我搭親都係$100左右（唔係過海），都要受氣
其實根本唔關短唔短程事
唔記得邊度睇過篇文，話其實香港搭的士好似外國座順風車咁，司機停車，你講目的地，司機話順路你就可以上車，司機話唔順路你就再等下架… 分別係搭的士要錢要受氣，順風車係唔使…
每一次你想短程，司機就渺你；你想長程，又就交更。
每一次上車都覺得自己迷失在這場緣份遊戲。
4個讚
真係好灰
總結得個呻字
鬼叫自己窮呀，頂硬上啦
可否SHARE和你的TG？我得黃的但好少車
嗶!咁都有!比我啋佢都傻!佢扔張20蚊係後坐,比我唔會大住個肚同佢執!閂埋門算! 
所以佢哋而家無生意排長龍等客,我好心涼 
我有幾次係中環食完飯，諗住搭的士返屋企
點知soho d 的士全部拒載
最後死死氣要搭地鐵
香港d的士佬特別pk
所以而家市道唔好，我寧願uber或黃的
1個讚
英國啲 Uber 司機有禮貌，主動幫手攞行李甚至係攞到門口（香港一半一半咋，但搭 uber 次次都一定幫手），短程長途都有，3、4 分鐘都肯接。雖然計返一定係英國貴啲，但起碼舒服唔受氣。香港啲司機次次都係度話人地迫害淘汰佢哋，但唔諗下 upgrade 自己，好少少禮貌已經得。
3個讚
計返收入比例
英國的士好平！
1個讚
講真真係想知佢地想做邊類生意？
我都好憎香港啲的士司機！
請問和理的，有app?
我得呢個, 但自己就未叫過既, 你可以試下
@yellowcab_hk
你搭左幾多錢？有時我搭四五十蚊，都好怕聽到司機啲冷言冷語
和你的是否要有telegram account?
$100，非過海非繁忙時間
我搭親都係呢個距離
坐的士都話窮
唔窮就有司機啦
我平時都係搭的士/uber出入，唔係有錢，只因出入唔方便，老公仲要揸唔到車…
日日call，call到成個的士車隊熟哂，就算有急事要搭短途，都會班到架車俾你
遇過一個司機好好人，最感動有次落雹冇車返，係街呆等左好耐，諗住bk酒店訓，點知一打去，佢老遠都排除萬難過嚟車我返屋企
同老公剛剛拍拖時，有次鬧大交，老公失左蹤聯絡唔到，我又唔知佢住邊，司機叔叔一句過嚟，就車我去佢屋企樓下 好感動！
Uber就keep開司機電話，預早wtsapp問下有冇時間車出車入
咁樣會大大減低受氣機率
街的呢，有時真係好受氣，成日嫌我住得入
3個讚
我試過親人在醫院危殆，一家人夜晚焗住坐的士趕去，的士司機明知你趕去醫院有事，但都嫌短程俾說話你聽 !
的士佬當然有好人、亦有衰人，但以衰計大部份總括嚟講，紅 Van 普遍都係衰人居多，駕駛態度比的士仲差，你大聲叫落車佢唔記得，之後仲鬧番你。或唔照原路線亂行亂改，事前又唔出聲，等你落車行餐懵，如果乘客有微言，就會黑社會上身兇人 ! 我自己麻甩佬一名，好多時睇唔過眼，都會挺身而出兇番佢。紅 Van 佬有料唔使揸車，去咗做大佬啦，所以你敢惡佢時，佢反而會呆咗唔敢進一步 ! 
3個讚
其實的士呢，應該係係街隨便叫
依家的士司機搞到本未倒置
1個讚
我最憎呢個…問人又唔留心聽，要人重複講…
完全考個乖客EQ，因為好多人都會呢個時候爆SEED（如果的士佬成個車程揸得唔好又俾說話個乖客聽）就會變左大家互片～