平時算係少搭的士，因為搭uber多，因為的士司機真係可以好討厭
（當然都會有好，但討厭嗰d真係可以好討厭！）
：唔該XX道XX號
：依家3點，來回一轉一個鐘
: (心想）關我乜事，係咪想拒載呀
跟住我小朋友係度瞓咗
的士司機突然開到個收音機好大聲（佢有嘢想聽）
好… 我算…
去到XX道
：幾多號呀？
：XX號
：去幾多號呀？
：XX號，我咪講咗
跟住到達目的地，佢問都無問就比單我，我都無話要…
究竟係咩玩法…
（呻完，鬼叫自己窮，無司機咩）
2個讚
真係係有好多都仆x黎！
我都試過等唔到小巴，趕住帶小朋友上堂，所以搭的士！
的士佬好唔滿意，因為短程！
揸到好似香港腳發作咁，chok下chok下！
我知佢特登，其實我好想鬧9佢！
不過帶個細路我忍佢！正仆x!
3個讚
有次個的士佬見我拎住行李以為去機場 點知我係返屋企 成程車就係咁風濕腳發作咁 chop到我就黎嘔
而家搭的士都盡量用和你的 你會發現原來有的士司機係咁好禮貌 比貼士都比得開心d
7個讚
所以依家係街到見到多左吉的，有時真係心涼！
1個讚
我而家通常都係用App 啲司機後生啲 有禮貌啲 車都保養得好啲乾淨啲 佢哋好樂意接區內短程 單接單 生意應該唔錯
以前喺街截的士 好多聽到短程就黑面 仲要對電台講嘢畀說話你聽 好討厭
1個讚
我都好憎搭的士,有次抱住阿 b出院勁多野,勁揮手,個個聽到地址嫌近就拒載,仲叫我自己行返屋企都有!但行返去真係至少要半個鐘 
仲有一次打的過海,勁揮手個個話唔識,最後嗰架就話載左我去過海,都唔知個邊有無客接返九龍!!!大佬呀!我張單埋單都幾百,唔係幾十喎!仲要我包埋搵下個客比你?!你估我揸的架? 
1個讚
我都冇車、都係坐的士
最怕係司機毛啦啦除低口罩食野
唔知咩原因好多司機會咁做
出聲又唔係唔出聲又唔係
如果出聲（可能佢咁岩堅肚餓唔食會暈）
如果唔出聲（佢就一直一隻手食一隻手揸車好危險/ 仲有一車都係佢食完呵出嚟既味、試過見司長中途停燈就食飯盒/ 珍珍薯片/麵包就最多）
1個讚
和你的多車嗎？係唔係call咗都好快有車？
我call過幾次長程 都係15分鐘內有覆機
1個讚
我大肚果時，向醫院做完產檢行出嚟就開始落雨，見有的士就跳上車
我都知果段時間塞車同埋我都去得近，個司機都唔係好想載我，唔係落雨我都唔搭的士
一開車個司機同我講話有條路快啲但遠少少，我話唔洗，直去近啲。佢再講話直去塞車有排塞，行條快啲嘅，跟住已經一嘢轉彎
到行行吓唔對路真係遠好多，我就開聲講話呢條路遠好多喎，之後個司機發我爛渣，勁大雨仲叫我落車，我大住個肚已經唔同佢嘈
之後就黎到就話收少我錢，到落車果刻仲鬧緊我，我比錢佢佢掉返張廿蚊比我當收少咗，係真係掉張錢去後座比我，果刻真係即爆，我掉返張錢去前面話：你鬧x夠未呀，兜我路好等錢洗呀？比你睇醫生呀 
跟住即走
而家向街有的士都唔會上，寧願等Uber
點都唔會滿意㗎
我程車係$100
佢真係好喪
我好大機會忍唔住會喪鬧佢！
我有車同車牌，但得一架車
平時老公返工放工用車
所以解決方法就係一係買多架車，一係就請個家庭司機
佢係唔係人呀佢 、痴孖筋
我都試過比司機叫落車、因為我叫佢唔好吸煙佢就即刻停在路邊叫我落車
有時候就係天氣問題，見到的士係會想即刻上
（eg帶住小朋友落雨無遮）
可以答一個鐘的士…窮得去邊??
exactly
大家等價交易
點解要貼錢買難受！真係好想爆粗
你係咪少搭的士？
$100點搭一個鐘的士？
的士司機係話自己來回一個鐘呀，唔係我程車一個鐘
返工時間真係唔算多車，試過等成 10 分鐘。
前排要出 site 日日都同一時間出門口，同一個司機接左幾次之後佢索性比電話我叫直接 call 佢 （ 原來佢住附近，我返工佢先起身出車 
雖然無 discounts，但至少坐得安心，你知啦，睇電話有時見到某的新聞好易爆粗，唔覺意比司機車 cam 影到放上網 DOK 灰點算
所以我話盡量 急上黎要係街截就真係睇你好唔好彩 有時短程我會問下佢接唔接先（唔好鬧我做壞規舉）因為我都廢時佢排咁耐隊接張30雞既單 跟住我又要被佢黑面對待