奶奶呢家野，真係不用溝通
我好明白你感受。
阿b出院果日，我直頭抱都抱唔到個b，全程比個奶奶抱住（講緊係阿b住咗半個月醫院，唔係我同阿b一齊出院好虛弱果d）
我同老公幫阿b沖涼，佢又要插隻手落黎，上次直頭撥開我隻手唔比我掂個b
同你一樣又係成日話個b似足老豆，同我一d都唔似，之前我自己收埋唔開心嫁，而家佢一講，我就話「咁死啦，阿b女仔黎嫁，似老豆大個咪唔靚女囉」
而且我奶奶好過份，佢會唔敲門就開門入房抱走個b，我話bb訓緊教，佢係廳又訓唔到，佢會答我「洗咩訓咁耐啊，訓咗成日啦喎」
我係全人奶埋身喂bb，阿b係廳肚餓，已經餓到喊（平時個b唔喊，通常會ee哦哦）佢都唔會抱個b比我，話比佢抱一陣，佢可能會收聲…wtf？肚餓唔比人食飯咁搞笑嘅，仲比我撞見過佢隊個胸比阿b，好變態…
仲有好多好多野發生，而我老公淨係話我將d野放大，連去覆診d助產士都叫我放開d就算。而家我唯有當睇唔到，阿b放出廳，隔住門聽到佢同阿b講野我都會反感，只好係房塞住耳筒自己睇野，分散自己注意力，當唔知…
2個讚
第一次做媽媽係敏感啲，我都係
開頭99講似乜似乜都當佢發up癲，再講得多心裏面已經好反感，為有心里面反抗佢就算，由佢發up癲，唔使擺上心。
有時再難聽嘅咪笑笑口串返佢，好似6299抱會喊，你抱返就唔喊嘅時候咪講緊係啦，我係佢阿媽喔，仔仔好叻啊，識認人～
2個讚
如果老公唔幫，我唔會屈住，我會煩到我老公幫拖，同佢講你唔反擊就我自己嚟
奶奶絕對會得寸進尺，連去健康院啲細位都比佢煩比佢干涉，幾時忍得到b大？
計我話，可以唔正面攻擊，但不停講我係佢阿媽，我係佢阿媽，我係佢阿媽，我睇佢夠唔夠膽收，唔收就再進一步
1個讚
冇呀，坐月期間由我媽同奶奶輪流照顧我同呀b，而家坐完月，我媽要去返工，得返奶奶照顧我地
我媽話奶奶就算點差都好都係我個仔既呀嫲，加上奶奶好錫我個仔，點都好過工人揍，不過我就要忍下
哇好衰囉你奶奶，沖緊涼都要撥開你隻手，佢係直頭唔想你掂自己個女？
同我老爺一樣啦，完全冇理過實際既需要，明明呀b訓緊教，但想抱就要去抱，過份
真心一問，你奶奶仲有人奶咩？
1個讚
對住奶奶，認真便輸了
生完阿女後，但凡阿女的所有野我都「特登」話似爸爸
眼耳口鼻頭髮高度聲線全部都係似爸爸
初頭好似好難講出口架（我奶奶直情開到聲話擔心阿女高度似我咁矮，而明明姑仔同我一樣高，哼）
但bb開始大，你就發覺呢句好有效
「Bb做咩喊得咁大聲」「係呀，似爸爸嘛」
「bb點解咁瘦嘅」「似佢老豆食極都唔肥嘛」
「bb發脾氣掉野」「咪同佢老豆一樣咁臭脾氣囉」
再講落去，我就會扮無辜咁話「個女唔關我事架，樣貌性格脾氣似足爸爸，我只係負責生佢出嚟架咋」
我奶奶就會無聲出
咁鍾意個孫咩都似男家丫拿
所以，唔好難受，唔好將男家的說話放上心
記住為母則強，加油
16個讚
加油，你無錯架，有啲人就係把口唔修，你係媽媽盡力就算了，佢咁多口的話，唔好講咁詳細佢知
