同一間公司相識, 有日無啦啦佢搵我傾計, 傾傾下變到好friend, 之後一齊左, 一齊左之後深深感受到相愛容易相處難, 中間有離合過, 我都好幾次想放棄覺得好辛苦, 但每次想放棄時佢都唔放手, 最後心裡默默叫自己比多最後最後一次機會, 果次之後就突然好似一切都改善晒咁。拍拖六年後今年結左婚~~
1個讚
2x年前，網上打機識嘅
當年，打功課仲用緊word perfect, 未用words…
用電話線上網…
但兩個時差12個鐘嘅人相遇
1個讚
其實現都見好多網上情緣
1個讚
又係網上識 
我老公係我個ex其口一個最好嘅朋友
嗰時個ex自己一腳踏兩船諗住使走我就叫我去同我宜家老公玩Wakeboard，結果嗰日就叮一聲移情別戀左
3個讚
即係ex諗住搵佢朋友拖住你，等你唔好發現佢一腳踏兩船？點知就雙手送咗個女朋友比人，係唔係？
佢可能like爆你旺夫添啦
係呀，最後係我同老公結左婚，個ex都同嗰個女朋友結左婚
算唔算各得其所
雖然我其實真係要多謝個ex因為我老公真係好好，但我到宜家都好憎佢
2個讚
Happy ending 
1個讚
親戚既同事，有一次佢地約一大班人出嚟玩，叫埋我去，咁就識左，之後佢再另外約我出嚟食飯，咁就一齊左，時間過得好快
但佢地仲有無朋友做呀？
有呀～我地結婚老公都有請佢～
佢啲細路滿月我老公都有去，不過我太憎佢所以冇去
咁你ex 係你同你老公的紅娘
我同老公好相信「 緣分的天空」，廿幾年前同個女仔同事一齊辭職，两個傻更更無乜點 plan就買機票去左當時仲未解體蘇聯，旅程第三日遇到一個香港男仔，大家一齊玩左3日,之後交換電話繼續各自旅程,返到香港無聯絡對方，大約過左8個月我舊同學結婚我做姊妺，同學結婚當日玩開門利是，當大門打開隔住鐵閘見返蘇聯嗰個男仔大家都呆左一呆，原來佢嗰日做伴郎，更奇妙佢係新娘子表哥，由拍拖到結婚差不多廿四年
8個讚
好有緣
你咁講我先醒起我同老公結左婚去拜年時先見到佢表哥係我哥哥大學best friend
我認人幾好就算只見過佢既相就一眼認得出佢
公司識，一齊8年
佢真係對你一條心喎
同我老公係打機識，初初識佢已經對佢好有好感，不過佢細我差唔多十年我冇諗過追佢或者同佢一齊，之後幾年都冇聯絡，咁啱舊年幾個打機朋友仔約食飯，一見返冇耐就一齊咗，第一日已經講結婚，由拍拖到結婚七個月完成
我地諗返如果好多年前開始咗都未必結得成婚，今次重遇真係緣份到了~
7個讚
我個case同你好似，
貪新鮮同男朋友太唔浪漫，
同左個浪子一齊，
一開始係好正
但新鮮感好快就冇
而且好明顯知道呢個唔會係同你一世嘅人。
冇分過手同其他人一齊，
唔會令自己知道其實最愛係佢！
同埋真係會更珍惜佢，
更包容佢
1個讚