揀官津都要小心啲，有啲官津 SEN 支援唔多，亦有官津會教深，又會有官津多測考，心儀嘅又唔一定自行/乙一入到。所以一定要留意下自己心儀官津乙一入唔入得曬，SEN 支援有幾多（最低限度睇到老師有上過 SEN 課程），測考量，升中等等。係好多學問好多資料，但為左小朋友，幾多都要睇都要搵。
我果區，唔谷就應該得寶校，頭痛頭痛。
你邊區？
咁你發唔發現除佐鏡字外。仲有冇其他例如成日跌親。怕去打千秋。氹氹轉果啲。小肌肉例如扣褸果啲有冇問題。
不過而家已經咁大。應該搵私家會快啲。6歲前係黃金期。
每間官小可能有不同
可以去聽下學校簡介會，舉手問下如果學生追不上進度，學校點樣協助？
有啲學校會有功課調適，即少啲功課及功課輔導班(即補底班）俾學生，但又聽過一啲學校無協助。
雙管齊下，當時我打電話去健康院，佢知道小朋友已道五歲幾就book左個快期俾我返去見醫生，印象中兩星期內，再等到六歲半到先到兒童智力評估中心做測試（個test要足六歲先得。)
未到政府評估前，我已經每月睇緊私家精神科，排到政府就唔使睇私家，慳返啲錢
會跌親, 唔怕千秋同轉。扣褸麻麻地。
62
我依家遲左, 疫情無咩簡介會了…
其實我有啲唔明白, 讀寫要6歲才正式做test, 但係6歲前又黃金期, 即係點？我有呢個疑問好耐了…
官津學校的調週係咪一定要政府出報告先可以安排, 私家報告唔可以?
62 係多啲學校谷，但都唔係全部嘅，浸聯都係出名少啲功課測考（呈分除外，間間都搏殺，唔可能唔搏），但浸聯難乙一。
建議你叩門去 64、65、66 嘅學校，一來荃灣升中的確唔理想，儘早離場好重要。二來多啲二線選擇，又唔會咁多人叩同你爭，但你必須明白佢哋升中唔會話好靚仔。
私家都得，我小一下學期先去政府做test，所以一開學我都係e mail私家report俾學校。
但補底班並非家長主動報名，係老師見到學童有需要，就派通告問家長會否參與，每班二至三名額。
補底班是小班教學，教返學童課堂上唔明的知識。
因為嗰個test要識啲字先做得，同埋當時見面專家解釋，一年級下學期先做嗰個test是因為所有小朋友都讀左半年書，考過試，測過驗，從成績表中睇得出強項，弱項及手冊上欠交，欠帶功課的次數。
但愈早訓練就愈早改善，所以早期訓練靠家長報私人堂(例:博思會，協康會)。我仔過左六歲先參與相關訓練，但都有改善，佢去嗰啲機構學A-Z單音phonics，之後認字有改善，再加上喺屋企不停幫佢溫去改善金魚的記憶
過程係好吃力，但食藥加訓練，幾年過去，終於部分科目自己搞掂。
1個讚
我仔都係金魚…原來狂溫習都係有啲啲作用, 咁都好啲。
你ge經歷好鼓舞, 媽媽真係辛苦了, 有回報真係鄧你高興!
我係打算填浸聯
但我估佢成績好, 高小其實唔會唔谷???
唉, 抽到先算…
呈分冇付出冇收穫吖，學校唔谷，家長都搏殺。浸聯都唔係你想抽到就抽到，區內二線一係就谷餐死，一係就「升中隨緣」。
而且荃灣不利派位升中，部份 Band 1 可能跌落 Band 2，部份 Band 2 又跌落 Band 3，但讀荃灣啲 Band 3，倒不如去葵青嘅 Band 2、3。所以我先鼓勵你出去叩。
如果中英文字都反轉, 好似鏡咁反轉晒, 有機會係讀寫障礙, OR 眼投射入腦的功能有問題, 所以反轉晒, 最好去做下評估
同意。雙管齊下最好。