人多時我推bb車都好尷尬，但有時唔係下下都方便叫車，有啲地方其實搭鐵仲方便，尤其單拖果陣… 要摺起架車上的士都唔係咁易。
1個讚
其實真係唔知督黎做乜
如果我無啦啦比人影相放上網真係唔知點好
啲人以為影背面就唔認得，係朋友既就實知你係邊個…
連搭𨋢都被批鬥
其實依家港鐵都有位係俾bb 車，但d 人企哂喺到唔會讓，未普及唔知道都算，多人我都唔會夾硬推入去，都唔應該歧視人哋推bb 車呀嘛？！
試過推bb車去超市，有個阿姐話我咁都得，我心諗你夠推住架購物車啦，差唔多size姐，你推就得我推就唔得呀，真係痴痴哋
睇過人share幾篇post ，但太負面唔想繼續睇
我覺得某程度上係香港人既素質越來越差。。。就好似出晒名乜都要投訴乜都要R咁。
同埋以前啲男人有紳士風度啲…
1個讚
覺得係一群唔鍾意小朋友同唔生嘅人圍爐，睇睇下unfollow左
該主題在最後一個回覆創建後30天后自動關閉。不再允許新的回覆。