終於相遇,緣來沒法擋
咁誇張？
睇完係咪仍然相信現實世界係有愛情呢？
聽過身邊太多唔開心嘅個案啦
同ex一齊壓力爆煲，成日比佢鬧
有一晚反擊同佢嘈之後突然醒覺要逃離依個situation
自己一個出廳訓login返交友app係咁搵人吹水
之後果個星期分左手
但傾過好多男仔都開始厭厭地冇玩果個app，又mute鬼晒個app既notifications
有日無聊開黎睇下有咩messages: 果個moment依個男仔hi我，我又興致勃勃同佢傾，仲鬼死咁好傾！
佢之後講返佢其實都mute左好耐冇玩，果日比班無聊fd夾左佢去行山，佢好憎
悶到開個app黎一路行一路玩
佢話swipe到我張相第一印象係：如果娶到佢都幾幸福（但佢果陣係貪玩，冇諗過結婚，諗住40歲先娶個20歲）
交換電話係咁WhatsApp,發現點解依個世界有個同我咁似、咁夾、連揀飲擇食既野都一模一樣既人架？？
（e.g. 只食婚宴果條魚，其他魚一律唔食、細個因為有魚輪入口覺得好嘔心自始唔食魚、食某種菜只食葉唔食框、成日自己一個去歐洲、一樣既野多不勝數）
之後好快見第二次面咁岩佢生日約左屋企人唱k, 佢叫埋我覺得依班人都幾搞笑！
拍左3個月就有左結婚、生左兩件
婚後佢繼續full time home office
我地咁多年真係日日見足24小時但一啲都唔厭
好感恩命運之輪令我遇到佢
佢成日話我前世做左咩好事遇到個咁好既老公日日煮3餐飯又幫我湊bb又成日送野比我
有個女仔朋友話：你上下baby kingdom就覺得自己老公1萬分
12個讚
所以話,其實喺咩地方識唔係重點,有緣嘅話無論點識都可以修成正果,我聽過兩個最o咀嘅CASE:
- 兩個清純男女分別陪朋友第一次落老蘭蒲,點知就見到對方,一見鍾情拍拖結婚.
- 我朋友個父母相識,係因為男嘅打錯電話去女嘅屋企,點知傾落又好好傾,跟住就拍拖結婚,到依家都仲好SWEET
3個讚
呢個先係重點
好sweet呀你既故事 真係緣份天注定
你個陣閃婚都一定需要好大嘅勇氣
好彩你老公咁錫你
打錯電話
呢啲簡直係月老拉紅線
呢d真係整定
我地都有相逄恨晚既感覺，所以好順理成章閃婚
但我地都agree唔係果個Timing同心境
就算比我廿歲遇到佢都唔會拍拖結婚
雖然咁樣請好似好娘 但真係要響對既時間遇上對既人
同樣地如果我同老公如果一識就一齊 都幾肯定唔會修成正果
老公都係咁諗就係
你哋真係認識得好自然喎
同老公係大學同學，佢份人有啲悶，但好老實，對我好好，識左八個月之後一齊。拍左兩年幾拖，大學畢業之後出嚟做野，識左個浪子，果時覺得好新奇，好特別，佢個人好浪漫，我認我衰，果時貪新鮮同我老公分手。
老公一直對我仲有野，雖然之後無再見面，但佢知我搵野做，仲介紹我去佢公司。我哋喺公司冇聯繫，同事都唔知我哋嘅過去，只係知道我哋係同學。
同浪子一齊兩年後，我真係覺得好攰，而且睇唔到佢會有任何將來，於是分手。佢成日只係講一句，就自己backpack 去古巴/柬埔寨一兩個月。
後來先知原來我老公一直等緊我，同浪子分手三個月之後，同返我老公一齊，幾年後結婚。而家已經六週年，佢一直都對我好好，佢唔係好浪漫嘅類型，但係係細水長流。有時我覺得如果唔係因為同過浪子一齊，我未必識得珍惜老公嘅優點。我好感恩自己有機會可以同佢重新開始希望大家可以白頭到老
11個讚
最適合自己的，早已在身邊 
我都唔知算唔算自然
但係係我拍過咁多次失敗咁多次仲想改變現況既時候，個天先開始眷顧我（好啦玩夠你喇），之後既劇情就好似安排好晒咁，我都唔知係咪整定既
認同，有時候人真係唔識珍惜。我幸運再有一次機會重新開始
1個讚
上帝早已預備
同老公係上網打機識，好似好兒戲咁 之後出嚟見面食飯，起過佢底都幾好，就開始拍拖。
到拍落拖，發覺佢真同我性格完全相反嘅人，我好活躍，佢好內斂，曾經都有諗過係咪唔啱自己。
之後去睇流年嘅時候就問下師傅，呢個男人好唔好，師傅話：「佢好好架，係佢架啦，唔洗搵過第二個啦」話我會好旺佢，佢都會好錫我。
所以
最後都係嫁比佢，好彩佢都真係對我對家人都好好。而我都真係幾旺佢，工作上佢都升左幾次職，有時又有啲好運仔行下咁。
1個讚
佢同睇相師傅夾好晒
1個讚
應該係 檯底塞左幾舊水俾佢
1個讚