請問小朋友五歲，寫英文字母會左右上下不分。
如：b,d,c,f,g,j,k,u,n,t,p,q…都會錯。
係咪要去評估呢？
P.S. 中文都係寫得差，好難跟啲筆劃，東一忽西一忽, 手勢都係左右反轉，如橫劃由右至左，話極都記唔到。
反轉係問題，要去評估下
1個讚
我覺得早啲做測試、提早做訓練冇壞。
我小朋友二年級、佢一年級果陣又係A-z都認唔晒、但佢係發展遲緩、四歳先講野…現在二年級、就沒問題、係寫得樣衰啲…
2個讚
我個女5歲都間唔中寫鏡字
中文英文、數學都寫鏡字
我就覺得佢問題不大，老師都一樣！
不過都可以帶佢做下評估既。
請問小一時，沒有特別去訓練，最後小二就自然改善了，係咪呢？
其實會唔會練習得少？我小朋友讀happy school, 少寫字，唔知關唔關事…
會試下…
1個讚
對啊、但佢本身冇左右調轉問題
但我喺屋企有用Scrabble同佢玩下砌字、叫認下。
通常小朋友初學字都係寫得肉酸，但如果直情左右上下反轉咗，就可能有讀書障礙問題，只係可能，都係建議check一check。
1個讚
呢個可能關空間感事、去打下波、攀石可以改善。
不過比少少錢、揾認可機構評估好啲、佢哋意見專業。
2個讚
其實我覺得幼稚園老師唔係太敏感，成日話小朋友ok,無問題，慢慢黎，我都唔知信唔信好…
唔係架，日日寫字！
不過都會間中有1/2隻字鏡左
「弟」字都寫到鏡字，我都呆左，真心覺得利害
1個讚
老師太敏感都唔係好事
我朋友個仔係比其他同學仔活躍啲啦，老師就成日打電話比佢，投訴阿仔向學校點點點，攪到我朋友一見到學校電話號碼就唔想聽，直情係驚左。
帶去 check check 先，如果真係，咁都可以即刻搵到方法去幫助。如果冇事嘅話，就皆大歡喜，繼續努力認字寫字。 b、p、d、q 呢啲調轉小一都仲有啲會有。
會唔會做多啲認字？如果認到嘅話，相信都唔係問題大。認字卡放大，然後捉住手指一筆一筆跟住個字咁畫，然後再要佢試下自己黎。
1個讚
中英文認字我覺得可以接受，唔係極差，比人慢少少。
主要係寫唔掂。有時寫字睇字會漏行跳格…好似有啲唔妥…
會試下搵評估，因為咁搞法，上小一都好難捱…
多做資料收集，理解下邊啲學校會課程冇教深，測考默書相對少啲，有冇 SEN 支援等待。搵一間能力範圍內最啱仔仔嘅學校。
1個讚
我仔細個都試過寫反字。
我換顏色筆同佢寫字，可能有d顏色開心d，好快就冇寫反字。
bdpq，我係分兩種顏色寫，咁嘅方法用係我仔身上ok。
2個讚
六歲前可去健康院，健康院可轉命去兒童智力評估中心
如果自費檢查，可以去私人精神科，協康會都可以，早日檢查，早日找出問題，對症下藥。
1個讚
我仔嗰時又係咁，happyschool，一班咁多人，佢唔出位唔搞同學，老師都唔會留意到佢有問題，直到k3，又係26個英文字母都唔識，已經有出去上英文班，中文又認唔到字，其他同齡同學都認到簡單詞語。
我自己一個認為佢有問題就帶佢去check，諗住即使無事都得個知字，如果有問題就上返相關training，唔使浪費時間出去上英文/中文班，最後check 到ADHD，專注力弱，依家上左相關training 兩年幾，亦有食藥控制返專注力，問題就解決左好多，起碼教佢都無咁難。
多謝分享，請教一下，呢個情況我係咪應該揀官津小學好啲？支援好啲？