1個讚
呢個應該幾有效
我奶奶無咁嚴重，但係最初都係咩都話似爸爸
我都係咁講「係囉，個個睇到張相就話似老豆」
到最近佢越嚟越扭抱好難搞，我奶奶就開始話覺得佢似我 
1個讚
同我奶奶以前一樣。
唔好再同奶奶講咁多，可以嘅話唔好成日見。
我小朋友都十幾歲，由小朋友啱啱出世到而家一路我老爺奶奶都唔會有咩改善。
新手媽媽係比較敏感, 不如掉轉諗下, 多個人錫BB唔係仲好嗎? 萬千寵愛, 一定好過不聞不問, 係嗎? 當然D說話太令你唔舒服, 就自動Skip。
湊BB一定要自己落手落腳, 慢慢學唔好怕, 無人可以對你Say No, 你先係BB媽媽, 一定得架! 加油 
1個讚
唔使理佢，個仔你生出黎，係咪你嘅你實知架，反而個仔係咪你老公就一定要驗喎。
我個乞衣仔出世頭7 日係家慈幫手沖涼，之後我學識左就接手。之後都無睇睇孫(住隔街乍喎)。個幾月後拙荊唔舒服，我叫家慈黎幫手睇孫等佢休息下。點知我放工返黎見佢玩手機，個孫都係拙荊捱住眼訓咁睇返，我即刻鬧到佢反面走人。自此我無俾過佢單獨睇仔，反而外母睇孫我就好放心。
1個讚
認真，如果係都要咁極端，我寧願大家覺得個b似哂老公，好過似哂我
比你揀，你都唔會想6299日日話個孫唔似自己個仔，都唔知你係咪真係同自己老公生嘅，要驗下DNA。就算講笑，都難聽過話佢冇一忽似你啦！
撗掂都係，話似老爺，等佢兩老鬼打鬼~ 
2個讚
我無B，不過串咀我識呀，之前幫個FD串佢99成家，跟住個FD話無再聽過99講依D廢話。
換片果陣大大聲話『嘩，BB D POOPOO咁臭既，似十足你爸爸』『bb又weewee喇，同你老豆一樣有尿頻喎』『BB，咁醜樣，似晒你老豆果家人』『bb對腳仔咁短既，係咪想大個同姑姐咁上下高呢』
99一話BB似佢果邊D人就應佢『係呀，人地話懷孕時對D靚野BB就會靚，唉，早知照多D鏡啦』
一話佢似62『嘩，我同老爺係清白嫁，點會似佢呀』
佢地抱BB抱到佢喊就『麻麻幫你練肺活量呀，俾D爭扎，一陣休息1分鐘』
10個讚
呢句反而佢對住呀b講，仲同我講呀b甘細個喊下冇所謂架，練下個肺ma，佢試過抱住呀b，而呀b係喊足一個鐘都唔肯放手比返我抱
亦試過夜晚抱住呀b走去我個廳d大燈泡下面，要呀b望實幾個大燈泡，仲串我你睇下呀b好鐘意望燈燈呀，我嬲到即刻山燈，雖然我唔肯定有冇害，但你甘大個人長期比燈射住對眼都唔係幾好啦，何況係初生bb
1個讚
打電話報警話虐兒 (隔離屋聽到BB喊咁耐無人理)
我記得當時我係無助到呢埋起廁所喊，可能又受荷爾蒙影響掛，總之聽呀b喊到甘而我又做唔到d乜就好心痛
1個讚
唔洗理佢哋ga, 其實想當年我都喺亡國出過類似嘅post, 其實生完心情緒會比較起伏，真係一句都會覺得好銀耳，放鬆啲，BB多啲人錫都係福氣嚟，其實我老爺奶奶係好好，但生完小朋友就覺得佢哋講乜都唔啱聽，回想返都幾好笑，加油