笑死
天意 個天要令到你條頸無力
我覺得點講佢都唔會信囉
係交友app識
之後仲約左出黎一齊plan去個即興旅行 
跟住途中就一齊左
最近結埋婚~
睇呢個post好開心, 好多個故事都想俾心心~
1個讚
呢個post好正，我同老公就無咁多浪漫嘢
以前份工好忙好忙，日日做到半夜，喺某forum有班固定的吹水網友，佢係其中最悶嗰一個。後來爸爸身體有事，病危，公司又多事，好大壓力，好需要有人喺身邊，但無朋友喺附近工作，佢知道後就約我食飯，我哋開始由網友變飯腳，只要佢無約同事，我哋幾乎每日都會一齊食lunch。後來爸爸病情有好轉，為咗每日可以探到佢我同老細要求改改返工個時間，lunch我會去醫院探爸爸，所以同唔到佢食lunch,點知佢就日日等我放工，我哋就變咗晚餐的飯友。
幾個月後我唔太想咁樣含糊落去，因為另一邊有個條件好好嘅人追我，呢邊除咗講去邊食飯外，佢又無咩表示咁，我就同佢講，其實佢唔駛咁樣晚晚等我放工，點知佢send咗個好嚇人嘅msg嚟，講到求婚咁，但嗰吓我個心係開心多過驚嚇嘅，咁就一齊咗。同居後因為大家都為工作搏殺，兩個無乜拍拖，到後來我身體有啲事，醫生話可能會影響生小朋友，佢就要我resign,仲即刻同我求婚，幾個月內我哋影曬婚照+結婚，仲好幸運咁好快就有bb. 生完小朋友+我無返工，我哋先多咗時間相處，磨擦都變得多咗好多，但大家都努力溝通同磨合，而家細嗰個都返幼稚園，有時我哋交低啲小朋友俾屋企人湊幾個鐘，我哋都話婚後十年而家先開始拍拖咁
7個讚
邊個app呀 其實同得一齊去旅行都99%得米
2個讚
又唔係話唔想結，但就係冇結婚嘅契機囉
我哋又有咗共識唔會生仔，又冇乜嘢係一定要簽咗張紙先做到
佢就一直都想結嘅，不過佢話過，佢想我喺覺得最幸福嘅時刻先同我結婚
我自己就覺得結唔結都冇所謂，而家咁樣都幾好呀，又唔想佢嘥一大筆錢
咁佢對你真係好好呀
呢個post好好睇 睇每個故事個嘴角都忍唔住向上
我都試吓分享我個好平凡既故事
當年成班同事去飲酒 飲飲下有個同事話鍾意我（後尾先知佢係飲醉酒認錯人
） 其實我就對佢無咩意思 不過dry左幾年 又心思思想試吓 就搵左依家老公出黎拎意見 當時其實純粹係貪佢住同區方便見面 點知見多幾次就一齊左 到依家拍拖加結婚8年 諗起真係要多謝當年位同事認錯人
1個讚
真係好好睇，大家都好sweet, 同好覺得緣份天注定
3個讚
你老公個人好含蓄
咁都可以認錯！咁佢都好醉下喎
有睇你其他post，你老公好厲害，可以獨力返工令你生活無憂
我地大家係經濟上唔使照顧父母，所以負擔相對輕鬆d
係囉 個女仔短頭髮架 仲係新移民 講嘢仲有鄉音 都認錯 不過佢地都有一齊架 感覺幾美好
好難得!! 兩個十年
1個讚
冇得嬲, 你都對A完全冇意思
全對 
不過佢唔係咁諗
我有時都覺得就算結咗婚都好
都要抽時間出嚟拍拖 咁樣先可以為自己嘅愛情保鮮
3個讚
我哋係同事, 佢飲大咗先夠膽問我拎電話
傾計時先知我哋細個住隔離村、讀同一間小學(但上下午校)、佢嘅朋友同舅父係我嘅舊同事, 感覺好似2條平行線突然crossover咁
2個讚
睇呢個post覺得人生有返少少希望
1個讚