囝囝係b3生, 中, 數,常都唔合格, 得英文較為好D,有7-80分, 只求佢不學壞, 讀得開心.
靈風同劉中就應該可以試，搏少少迦密聖道都得。
1個讚
我自己就想試卍慈，哥哥讀聖道，如果揀聖道，又擔心佢跟唔上
1個讚
想試就去馬，衰啲講句，都已經係 Band 3，一定要搏間心儀嘅。
英文好，我寧願去羅定邦算，佢哋會收少部份英文好B3生，成績仲好過救恩，話曬甘多年都係英中
都係，英文好，可以試下羅定邦
與其去劉中、聖道，真係羅定邦好十條街，始終爛鐵總有三分釘，不過炒主科就難D，我諗佢地最少都要合格，另加英文一定好，但都試左先，再睇下有冇計保翻其他科PASS
但羅定邦教師方面…不方便評論
我知⋯⋯中文科係重災區，佢地就換校長，好似是鬼佬，可能遲啲會好啲
唔係呢個問題咁簡單吖！仲有個大啲嘅問題，普通人望落唔知，要細心睇先發現，呢個亦係好大機會點解學校收唔少成績唔錯嘅學生（有唔少 Band 1 尾、Band 2 頭都揀佢唔搏派位）但成績一直都只係 Band 2 尾。
想問下係咩問題? 可以講嗎? thanks
Very high staff turnover rate. 校長用人唯親，教學政策離地，權鬥嚴重。大埔本來有六間band1英中(迦、莫、王、沐、恩、羅)，羅定邦是最早跌落band2的一間，2020年入八大率約23%。2013年DSE得37.1%3322，但嗰屆中六生有逾85% band1生。2012年末代高考約72%學生符合入大學資格，但羅定邦收外來中六生平均分係18分，甚至吊高收到2X分(絕對係band1收生分數)。教育局於校外評核報告狠批學校成績差強人意，幾乎所有相近收生水平既學校都好過佢，佢只係勉強好過全區所有中中。
1個讚
羅定邦成績咪又係麻麻……
今年救恩書院2020年DSE成績考得唔錯，有大約50％考生考獲3322，8人入讀三大(中大、科大同港大)。詳細資訊有待校務報告，我都係聽返嚟㗎。
不過以往(2012-2019年)救恩書院DSE成績低迷，3322率徘徊30％，八大學士課程取錄比率大約徘徊20％或以下。今次救恩書院終於正常發揮
希望嚟緊救恩書院DSE 繼續keep住呢個水準，甚至考得更好，如果救恩書院有一年DSE可以做到3322>70％就真係可以名正言順做返Band1C學校。而家救恩書院積極提升學生英文水平，加上收生水平上升，相信3322>70％並唔難。keep住呢個升幅
DSE方面，我就當救=圓=何郭。但個人方面我prefer救多D。何郭校長梁秋雲勁黑人憎，唔止禁止學生罷課仲疑似報警拉閘外抗議嘅學生，梁秋雲就話冇報警，但有乜可能閂埋度閘令學生俾黑警拉？簡直離譜！而圓玄校方就曾經就「富善三校和你返」活動報警，而香港道教聯合會同孔教學院一樣藍到黑！救恩書院校長雖然係淺藍但好過何同圓，背後辦學團體崇真會對比起香港道教聯合會同圓玄正常得多，起碼唔會係深藍！我就當崇真會係淺黃。雖然我是無神論者，唔太鍾意基督教，但只要宗教堂當老師廢up就應該冇問題，唔似喺深藍學校咁被政治壓迫。
大埔區中學水平都麻麻，從來冇話羅定邦好，但俾佢差嘅學校多的是，包括教恩，大家都知佢有咩問題，我成日都話有錢不如過沙田考培基，老實講培基成績仲好過沐恩。救恩一直收生唔差，我可以好肯定講佢收嘅邊緣人，一定多過羅定邦，羅定邦仲有收Band three學生添，救恩一定冇，但過往幾年大家成績都係差唔多，甚至羅定邦仲好過救恩，至少有英文科撐住，呢樣野係好實則，而所謂校風好啊從來都好主觀，所以就反映到收生已經唔係兩間學校成績變差嘅主因，係教學質素。留意番入大學比率，其實圓二/何中係比救恩高。
我唔覺得救恩短期內會有70%3322，留意番個data就知，大埔中學排位已經stable左，好似金字㙮甘排落去，如果救恩有70%3322，甘對上五間英中只會更高。且成績從來要睇幾年，唔可以淨係睇一年進步，例如羅定邦上年有46%3322，今年一樣跌到得返38.5%。講緊70%3322係貼近聖若瑟，英華，甚至最強中文中學培正。救恩對上一次公開自己聯招入學比率，係2013年得15%，該數字已經包括學生經聯招入讀副學士或SSSDP比率，估計成功入讀八大比率更低。而羅定邦入讀三大比率都吾高，但至少仲有14%，講緊全區好多學校都只係得14% 3322
據內幕消息，之前（唔清楚依家都係咪）呢間學校嘅老師唔係個個開心。原因就來來去去都那些，不詳述，不過係應該畀同區直資情況好啲。
Yes，工作非常壓抑，之前都識人係入邊做，啲人鬥得好勁，識教書都比擦鞋嘅逼走，佢以前入邊啲老師幾勁架，有啲一走就去教育局，或者去傳統名校做科主任
你指救恩定羅定邦？