如題。
好想所有野都唔要唔理，淨係揹個背囊就出走。
去邊都好，可以自己決定，唔使再諗家庭仔女責任工作。
如果你想留言話我不負責任點點點，可以慳返。我就係一世人負左太多責任俾家庭，好想離家出走電話都轉埋重新黎過，過自由自在的生活。
好攰，好想有一個新開始。
7個讚
試下搵人湊bb幾日，自己去個旅行？
1個讚
想做就做
我仔七歲，我都成日咁諗，
特別小學之後，日日嘈交為功課.
但一諗，係我哋話生佢，又唔係佢自己話要出世，我都冇問過佢意願就生左佢，所以都唔到我後悔…
我等緊佢長大出身的一日
加油！
2個讚
BB幾大？
不如搵人湊一兩日，你出去玩下？或者定期每星期一日留比自己？
老實講我有諗過但做唔出，因為有媽的孩子像個寶，無人會好似我咁錫佢，但媽媽都要休息，間中比自己做下自己鐘意既野
1個讚
我覺得要由源頭解決，點解有呢個諗法? 太大壓力? 無人幫到手? 婚姻生活呢?
我都覺生左小朋友責任好大
2個讚
如果自己湊得辛苦，搵人幫手，媽媽都會攰，要有休息時間
1個讚
因為壓力太大?
學樓上JM講
不如搵人幫手湊幾日
然後自己放個假期relax下先
1個讚
非常明白你
我全職媽 特別係為個仔做功課問題真係想幾日逃走一次
真係頂唔順時 搵人幫手湊小朋友兩三小時，自己去嘆個tea先
孭背包出走幾日，諗深一層其實未必捨得架，可能只係想小休下幾小時，當然我都想出走幾日，睇下兩父子係咪攪到間屋散晒咁，哈哈。
2個讚
壓力大！照顧bb的確係一時間多左好多野！
而且冇得話休息、唔理！
有冇家人可以幫手睇下？等自己放鬆下去食個tea,睇戲！享受下一個「自己」既時間！
或者帶住bb都可以行街架！
依家最好，佢唔識食你食既野，你嗌件蛋糕、可以自己食哂佢（正）遲啲大左，你就要分享俾佢
加油！
1個讚
我諗每個媽媽偶爾都有呢個念頭
好正常嘅，如果太辛苦就放下自己假啦，做女人都要錫下自己嘅
其實我有時都會有呢個念頭
所以做呀媽係要有自己私人時間
捱3年佢返左學會好d 再唔係報n班
呢兩年搵個人幫手睇下 或者一星期搵一兩日可以出街行下 返黎個心情都唔同d
諗番初頭湊都好攞命架
但慢慢會變好的 信我
你係咪產後憂鬱？
如果你係ftm建議你搵個工人幫下，自己返工或搵下自己興趣，做人都要先顧好自己。
完全明白你因為我都係一個湊小朋友冇屋企人或工人幫手，大小事務都係我搞掂，真係好攰好辛苦。加油！小朋友幾大呀？有冇人幫你睇幾日，你休息下呀？
我冇細路，婚後已經有咁嘅感覺，我靠睇書去了解問題所在。最近睇完一本叫《情緒勞動》嘅。節錄一段，你睇下有冇feel：
P.162 全職工作的母親，其實比兼職或全職媽媽的壓力更少，但差異不在於是否有全職工作。有全職工作可以減少一些在家裡從事情緒勞動的時間，那種情緒勞動通常是最累人的，但是他們的差異其實是來自全職男性的觀感。那項研究指出，男性在家裡比較快樂，但女性上班時比較快樂，原因可能有兩方面。男性承擔著養家糊口的重擔，所以他們在職場上涉及的利害關係較高。家仍是他們的避風港，尤其他們在家裏還不需要承擔太多的情緒勞動。然而女性回家後通常面臨更多的工作，得為夫妻關係及家庭承擔情緒勞動。所以，原因不是女性在職場上沒有壓力，而是女性是家中唯一承擔情緒勞動的人。
不僅如此，從來沒有人問過男人「能否兼顧一切」，相反的，有數百篇文章探討女人能否兼顧一切。這個問題暗示了一個棘手的事實。我家合格嗎？孩子快樂嗎？婚姻幸福嗎？在盡可能發揮潛力的過程中，我們不僅想在職場上表現得完美，也想在家裡成為賢妻良母。我們感受到成為最佳母親、最佳配偶、最佳職業婦女的強大外在壓力，即使我們知道那些壓力正在傷害、打擊我們，使我們精疲力竭。
10個讚
我想帶埋bb走 
壓力大就搵人幫手，行開下輕鬆下，先再返黎湊。
其實我覺得好多人湊b壓力大係因為將標準訂得太高。我自己又冇幫小朋友追學校谷成績，總之正常合格我都收貨。唔好理人地點講，輕鬆生活，咁對大人小朋友都好啲。我自己有3個，除左小五小六有跟下之外，其餘時間我都由得小朋友自由發揮。
1個讚
初生既辛苦跟小學既辛苦又唔同既
雖然冇後悔生bb，但係總有想咩都唔想理嘅時候。最憎聽到老公話佢向公司好忙，咁唔通我向屋企湊b就好得閒？
而家我唔理架，老公一放假我就出街，約朋友tea，做運動，自己一個去睇戲。我要有me time，如果唔係會爆煲。
1個讚