我係新手媽媽，呀b出左世個幾月，自我地出院之後，奶奶每隔兩三日就講呀b似邊個邊個，話呀b酒凹似老爺，手指腳趾眼同鼻似我老公，頭髮同個身體似我老公個妹
開頭我唔介意，事實上我冇酒凹，同埋呀b大大下會走樣，而家講話似邊個都冇用，所以奶奶講乜我都冇放起心，但佢講左甘多日，講到呀b似哂佢地全個家族，都唔會提下呀b邊一忽似我，我老公睇過我剛出世既樣，佢話呀b同我出世果陣一樣甘多頭髮，就口痕同奶奶講話呀b d頭髮好似我，我奶奶扮聽唔到，轉個頭都係話頭髮似佢個女
岩岩我餵奶，老公話呀b條頸同我一樣甘肥，我奶奶又扮聽唔到唔出聲，轉個頭起我面前話呀b係跟佢地姓架，講到呀b唔可以有半點似我甘，我覺得好難受
另外，老爺每逢見到我抱住呀b，就一定走過黎要我比呀b佢抱，好似我搶走佢個孫甘，就算呀b岩岩飲完奶準備落床仔訓，老爺有理冇理都要話比佢抱，完全冇諗過有冇實質既需要，總之就要佢抱，而我亦唔敢say no
老爺奶奶有時抱呀b，呀b會狂扭計，但佢地寧願繼續死纏爛打都唔會將呀b交返比我，直至我老公出聲，呀b又好鬼識做，我一抱上手就收聲，但之後換來就係話呀b蝦爺爺嫲嫲…
有時奶奶講野真係好難聽，我媽媽買左d衫仔比呀b，奶奶可以當住我面話d衫買得唔好，但佢又唔會幫手買d佢認為「好」既衫喎…我買奶嘴比呀b，奶奶話「買左都冇用啦，呀b都唔食奶嘴」，轉過頭呀b食奶嘴食到啜啜聲，但依然死撐話呀b唔鐘意呢款奶嘴…我同我媽媽帶呀b去健康院檢查，姑娘話幫呀b磅重要全裸，事後奶奶會問「點呀？今日去健康院呀b幾重呀？退哂黃未呀？」甘我以為冇咩野就向奶奶透露左bb要「全裸磅重」，點知佢係甘質問我「點解要全裸？邊個話要全裸？你除哂呀b d衫咪凍親佢囉？！健康院有冇暖氣架？你地有冇帶多張被仔去包住呀b？」大佬呀，而家我做錯咩呀？又唔係我要求呀b全裸磅重，健康院要求全裸唔通我唔跟住做呀？同埋健康院已經好好，呀b磅重間房係有暖燈，想我點呀？
我感激我奶奶會煲野比我補身，仲會幫手照顧呀b，但一講到呀b d事我就好似局外人，有時仲有難聽說話，搞到我好似代母一樣，好似生完呀b之後就完左我既責任，我有叫過自己唔好亂諗野，佢地都係錫bb啫，但當我想介入bb既事，我就好似變得冇話事權，真係好唔開心好難受
明白你，你講既係好多媽媽都感受過既，包括我
唔洗理佢地，當佢地唱歌，認真便輸了～
同埋你係bb 媽媽，你想抱永遠都係你排第一，你唔想就邊個都唔需要理會，你生佢出黎、你湊，你最了解bb 想點，其他人講既唔洗上心
係咪家族呢一代第一個BB？可能長輩太緊張，而且代溝湊仔呢一樣野係幾乎必定會出現嘅事，悉時同長輩好好解釋返，其他旁人點講，你作為BB媽媽可以唔洗理
您99唔識講嘢，明白會唔好受，但惟有當佢廢up啦。下次您咪覆佢：係啊係啊，全部都似哂奶奶、老爺、老公同姑仔啊，連腳趾甲都似到十足
睇到呢到，就會忍唔住串佢，法例無規定一定要跟老豆姓，我去攞出世紙時我鐘意阿b 跟我姓都得。
你連邊個嚟睇b 都有話事權，邊個搞到你坐月都坐得唔開心就唔好見住，直到佢識專重人，叫老公開聲叫佢講少兩句。
你奶奶好煩，你有冇黑佢面？
唔駛忍，同老公講，叫老公幫拖
你奶奶講咩都無用
你永遠都係BB媽媽無人可以代替
BB會知
樓主放開的, 當佢地nothing 啦！
個仔係妳生, 已經有哂認證有一半你嘅DNA.
