慨嘆雖然好多文章探討媽媽能否兼顧 但事實上都係媽媽兼顧哂 好多人覺得全職媽媽好等閒冇野做 其實身心都好累 有時照下鏡自己都嚇親 但內心又好愛bb 想付出最多俾佢 好矛盾
淨係返黎就覺得自己返工大哂都頂唔順
仲要有時鬧交可以自己走去訓
小朋友幾大？
我係wm，但我同時都係24小時湊住小朋友(工作都係帶埋佢)，佢而家K2，但從來冇諗過一走了之，睇住佢成長係一件好幸福嘅事。
有時都會攰，但諗下你陀住佢嘅時候，諗下第1眼望到佢嘅時候，諗下佢開心嘅笑容，咩辛苦都唔記得哂架喇。
加油呀。
2個讚
莫講話生左，細個父母捧打鴛鴦我都想一走了之逃離屋企改名換姓從頭黎過～
明白,我係ftm,雖然間中我父母會幫我手,不過主力湊都係我,老公只會係BB唔扭計時陪玩,BB扭計時就發脾氣唔理,佢一餐飯都冇餵過BB。所以想放自己假一個人去行下街,只能夠係我父母2個都同時得閒過黎湊,我先出到,否則BB會冇飯食。
我都好攰、好辛苦,全屋得我一個唔可以發洩情緒,老公辛苦、有壓力就可以向我同BB發洩,咁我呢?我講一句呻下咋,都被人話"冇返工又幾忙?手腳慢就唔好話好忙!"終於有時間可以休息下都被人話…日日被人話"湊個B都湊唔掂,去跳樓死,攬埋個B丫。"如果唔係我父母仲健在,日日聽到呢D說話,我可能真係死左去。結果我日日拖到清晨就天光先瞓,因為佢地瞓晒,我先有me time,放鬆下、整理下情緒。
me time好重要,真係要有D時間完全係屬於媽媽自己,放下空又好、睇下劇又好、行下街又好,總之要抽離媽媽呢個角色,咁先可以整埋下D負能量。D負能量日日有,咪日日清下。
加油,一定盡量抽D時間出黎me time下
5個讚
你咁忍得，俾我帶住bb返外家住
2個讚
睇到sis你依個case真係忍唔住 
想攬吓你…
恕我直言，如你老公真係咁講嘢，根本係對你情緒虐侍…其實已經超出咗正常可容忍範圍⋯⋯
老公唔幫手湊，先唔同佢計，唔識體諒之餘仲要咁講嘢，絕對唔要得！正常人都唔會咁同對方講嘢啦，更何況你係佢老婆？佢人都不如！
你個主要壓力來源已唔係嚟自BB咁簡單，而係老公嘅涼薄同毒舌…
相信帶埋BB搬返外家，即使繼續都係主要自己落手湊，都會活得輕鬆同有尊嚴好多！
要知道，做ftm係絕對值得受到尊重㗎！
3個讚
咁同您講嘢，完全冇體諒，好賤格
1個讚
身同感受⋯⋯
啱睇到條片好不安
支那人生完BB都好後悔
不過佢響一走了之之前
先直接將個B dump落屎坑 
呢班人已經無救了
唯一的得救之道就係亡黨亡國 
然後落地獄
俾閻王判 
你生完幾耐？似乎係產後荷爾蒙影響情緒低落呀，放鬆心情，有機會抖下氣，落街行個圈都鬆好多，同埋最緊要講出黎唔好怕，唔好俾佢嚴重到變產後抑鬱。
我喺疫情嚴重時生第二胎（8月頭日日百幾單確診），以為自己生第二胎有經驗乜都順利，點知個細女地獄式難湊，第一晚返到屋企發現佢揀奶樽唔肯食奶全家陪佢玩天光，第二日9衝出去買幾廿款奶樽返黎。細女仲超級喊得，可以連續喊四個鐘。
坐月期間全家困獸鬥（老公wfh日日大大聲開會）喺屋企聽住d喊聲，有一刻真係諗住抱埋個B一齊跳樓死，好彩大女陪住我tum我，有一次忍唔住對住大女爆喊，佢即刻tum返我：無事喇媽咪，唔洗喊喇（大女三歲幾）。
同屋企人傾下，搵個機會抖下氣，會好好多ga!
加油
到到個B大左識氹你同你玩對你笑，就覺得一切都值得ga!
5個讚
Thx~
BB好地地唔扭計,佢咪正正常常同BB玩。我BB食野超煩,之前長期處於厭奶期,但仲細,俾D時間氹下都飮到,所以老公都可以自己一個湊,我有得經常出下街。可惜一加固就仲煩,扭計之餘,唔肯食BB會拍走個匙更、吐返出黎,成地食物…老公就唔肯餵,佢完全冇耐性。依家BB大少少,食野易搞左,但因為食飯都仲係要氹,老公唔會餵,所以我冇得經常出下街。
佢都會幫手換片、沖涼、洗碗,佢唔發脾氣時係好地地。可惜佢就係好易發脾氣…
娘家好細,冇位放BB,唔係我都想返下娘家渡假~
當決定生兒育女那天就等如同意背負起一背子責任。
有諗過 但做唔出
幻想過爸爸，應該點都會有唔想理個B嘅時候，但應該唔理一排又會掛住
啱啱結完婚個排都會後悔冇曬自由冇得做自己鐘意嘅野，成日等夜晚太太訓著左出廳呆下沉澱下感覺好好多，唔知生左B後適唔適用…
我自己湊女,心理上初生比小學辛苦好多,我唔太CARE成績,考到中間就得~
在職媽，好累，以前為事業拼過，試過大仔細個時照拼，結果換來個仔唔再痴我，之後努力放工盡快回家陪仔，而家到細仔，我唔想再黎一次俾個仔離棄，加疫情，大仔冇得返學，知道姐姐日日一打二好累，日日飛奔回家。結果工作上表現當然會俾左身邊既努力同事上位，而媽媽我又好累。。。。好灰
好想一走了之。
我冇小朋友
淨係放工要煮飯做家務已經覺得好攰
辛苦你啦媽媽
你隊友呢? 有冇長老可以湊到幾日俾你地去個staycation都好呀! 真係要抖下氣!
你老公把口咁臭既,叫佢食屎啦
1個讚
初時生咗，耐唔耐都有咁嘅感覺，攰、痛、辛苦、擔心、各樣嘅壓力⋯可能我有暴力傾向，有時甚至有衝動想將BB大力掉落床（好彩冇做到）
即使細路長大。每當佢激心、自己擔心（氣候變化、社會越嚟越差⋯）嘅時候，都會有諗「無生就好啦」。但當佢快樂、窩心、健康（病完後變返精神）嘅時候⋯又會覺得有佢係我一生中最幸福嘅事。
我諗做媽媽都係精神病嘅一種^_^
希望樓主你快啲捱過負面嘅情緒
5個讚