我當然最想係咁…同埋真心小朋友返自己屋企對佢都係最好。只係奶奶有同我地呻, 話覺得湊返去大伯度好遠, 好累, 因為佢去大伯度係要坐車既, 又話自己暈車浪…
我都好驚開左個頭, 真係會返唔到轉頭。而家佢地都係講下, 未真係發生, 但就提過好幾次… 
希望而家只係我杞人憂天啦…
我諗睇你老公本身鐘唔鐘意痴埋親戚到，我99家族十幾人住埋附近，三五分鐘路程內去到所有人屋企，我同老公係自己住，不過冇唔方便或要成日見，得大時大節先聚埋，呢年疫情仲完全冇見過至少1年。
你咁樣幾好 
其實我老公唔算特別痴屋企, 但佢屋企人好熱情, 成日想搞聚會gathering果D 
1個讚
Haha我老公係有家庭聚會都要諗下去唔去好 就算去都會遲到加早走。
就算住得勁近，平時都要我提佢先肯番屋企食個飯⋯⋯
所以成件事都係睇老公性格啦，始終嗰邊係佢屋企人～我自己就冇咩所謂嘅。
樓主有冇小朋友架？會唔會係想方便d小朋友一齊玩，多d見面又唔使搭車咁麻煩？如果全大人嘅，我又覺得無必要約埋住咁近…
咁就係99同大伯之間嘅事，唔關你呢家事。怕暈怕攰就住過去，叫大伯自己諗方法，call Uber 坐的士乜都好，而唔係搞著個細佬。
sor頭先未爬文就答咀
岩岩睇返見到你未有小朋友啦…
咁我覺得真係可以唔使住太近…
未有小朋友嘅緊係趁二人世界多d私人空間啦！
其實99都係半住過去已經, 但佢又唔中意住過去, 覺得大伯佢地住果度配套唔好e.g.得超市冇街市, 買餸好貴, 下下都係shopping mall冇D熟悉果D小店, 想出黎街市又要等屋苑接駁車好晒時間之類, 加上又話大伯屋企唔夠房, 99住過去搞到大伯要訓廳, 佢又唔想…當然大嫂佢地都做好多野, e.g. 叫99住過去, 平時出黎又call車接佢返去, 但佢就係唔想坐車同覺得日日咁來回好煩…
但當然孫又唔係手抱BB都會有自己想法, 梗係想跟住爸爸媽媽住…
我睇到佢地一家咁多野都覺得煩, 所以先更加唔想同佢地住到好近咁, 始終我地兩小口, 如果住好近, 又有咩理由唔幫下手?
係既咩，點解唔好教呀?
我姪仔成日都打video call黎問我功課我都照答
咁都係奶奶同佢大仔之間嘅事喎，又拉埋你哋落水…
只要你企硬，你老公冇理由迫你
我嘅忠告：對男家任何要求，只要你感覺唔好，喺未成事實之前要阻止佢發生
一心軟、一諗唔好意思你就後悔莫及
而家仲要講到係搬屋，一搬咗好難逃離，到時仲影響感情
2個讚
我exactly就係咁，點解我老公咁積極擋？因為試過佢唔做，我親自出面推，到我推得當然件事同個語氣會好難睇，我係特登做得衰，咁我老公仲唔怕？下次拿拿聲幫我出聲
我唔鍾意就出聲，我做乜要屈就自己呀？老公唔講，好丫我講，我仲要大大聲好冇修飾咁講，我睇下佢驚定我驚
2個讚
哇，真心煩，猶如侵佔人間屋。屋企係自己私人空間，幾親都唔想隨便開放。唔識做功課咪去補習社！根本個問題係大伯同大嫂到，點解要您承受啫
1個讚
唔會，咪叫老公同奶奶講打算生仔，要二人世界，咁多人上黎阻住攪野
你到時趕又趕唔走，間屋又煩又嘈，你喊都無謂
多謝你, 你講得好岩.
老公唔會逼我既, 只係我唔想佢好似要夾係中間好慘咁姐…
因我地本身大家都相處得好好, 好和平正常, 所以我唔想搞到好難睇…
加上大嫂說話技巧同人際關係都好好, 有D咩都offer幫我地手 (但實際上係冇幫過D咩既) 但就會成日提出可以幫忙呀之類…
所以如果我搞到好難睇, 或表現得好唔願意, 就好似好衰咁。
樓主應該本身都幾就得人
記住對住男家，拒絕唔一定衰，你開頭快速拒絕，男家知道你底線反而以後識相處唔會夾硬嚟
但你第一下屈就，然後佢哋覺得你欣然接受，到你忍唔到時再開口已經遲＆難睇
1個讚
我好似分享過不過再講，有次男家某討厭親戚話食飯(後輩生日之類)，我一早話唔去叫老公講，佢竟然覺得遲下我會肯所以唔講住，然後佢直情冇咗件事
我奶奶以為我哋實去，通知我哋時間地點時我老公先話我哋唔去，我奶奶當然話我哋，想我哋無論點都去，我就先私下爆我老公，再喺個 group 度明言我一早話唔去，係你個仔冇講，總之而家我唔去
我老公笠水，到最後佢自己去
自此之後我老公秒速回呢啲男家聚會texts，而奶奶當然預咗某啲聚會我唔去
1個讚