係第一個bb呀，仲要係男孫，老人家好緊張呢粒孫，但我就好大壓力，成日比人問長問短
嗯，知道
盡量控制自己既情緒
冇黑，但講野都冇表情，唔想笑
我有同老公講，但我老公好孝順，好錫佢父母
雖然佢知奶奶講說話有時好難聽，但佢都會幫奶奶講好說話，仲話奶奶只會對自己人先會甘串嘴，奶奶對我串嘴即係當左我係自己人
你都一樣可以「講說話」俾佢哋聽！
抱起啊b，同啊b講「點會似啊乜乜啊！我生架嘛！唔好聽埋啲無謂野啊bb」
有人問長問短，你就一句「得」埋去「我係媽媽，我有分串」「得架喇，我會搞，唔該」「啲衫肉酸啊？媽咪鍾意/媽咪覺得靚咪得囉」
有人搶抱？「下？又想整喊人啊？」
真係唔開心，同老公講！坐低認真講「你想我產後抑鬱啊？」KO佢！
哦！咁啊！得！冇問題！
大家鬥串囉！自己人啊嘛，冇所謂啊嘛！
不斷係隔離串咀！「咁鍾意整喊人」「人哋唔鍾意你抱啊」「你抱得唔舒服啊」
同意樓上jm 講，把口生喺人哋度，控制唔到佢哋諗乜講乜，當笑話咁聽啦。好多jm 同你一樣ga，u are not alone！有時事實擺在眼前，bb 係似媽媽就係似媽媽，佢哋係要話似自己嗰邊就由q 得佢哋啦，鍾意自欺欺人都無計（通常係啲無知嘅人就會咁）。我嗰個成日都話「個bb 始終係佢哋個種」，都係極度un 耳，我當參加咗「誇張修辭手法大賽」咁笑下。
同埋你奶奶好面顯係盲毛嚟（健康院剝光豬事件），唔洗同佢解釋咁多，佢講嘢虛應就算，同埋記得盡量唔洗樣樣嘢同佢講。
至於你話老爺想抱，個個都係咁，初生bb 個個都想抱，呢樣嘢唔係特別針對你。遲啲大個bb 會指定淨係要媽媽，oh well 
我之前都係奶奶狂搶抱，而家都係係咁媽媽媽媽。
樓主你而家一星期見佢哋幾多次？可唔可以見少啲？如果捨得嘅話，可唔可以佢哋嚟，你就出去放風？有時睇唔到聽唔到嘅話，會豁達啲。不過唔捨得的話都正常ga，搵個適合自己嘅解決方法啦。另外我覺得如果話過比老公知，但佢冇嘢做到的話，我會仲嬲，所以我唔會再同佢抒發情緒，但會直接offer solution 比佢。
jm 你唔洗sorry 長文ga，有咩就講啦，唔好屈喺心。
你嘅感受一定要同隊友講，唔好自己受哂，等佢出聲幫你同長輩明示暗示會好d，加油jm
咁講啦
99類全部都係面盲㗎
總之d孫仔孫女一定係似自己個仔
（但明眼人一望就知唔係）
我b宜家個半月，完全明白你
真係唔好take it personal
試過因為6299要上黎睇b
本身夠鐘埋身，最後要餵奶粉
然後我自己入房泵奶
成件事好無聊
入到房我本身仲開住cam睇下佢地做緊乜
最後我決定let go
用果20分鐘me time打陣機
即刻舒服晒
雖然阿b好重要
但都要記得好好照顧自己