一個字︰絕 
2個讚
我奶奶話我乜，我最鍾意攞我媽出嚟幫拖，就算我媽唔喺度我都會話︰係咩奶奶﹖但我阿媽話乜乜乜喎，同佢相反
所以，奶奶話個孫似你老公，你天真mode答︰係咩﹖但我媽話似我喎
奶奶話邊忽似你老公個妹，你天真mode答︰係咩﹖但我媽話似我個妹喎
試下呢招，萬試萬靈
4個讚
不過我本身都係啲你得罪我我會十倍奉還，半澤直樹啲朋友，如果樓主係溫柔type就教壞你 
有次男家親戚笑我唔識煮飯(結婚頭幾年)，頭幾次我都冇乜所謂，到有次我忍唔住反駁︰係呀我唔識煮飯，我鍾意搵錢，都搵得幾多架，得唔得﹖你覺得會唔會好啲﹖
對方即收，以後唔敢再講
又唔見佢叫我老公學煮飯比我食﹖
4個讚
我無湊仔都想燥你99，你揾次爆q返佢，成日自己忍唔係辦法
1個讚
好正，我有特別留意你分享啲男家對決。請繼續多多分享，等我地學下野，我做左你fans
勁！非常聰明！
哎呀哎呀不敢當，我份人口直心快，脾氣唔好，我好唔鍾意人比說話我聽，好彩我老爺奶奶冇乜嘢，少少煩啫。最好係佢哋係黃，已經扺鍚好多
多謝你
1個讚
勁！
產後聽埋聽埋呢d說話真係會好唔開心
有時我明好難當耳邊風 但自己總要為自己既負面心情搵個出口 唔好郁埋郁埋 咁樣對自己身體都唔好
好多老爺奶奶都係伏黎 但如果佢地係真心對個孫好 似邊個唔似邊個又有咩問題呢
最慘係遇著陰招奶奶 表面扮到好錫孫 實質就
我又唔可以話奶奶係伏，某d位佢又好好既，只係一關乎呀b既所有事就開始對我起鋼、吹毛求疵，或者對我地女家彈三彈四，就算平時點樣盡量打好關係，佢幾句難聽有骨既說話已經破壞哂，琴晚同老公傾左，我地嘗試叫奶奶起我放完產假前，比我自己揍返呀b，睇下之後會傾成點啦
1個讚
淨係呢下已經唔應該忍，我作為媳婦，你點踩我冇所謂，彈我娘家我一定反駁到佢以後唔敢
如果我老公唔幫手佢死得
1個讚
我媽媽陪我坐月果排成日彈我媽媽，我媽知我鐘意食佢整既梅菜肉餅，之前陀b又唔敢整比我食，而家生左咪整比我過下口癮囉，奶奶就話梅菜係醃製食物，我餵人奶食梅菜對呀b冇益，但轉個頭佢整榨菜比我食，我真係好想問佢，榨菜唔係醃製食物咩？點解我媽好似做咩都錯，佢自己做就大條道理
奶奶仲同我講餵人奶唔好食甘多菜，菜好涼，會搞到呀b d屎唔靚，我以為唔食涼菜咪得囉，之後我夾菜心食，我每食一條佢都要加把嘴叫我唔好食甘多，菜涼呀，我話菜心已經好正氣，我陀b成日食菜心，佢都依然叫我唔好食，果下我火都黎，我同佢講「我唔食菜呀b就有靚屎，但到時輪到我屙唔出屎呀」，佢啞左駁唔到我
4個讚
做得好
比我就好簡單：唔同佢食飯&唔比老公食菜
我唔食佢唔幫拖，咁我坐月戒乜佢戒乜，仲要比奶奶知道等佢肉赤
1個讚
你好西利
呢d技巧真係要學，否則我自己同女家都難受
有個支持自己既老公好重要
不過你都講你奶奶唔係伏 只係某d問題上佢冇理你感受
如果自己調節到既話最好就左耳入右耳出隻眼開隻眼閉
咁樣對大家都好
我要mark低呢句 
真心痴膠花，唔比人食菜，菜芯一定得，我冇生過但我姊妹生過所以我知
如果奶奶有女，姑奶/姑仔生嗰時奶奶點對我我點對返佢，講返一樣嘅說話呀丫，條菜芯我成碟倒落自己碗度報復呀
真心平時都可以忍下，但深抱十月懷胎生完仲要咁對人，理仔唔理個乸，大家都係女人仲要做人阿媽邊有可能咁衰？
1個讚
係, 認同
你講既哩D，我都經歷過，可能都係因為第一個B所以老人家特別緊張。我個時直頭覺得自己就係菲傭，個個都擺晒個關注度係BB度，冇人理會下我係個新手媽媽既。有時唔小心整親啊B自己都心痛自責到死，仲要俾鬧到飛起。一家人出街食嘢自己一啖都冇食，喂啊B食咗線，喂慢咗，我奶奶話仲唔喂，你睇唔到啊B口裡面冇嘢了咩？
但我都捱過咗，幸好自己冇抑鬱。有咗第二胎反而我99唔理咁多了，冇咁多嘢講。因為自己有經驗唔使聽佢廢Up
身同感受，我奶奶試過叫我買梅肉豬肉俾小朋友食，買咗返嚟，個貼紙寫「豬頸肉」，佢罵到我扒街，話我俾人呃，話唔係梅頭，我話梅頭肉係豬頸第一刀，佢話梅頭係大腿肉，我話係我爸教我㗎，佢話「你阿爸錯喇！」
仲有有次，買咗盒三十幾蚊嘅外國磨菇，佢夾硬話有臭味，叫我聞下，我都唔覺，佢話臭咗，叫我丟，仲要佢睇住我丟！
我變咗成個賓賓咁
諗返起我就覺得：死賤人