先讚下樓主,依個post開得好!睇左樓上有d 相識故事,仲浪漫過電視劇橋段!
我同我先生係舊同事,我入職時佢已經resign左,但俾公司留左2次,所以先遇到我!之後我係依間公司做左個幾月就轉左工lu,入去依間公司既最大收獲就係識到佢。
我地由拍拖到結婚差不多10年喇
先讚下樓主,依個post開得好!睇左樓上有d 相識故事,仲浪漫過電視劇橋段!
我同我先生係舊同事,我入職時佢已經resign左,但俾公司留左2次,所以先遇到我!之後我係依間公司做左個幾月就轉左工lu,入去依間公司既最大收獲就係識到佢。
我地由拍拖到結婚差不多10年喇
一隻手拍唔響…
多謝讚賞~ 想開多啲唔同既野大家傾下,吸引多啲人黎睇呀嘛
咁只係做左一年同學?之後大個先見番呀?
4年同學…2005年見返就…咁囉…
自己一個人去旅行既時候問路識既,問完同路大家一齊玩左一日,之後交換contact, 之後就long d。
同人講開相識過程,真係好似拍劇劇情。
小學同學聚會?
問路都有好姻緣,緣份真係好奇妙
系。但聚會起源係我想見返我嘅初戀… 點知初戀冇咗, 而家個老婆都有出席; 就係咁
你老婆先係真命天子
陪朋友去相體,對方又帶個男仔friend嚟陪佢,最後卻係我同呢個男仔friend變成夫婦
交友網站識,未見過樣,亦冇交換相片…傾咗幾次電話,就試吓約出嚟見面,一個月後拍拖,拍拖加埋結婚已經同行十七年了!
我同老公大家都係backpackers, 相識在youth hostel嘅門前,我被逼向佢say hi(緣於另一故事)。咁就識咗。
第二日,咁啱又係youth hostel門口碰到,雞啄不斷地傾咗半個鐘,相約當天一起晚飯。然後各自前往不同目的地繼續旅程。
係香港再見時,我嚇親佢。出嚟見咗兩個月後開始拍拖。拍咗三個月後決定結婚。
結咗婚超過20年。
點解會嚇親佢?
你哋都算閃婚,短時間可以認定對方真係好難得
返香港,做番中環人,自不然套裝高踭鞋+化妝,同backpacker 時直頭兩個人
緣份嘅嘢,真係奇妙
當初我阿媽都叫我睇定D先,驚我嫁錯郎。
N年前喺高登嘅聖誕網聚識
嗰陣我仲讀緊中學,份人又好摺
本身約好咗但係我好驚出到嚟會太多人,我會Socially Awkward,所以最後我都係決定唔出
跟住嗰晚晏少少有個男仔MSN搵我,話網聚完咗,問我喺邊不如嚟搵我飲吓嘢
咁我諗住得佢一個人,佢同我又幾啱傾所以就話OK
佢仲要住沙田咁遠都肯夜媽媽搭車入嚟青衣搵我
之後都係坐海傍飲吓嘢吹吓水咁
咁佢坐喺我隔離,我突然之間唔知點解無那那條頸冇力 個頭捱咗落佢膊頭度,佢可能以為呢個係Yes Sign所以之後好猛烈咁追我,講嘢又Flirty咗好多,又成日會夜媽媽飛的嚟搵我,如果我話太夜唔出得門口,屋企人會知,佢真係會喺我樓下坐足成晚,佢望上嚟,我又打開窗望住佢,跟住一路隔空用SMS傾偈
直到而家拍咗14年長拖,我都仲係唔知點樣同佢解釋當晚我唔係特登捱落佢膊頭度,係我條頸突然間冇力
好癲 問路問左個老公番黎
好似人地去陪人選香港小姐但自己中左咁
好搞笑呀,又好sweet!
八卦一問:拍左咁耐拖,唔打算結婚嗎?
好好笑