想知有冇人係同男家成個家族既人, 即老爺奶奶/大伯/叔仔/姑奶/姑仔一家都住得好近, 好近意思係同一屋苑, 或分分鐘同一棟樓, 但唔同單位??
想知有咁情況既sis, 係咪基本上冇晒自由同私人空間, 會成日變成家族聚會, 做咩都一齊?? 定其實雖然係住好近但其實大家都係自己各自生活???
先利申我暫時係冇呢個問題但大嫂大伯一家已講過幾次話想大家一齊住 (可能係租全棟村屋一家一層, OR租到好近好近同一大廈上下層之類), 我心裡其實好唔想…想大家可以有D距離有D空間, 同時亦覺得好煩成日要應酬, 大家生活習慣亦唔同。但佢地已提出多次, 老公應該知我心係唔想 (之前已私下同佢表態過), 但so far每次佢地提出時老公都冇好明確拒絕, 只係hea住先咁回應, e.g. 之後再算, 遲D再諗之類…
我男家全部都住同一區 但就唔係同一個屋苑
都係星期日會食下飯 或者大時大節會一齊過
平日基本上各自各生活
我有朋友係咁，同層不同單位。
即係ABCD室都係佢成個男家，但我朋友同男家相處得好融洽。
我係喎
全部男家嗰邊啲人都係住同一區
見到咪say hi囉
冇乜特別
LOL
咁你朋友係要成日都同男家既人一齊過生活嗎??
我同男家D人都係相處正常融洽既, 但真係唔想成日做咩都一齊, 奶奶幫佢另一個仔湊孫, 如果住好近好近 (即好似你朋友同層不同單位呢D), 我就好驚佢會成日帶細路上黎做功課之類…因為而家其實我地都係住同區, 奶奶都有提過湊細路放學後上黎做功課之類 (唔明點解要上我地度做囉…) 
我而家都係住同區, 同區我係冇問題, 因為同區都唔等於話係非常之近。只係好驚日後要住到好近好近…e.g. 同屋苑, 同大廈上下層之類…
我最近搬近左一個男家親戚，對方會多左相約。以前會去奶奶屋企聚，或者去餐廳，而家變左去我屋企聚咁。
佢哋有分工，做功課就去另一單位，食飯、玩就去奶奶到。
亦都會whatsapp問下先，唔得可以直接say no。
朋友老公講明，所有男家人要得到佢批准先可以入屋。
明白, 咁其實都好似係幾個單位都互通共同住咁, 大家幾邊走, 只係訓覺時分返開 
我就係非常唔想咁, 但又好難開口直接say no.
我奶奶住樓上，已經非常難頂。
以前嘅生活好似俾佢哋監控住咁，我姑仔住附近，而家佢哋兩老去咗姑仔度湊孫。已經無再咁煩住我哋
朋友冇宜個問題，基本上佢唔洗擔心冇人湊女，佢放工返自己單位先，之後再去奶奶單位食飯，之後就返自己單位。
朋友老公handle得好好，話係佢安排，有乜事搵佢講，唔好嘈我朋友。
我反而係女家親戚住得近，同大廈同層
成日出入都見到，有時心情唔好唔想講嘢都會避吓，因為佢地好八卦 
明白, 因為我冇小朋友 (會計劃想生), 但大伯大嫂係有小朋友, 係奶奶湊, 亦係佢地提出想大家住得再近D, 甚至一齊住, “有個照應”. 因為奶奶同大伯一家唔係住得好近, 雖然同區但係都要坐車, 唔係walking distance, 但奶奶同我住果度係walking distance, 所以奶奶先會提出湊個孫黎我地屋企做功課之類…
但對於我冇小朋友, 兩小口子黎講, 我真係唔知有咩好照應要住咁近…反而只係覺得係開放我屋企出黎方便奶奶同大嫂一家落腳, 湊孫, 之類…所以我先好唔想大家一齊住得隔離單位/上下層…
咁就要你老公出手，
我朋友個case，我見到係佢老公同佢擋晒所有男家嘅事。
朋友有不滿就同老公講，之後佢老公出聲。
而家我都係咁, 都係老公去推, 但可能佢都覺得夾係中間掛, 佢推都係比較模稜兩可, hea住件事咁…而且果D係佢家人, 佢既反應自己唔會有我咁強…唉… 
模稜兩可又真係好難搞嘅。
但點解要上你屋企做功課喎，咁行到你到都行到奶奶屋企啦…
係, 所以我都唔係太明白。奶奶可能覺得佢唔識英文, 或者佢教功課有困難, 所以上想黎… 
一定唔好幫啲姪仔教功課
吃力不討好
係呀，同埋小朋友都係貪玩，根本坐唔定又冇耐性。如果真係上心勞氣咁教，一陣搞喊又唔好，我地都係照陪佢玩。所以覺得成日要entertain住佢咁…
咁最多叫99過去大伯度啫，點可以湊上你度。你鼓勵99去佢哋度啦，千祈唔好開個頭搞著你哋，後患無窮呀JM.