唔知大家有冇留意近排光時嘅爭議？雖然話不分化，不割蓆，但見到有問題係咪仍要盲撐呢？必須講光時成立目的係類似社企， 講明:盼成支援社運渠道、高於市價聘被捕者，詳情如下
https://www.thestandnews.com/politics/%E7%B6%B2%E5%BA%97-%E5%85%89%E6%99%82-%E9%96%8B%E5%BC%B5-%E7%9B%BC%E6%88%90%E6%94%AF%E6%8F%B4%E7%A4%BE%E9%81%8B%E6%B8%A0%E9%81%93-%E9%AB%98%E6%96%BC%E5%B8%82%E5%83%B9%E8%81%98%E8%A2%AB%E6%8D%95%E8%80%85/
但近日，開始有入面嘅人爆料話一位P君人工達10萬，由自己approve呢個offer,而做倉嘅手足就不斷被cut更，每個月嘅單數亦唔多，最新發展去到咁:
光時網店 今日管理層同底層員工開完大會 高層每個月出7萬底薪加3萬bonus 重話唔肯減人工 - 分享自 LIHKG 討論區 https://lih.kg/2258920
必須指出，最初成立公司嘅資金完全係靠眾籌，現時的管理層當日分毫未出。而光時貨品種類少、貴巿場兩到三成，初時可以幾個月先送到貨，但大家仍然肯等肯幫襯，就只因想幫有需要手足。點知而家內部已腐化成咁。聽聞光時未兌現嘅禮品券有過千萬元，真係驚一個屈尾十，p申請清盤，就會將所有盡入囊。我諗大家可以做嘅，就係盡量話畀多啲朋友知件事，唔好拒絕思考，任何有質疑黃店嘅都一概不理，同時用晒手頭上嘅禮品券，黃圈先可以愈做愈好，而唔係成為黃色水魚圈！
我認我係。
你由我啦。
好老實，
若果一開始呢間公司講明有人會每月袋「十萬元package」，好肯定冇人會咁白痴課金/捐錢/買現金卷，
甚至呢間公司開唔開得成都係問題。
論現時間公司現時規模、架構、「營業額」甚至該名管理層嘅CV，真係冇可能袋十萬蚊一個月！
呢件事絕對已經影響日後嘅任何慈善籌款/眾籌/募捐。
你可以問吓呢度JM， 有幾多個每月有十萬蚊收入？！
（以上純屬個人意見）
4個讚
同意
如果仲欠咁多卷未出貨，有咩理由出咁多糧
如果佢d管理層有Guru 咁嘅魄力，不停入新貨靚貨又識marketing，咁我會當睇唔到
因為咁係實業，憑真本事搵錢
但依家唔係呀嘛…
呢樣真
兩間我都有買，但Guru真係勤力好多，貨品種類多好多
個人認為呢單十萬蚊package事件係好大鑊，
若果處理（要交代）得唔好，可以肯定對以後所有其他有「真正需要」嘅籌款都會受影響，
因為我哋已經失去咗信心，所捐嘅款項用途竟然可以同原來衆籌嘅目的不一樣！
2個讚
光時可以摺, 有卷快用!
1個讚
唉
…點解嗰D企出黎話會幫手足嘅所謂黃店，最終都係咁。唔通真係萬惡嘅金錢引誘？一單接一單，令想幫手足嘅款項，都落唔到手足度，好令人卻步
2個讚
-
真正能夠FC前，我會保留最大信任態度，扮黃或者有好處，但依家時勢成本肯定有，唔見得真係咁有著數。
-
對於黃圈原則，個人一直會考慮符合經濟效益，咁樣先能夠發揮最大效益。交易雙方應該同時得到好處，先能夠產生價值。事實上絕大多數黃店相較大集團/藍店價廉物美，就算並非黃店都一樣值得消費，呢個都係能夠推廣比中立人嘅地方。替代消費先能夠發揮作用，大部分時候唔需要刻意撐而買唔需要嘅嘢（非正常市場例如蘋果等除外），因為錢係你手你都係黃。
但罷藍係任何情況都適用。 -
如果屬於慈善/眾籌性質，永遠會有代理人信任問題，所有社會都有。再多FC都無法保證，所以都要自己決定。無可否認係有其存在必要，即使有種種問題。我地要想辦法解決，唔好因為問題而對整個模式懷疑，始終都有好多成功例子
我仲有幾張現金卷未用，當初都係諗住課金撐手足，都好希望有一個香港人既網購選擇，幾個月開始用返d現金卷，貴d都照撐，本來都係打算比一年左右時間佢地進步，好似入貨同marketing，呢排係有既，但速度真係唔算好理想，就算冇呢件事，都係打算用晒d卷就慢慢少用，轉去guruguru個邊…同埋連登d傳言其實係同佢個聲明紋合架喎，40％人工係出管理層人工，其實都幾唔可以接受…你話你公司賺好多錢咁我都好開心，但問題係佢地連軌道都未上…
光時係元祖既黃店。好多後期加入既我都無幫襯。好似我去深水埗只會食水門一樣。我唔評論係咪真，大家唔好咁易俾人分化，鎮定點。
要等光時出黎澄清。
大家冷靜。
記住槍口對外，唔好連黃色經濟圈都俾人整散埋。
其實好多ngo都用緊八成至九成出人工。
大家真係唔好對同路人太mean, 如果佢地管理層貪錢，當初就唔會咁早沖出黎，遲黎既就識做marketing，問清楚自己係想支持黃多定消費多。
我認同光時有進步空間，但係佢地係最初既黃店，我相信手足應該仲有好多係裏面做。
如果我俾$100，有$5會俾到手足，我都會俾，好過藍店一蚊都唔落袋。
1個讚
唔代表合理 所謂慈善機構睇透佢地 管理層Fat Fat 嘥鬼氣
係，但正如我提過，只要有$5蚊俾到手足，我唔介意俾$100，我想講你搵到一間更好的黃店嗎？
2個讚
光時既營運模式絕對可以請得番班暴動出黎既手足，只要有一絲機會我都唔想放棄，因為除左寫信，我都諗唔到有咩方式可以接觸到佢地了。
八卦想問，
有冇人知道呢間公司受僱幾多個「需要幫助」嘅「全職」人士呢？
有冇一百？五十？二十？定係得幾個？
若果呢類我哋最想幫助嘅全職員工唔成比例（細心諗，冇理由養隻大笨象嚟嘅目的竟然只係餵得嗰幾隻蚊㗎），咁就希望有關方面立即檢討。
我只能夠話佢如果萬五蚊請手足自己出10萬糧既話，係同我expect既有出入，我想係大家都收入都平均d而唔係只係養肥某d人，再者自由市場要搵到10萬月薪，真係要超高能力先能勝任，我唔覺佢有。
其實做得唔好都要死撐咁都算分化？我expect黃圈係大家係商業社會用正常服務同途徑去養活自己而唔係一味賣小強，乜優點都冇死淨黃，咁樣今日做得住，下年都一定會收皮，貴又貴過人，選擇又少又冇自己獨家產品，不如佢地自己思考下定位先。
3個讚
見到光時變成咁真係好無奈，肯定一直keep住幫襯既人都係想幫手足，買現金卷丶比貼士咁都係支持佢哋嘅信念，而家搞成咁，無言…
1個讚