幾十年都改變唔到佢。仲可以點。
我諗我遲早頂唔順，真係寧願住劏房都好過對住佢。