聽到都覺難頂，你已經好高eq，好忍得
我同意其他sis講，晒幸福之餘多同個女親密，痴少d嫲嫲。
一講你唔好就笑笑口同阿女講，媽媽幸福先會咁，心廣體胖（再講你肥）/(砌親/家務等）媽媽辛苦為大家，阿女錫媽媽嗎？等等，要呵番。
老公番嚟二人獨處時，lur佢氹翻自己兼俾佢知屋企嘅事（我可能會問c6：我係幸福女人定肥媽？[佢答肥媽就自尋短見，可以鏟到上天花板啦]
)/呢d言語會否教壞個女，唔尊重人/長輩。(慢慢滲俾佢知，一齊住唔係冇隱憂）
99呢種生物真係唔易搞，盡量唔好太認真上心。
最重要老公阿女企係自己個邊。
加油！
我發覺呢度嘅姊妹，全部人eq好高
比著我一早爆返佢，好似上面咁講，寧願住劏房都唔會同你住
尖酸刻薄
典型藍屍性格
其實都係，但ftm得老公搵錢。
家家有本難念的經。
搬得走嘅，我估樓主晨早搬左。
既然暫時搬唔走，就要學懂相處同ko 99的藝術。
成日嘈，老公放工又攰，家中錢又mang mang緊，嘈走埋老公就唔抵。
攻城為下，攻心為上。老公同阿女先係一世。
絕對會學壞！尤其到你教女個陣
唉
我都擔心我阿媽成日無意間係我個女面前數落我，佢自己唔覺的，但小朋友乜都唔識，聽聽下就會以為可以咁樣對父母⋯⋯總之我聽到嘅話都會話下啊媽，希望可以提醒佢。
佢把口幾衰都好，唔好教壞個細，我會帶番個女喺佢面前話俾個女知，佢咁樣好無禮貌、好無家教，當然全部係同阿99講。
呢啲唔係駁咀，係叫開波! 我當然係擺明開佢波啦，邊有諗住同佢和平共處？
我個人就唔會忍奶奶咁賤咀了，原因：
而家唔係智唔智取，唔係擔唔擔心第時點相處，一個人係有尊嚴嘅，開波啦，一定搬
把口好賤喎，荒死人哋唔知自己係惡奶奶
咁小朋友親邊個多啲？
你睇下呢句：佢奶奶講得出仲係人？樓主唔發惡咪搞到而家咁囉，叫個孫叫個阿媽做肥媽
好多年前第一次見奶奶，問佢有冇睇電視劇，佢話鍾意睇韓劇，話D韓星牙齒好齊好靚，我就知呢個人好假同難相處·
因為我以前未cool牙，我就知佢暗串我
, 依家咁多年我都好少同佢接觸，人地阿媽講嘢真係特別難聽，樓主唔好咁上心由佢自己講飽佢
比較重要係要教女，言教身教，你個女學左奶奶d說話真係唔掂
你話你老公幫唔到你，我有d唔同意，如果我在現場，我一定會stop左佢d咁既說話（教女係人生大事，我女如果學左我媽d語氣仲得了？），當然如果佢作為我媽，我唔會直接話既，但轉個圏話佢，叫佢唔好咁教個女，呢d我都唔係話做唔到
喺小朋友面前咁鬧好似唔係幾好
老公都要視乎佢係邊種性格來對待
你奶奶把口好衰，但又唔似係針對你，應該係中意以挑剔人取笑人為樂。真係過份嘅唔需要死忍，直接話佢唔應該咁講嘢，好唔尊重人。你老公又係，唔見觀塘唔流眼淚，你都要比佢知你係堅嬲果種，由佢開口話佢媽，你同你99都仲可以勉強坐埋食飯。去到要你親自開口，一定好影響關係。唔好話唔單定聲，叫你老公自己揀
其實你姑仔仲慘，應該由細到大都比人語言暴力，暈係屋企個老母都唔理仲要厭棄，陰功
我奶奶都係
成日係度講野有骨有刺
我嘅策略係避得就避
係，佢對街外人好好，俾人感覺好nice，我未過門時都俾佢呃到。我老公個時都同講過佢媽好難頂，我個時都自問自己性格算唔計較。應該頂得住，想話頂唔住我都可以出去做嘢，減少矛盾，點知生完佢又唔幫我湊，又多嘢講。我知好多99都怕自己地位不保，要擺99款。所以都忍讓，好多時自己又唔識駁。俾佢笑玩我每次都覺得愕然，然後就好嬲，有時駁返，又唔夠佢講。反正佢覺得自己啱晒。久而久之，我成日都覺得佢係見我冧善就更加過份。
我奶奶一樣，只要有錢過佢就會無聲出，但我係無錢嗰個，所以無嘢可以反擊。
我姑仔係真慘，因為佢好唔妥我姑仔唔結婚。所以成日冷暴力對待我姑仔。我姑仔有晚十二點煮宵夜，炒兩條菜食。點知佢咁啱起身去廁所，無啦啦話我姑仔痴線三更半夜煮嘢食。叫我姑仔俾家用要俾雙份。但屋企係我負責買餸
。有時我姑仔會同我一齊數我99嘅刻薄。屋企人都明白我，但因為佢地都要返工，得我同我99日對夜對。
係係，我99都係會覺得我不事生產，所以睇低我。有時買D嘢俾小朋友就多多嘢講，佢自己買一大渣廢嘢塞到成間屋都變雜物房咁。但冇辦法，間公屋係佢名，我作唔到主。
有時真係揼心口啊，次次俾佢話我，我當時都好似啞咗咁，直頭覺得難以置信，點解會講埋D咁嘅嘢。好多時事後先想到要點駁，但又已經過去咗，冇理由自己無啦啦講。有時駁咗，但又唔夠我99講喔。佢就係欺善怕惡。所以好忟自己。