羅定邦。羅定邦校董會成員好有來頭，靠人脈每年都會請到教育界勁人，佢哋今年個副校長係平機會出身，學歷非常高(doctor出身)，教育界有啲名望，聽聞係入嚟頂就來退休嘅校長。呢個係佢哋發展嘅優勢
兩間都有，係自己人定唔順爆。兩間學校想擠入 Band 1 甚至接近 Band 1，都起碼要 5-6 年嘅事。
我有留意開救恩書院嘅annual report，2012、2013同2014都有公布DSE results，到2015年就冇再公布過。2012
3322：34.6％ 八大學士<16.4％
2013
3322：31.0％ 八大學士<13.6％
2014
3322：30.0％ 八大學士<15.4％
2015-2019年就冇公布過DSE成績，據小道消息呢段期間3322率維持約3成，而此後考生人數減少因此估計八大學士取錄比率可能出現微升，估計約15-20％左右。
而今年(2020年)有大約60人考獲3322或以上，全級約120人，即係大約一半人有3322或以上，終於高過全港平。
當然一年嘅DSE成績就未必反映到嗰間學校嘅學生經過6年後嘅實際水平大致去度邊。而我所講救恩書院未來可機會3322>70％只係樂觀情況，唔一定發生，有可能keep住50％3322，亦有可能跌返30％3322。但救恩書院幾年後3322>70％並不是全無可能性，因為救恩書院而家搞好多有關英文嘅活動，令學生接觸多D英文(2019 annual report有講)，而過往學生多數衰英文而與大學學士課程無緣，加上05年出世打後嗰幾屆收生水平上升，3322>70％係真係有可能發生。最尾救恩書院變成點冇人知，就睇下佢嘅造化係點。
圓玄同何郭佩珍係曾經考得好過救恩，但唔係長期好過救恩，唔記得邊年圓玄八大得6％取錄，而何郭佩珍係2017同2018年稍微考得好咁解，之前DSE成績一直徘徊喺B2-B3之間，2015年何郭佩珍average 2+ 得 7x％，而救恩average 2+至少有8x％，一直稍高於香港平均2+。7x％average 2+呢個成績絕對唔理想。所以我會將呢3間等同(成績排位)。
注重英語教學活動，不等於能夠全英教學。這就是為何英文中學英文科成績，較勝一籌。任何學校都有樂觀化情況可預計，但不能夠將樂觀化的烏托邦景象，誤導家長選校。而且何郭佩珍近幾年成績好過救恩，係鐵一般事實，冇可能將塵封數據搬出來講。等同於港大同學會書院四五年前只是band2，今年已經成為Band one熱門選擇，我們又是不是要因為港同曾經band2，然後不叫人選擇呢？選校要根據現實！何況救恩校務報告都冇披露成績，怎樣自圓其說也可以，我一樣聽過有人說恩主教有90%入大學率，最後呢？坦白說，我真的不相信救恩真係能夠交出同英華差不多嘅成績。救恩始終唔係英中，收生點樣好轉，都只係局限於食五大英中的剩飯。
都是果句，全世界不是得救恩跌band，積極改善英文科表現的中中多的是，救恩懂得搞活動改善英文，其他學校一定得。是不是稍為着重搞英文活動，學生成績也會提升？教育不是一朝一夕，要大幅度改善成績，係需要師資和管理層重整配合的。
羅定邦入讀三大比率有14％咁多！？以我所知三大比率有15％已經可以被視為掹車邊Band1學校。我記得恩主教入讀三大得幾％咋喎！恩主教冇理由差過羅定邦。聖若瑟、英華呢D知名英中雖然3322只係高70％小小，但佢哋個4+率高，救恩4+率可以同佢哋相比當然冇可能，但3322有70％係有可能，好多Band1C學校都攞到大約70％3322，而由於大埔Band1位小相信目前救恩書院絕大部分收生係Band1，Band2只佔少數，只要老師肯用心教書70％3322係可能達到嘅，呢幾年救恩走咗唔少尸位素餐嘅old seafood(大部分因為退休)，有唔少新老師加入，態度比較積極，至於師資方面而家全港老師都要有至少學士學位，彼此之間唔會差咁遠，所以老師質素唔會太差，係old seafood hea教嘅問題啫！
