睇左排，有時係有啲真係好不可思議既事要警惕下，有時我真係唔知啲人投稿去做乜。
見過有個係健康院既燥底媽媽自己埋怨下又比人po上網
一拖幾好狼狽阻到人又po上去
今日岩岩見到個虐兒個案鬧完人呀媽就走左去，又唔同小朋友打格又po…
有時我自己湊，都好擔心一個唔小心就比啲路人影低左放上網
有啲係唔抵幫，但有啲係唔做人父母真係唔明…
我自己都follow 過一排之後unfollow，太多負能量
2個讚
我估唔到原來會有人一齊係健康院排隊，會樹起隻耳仔去聽哂隔離講野，仲要寫哂啲對話落黎。
攪到好似講句野都要小心咁
Admin好似咩都會批咁
1個讚
佢有廣告的，為咗view, comment 同share梗係愈juicy 愈好
3個讚
本身無睇開, 你咁講即刻上去睇一睇, 全部都係笑人, 鬧人, 呻既post, 真係好負吓, 無咩事都唔好成日睇!!
by the way, 之前有媽媽係度講海洋公園萬豪單嘢都畀人放左上去講! 個度啲人咁無道德, 將唔係自己親身經歷既嘢放上去其實都唔好啦!! 除非係自己見到, 你睇唔到過post 上去就話者!! 求其係啲討論區搵嘢post , 真係唔睇好過睇~
1個讚
哈哈哈 
我排隊無聊都會偷聽人哋對話，但唔會講返出嚟。
有次排隊偷聽，咁啱對話中嘅主角，係我其中一個舊同學。
之前陪月、低能診所果d都係啦
之後咪出書
所以令我警覺都係唔好係fb share 太多野… 唔知幾時唔知邊個朋友走去cap圖投稿
1個讚
無follow 開，但幾年前見過有人批鬥個媽媽喺地鐵推bb 車，好多留言根本係班後生未做人父母嘅，就覺得呢個page 為鬧而鬧。
之前BD有人開POST介紹,所以我LIKE左,你地咁講我想unfollow返
係呀 始終而家呢啲年代好多人督灰
而家晴報果d都係咁
我覺得果d似吹水
想問下呢個有乜好鬧？？
我都想講呢個page d cmmt有一半都好怪獸，有D我覺得正常果D反而比D怪獸鬧返轉頭。 
記憶中係一張地鐵車廂入面推bb 車嘅相
批鬥原因係話因為架bb 車搞到車廂好迫啲人冇位企…
…但張相最邊邊已經影到有個無人坐嘅位
所以根本唔關bb 車事
如果有 A 仔嘅家庭真係好尷尬好怕呢啲，平日出門口都畀人眼望望，依家仲隨時有機會畀人 po 上網話唔識教仔，唔知頭唔知路。唉！
兩睇路，有時真係太影響人，而父母完全冇打算去制止係討厭。雖然有時未必係a仔
唔好話呢個page 就算亡國都好歧視推bb 車，佢哋認為推得bb 車一定係裝嘢唔係推b，個細路識行就唔應該坐，瞓晏覺嘅就返屋企瞓唔好阻住人。
然後再千字文讚自己個寶貝出街從來唔會因為行到攰而扭計，坐bb 車嘅一定係港孩。
1個讚
下。。。真係唔知原來有呢D潛規矩喎。。。
我都試過多人時間係地鐵推BB車，應該比人批鬥過 
查實外國成架BB車推上巴士都得，香港要摺車我已經覺得好唔friendly，但我都有守規矩。如果地鐵都唔推得就over左。