你可以去EK睇，嗰邊有放羅定邦入u率資料。你要明白一樣事情，大埔區本身小學生程度已經較為參差，這就是為何這麼多間中學都under perform。就算救恩點樣收盡Band one學生，都只係局限於收大埔區，當佢能夠70%3322，其他學校只會更高。唔係有心針對救恩，只係我較為理性去睇學校發展。同埋救恩從來只係兩班英文班，收生成績只係其他微調中中差唔多，仲未計所有Band one尾學生都會選救恩，有些可能會去直資，甚至去羅定邦。
羅定邦雖然差，但佢始終全港收生，宣傳攻勢勁，所以佢唔止淨係收大埔區學生，佢入邊係有少部份精英學生，講緊他們的精英學生是可以未考公開試就獲大學取錄，他們近幾年很強調資優拔尖，但保底做得唔好。所以他們的學生強者更強，弱者更弱。他們的優勢就是只要學校營運得好，就可以吸納全港尖子入讀，無需要局限食大埔區學生，甚至成為傳統名校，但大前提是要營運得好。而且透過上調學費，請更多教師，埋身照顧更多學生，甚至開IB課程，唔使再玩DSE。這就是他們當年不稀罕繼續做大埔津貼英中的原因。
你所講嘅港大同學會書院至少有4年DSE成績持續達Band1水平，值得參考。但何郭佩珍只係2017同2018年DSE成績考得比救恩好，得2年嘅數據你認為可靠嗎？何郭佩珍2019年連DSE成績都冇，點知佢考得好？我量度學校Banding係比較宏觀，由2012 DSE出現計到去而家。得嗰2年(2017、2018)考得好然後2019年冇公布數據你就覺得佢一定好過救恩，我唔太認同囉！我將何＝救係非常客觀嘅排法，相信唔少家長認同。
何郭佩珍過去三年都有不錯的入U率，均超過30%，推算3322比率會在30%以上，但救恩自2014年後沒有公開成績。如果這樣的話，我的推算又會顯得合理嗎？請問最近的三年數據重要，還是救恩2014年前公布的數據，才較有可信價值？你說什麼救恩成績變好，只是一番空話，沒有根本的數據和報告支持。而何中就是真正有數據支持了，至少考得差都夠膽同人交代啊，那麼救恩呢？有關何中2019年文憑試表現，懇請仔細閱覽該校學校概覽
啱啱睇完，原來何郭佩珍2019 DSE 學士課程取錄比率有38.4％，扣除SSSDP估計有啱啱好3成人考獲八大學士。即係最近3年都好過救恩，咁何郭佩珍DSE成績真係好過救恩。
幻想破滅了～救恩咁多年都係 Band 1 保險線，Band 2 第一志願。依家睇黎填何郭佩珍仲好。
好難得 Band 2 都肯公佈呢啲，可見學校係覺得自己品牌同成績係配對得上甚至係超出預期。
有啲 Band 1 都遮遮掩掩，3322 同學士比率都未必肯講。
1個讚
恕我直言，我真係覺得救恩冇乜賣點，成績校風唔算特別好，而且不是英中。
佢賣點好似係電子學習，算係冇特別賣點中嘅賣點，better than none。
如果講電子教學，其實何郭佩珍做得幾出色，你上佢哋校網就知。羅定邦電子教學直情出神入化，之前睇簡介會，佢哋連3D printing 都有。
何郭佩珍DSE成績隨時仲好過恩主教，咁搞法。
今年救恩書院嘅校務報告超級奇怪，淨係講成績不俗但冇任何數據。既然考得好點解唔透露data出嚟？
補圖