其實好慘、真係生左唔駛湊咩好、男人唔理女人又唔理頭家就散、掛住仔女唔理男人頭家又散
係咪判死刑其實你太太話事。但問題拖左咁多年冇解決，仲由得佢惡化到大家唔講嘢，佢BLOCK埋你，已經係好嚴重，竟然可以經過咁長時間發酵，所以到你太太提出離婚應該都唔係一時衝動。唔想潑冷水，但係過左咁耐先提出離婚個女人應該都心死。
脾氣大、打爛嘢、講過唔好聽說話，已經夠糟糕，唔係話冇打過佢就唔嚴重，心靈上受傷都係受傷。如果今次留言唔係你第一身講出黎，而係有JM呻老公響屋企咁做，你估下大家會點講…你呢D行為係咪持續咁多年都係咁？定試過幾次之後太太已開始同你冷淡相待？如果雙方冷淡之後已冇呢D行為，都算係向佢展示咗你有反省過所以有所收歛。
有冇辦法勾起返同佢以前拍拖時D愉快記憶？或者試下比個PLAN佢，話比佢知你有諗過黎緊幾年既家庭計劃，等佢覺得你對頭家仲有心、而且有實質計劃唔係亂吹，響計劃入面比個角色佢，睇下佢願唔願意同你重新開始。要令一個已死心既女人回心轉意好難，唯有試下盡做。
日常家務都有做，放工都會做飯
打爛野只有一次，脾氣個時開始己經收左，有咩事同佢講完後佢ok就做，不鐘意我都唔會再問佢，因為知佢性格是咁
咁你都做好多嘢喎，我係唔會煮飯的，齋洗碗洗衫吸塵。
基本上能做既我都做，兩人相處唔係計哩啲。
唔係咁架，抵得諗係一回事，佢知唔知你抵得諗係另一回事。呢個係MARKETING，你要比佢知道你為左頭家有付出有貢獻，同埋因為呢啲付出所以無時間做另外一啲嘢。
我就日日都講我做左乜做左物，返工好辛苦好受氣云云，等佢知道唔係得佢係咁。有時要特登做俾佢睇，或者特登唔幫手等佢求救。
有啲人過左婚姻一段時間, 先會突然覺醒, 婚姻不是她追求的東西
又或者, 你們一開始並不是十分愛大家才走到去婚姻
好多因素會令到離婚的結果
對方不願溝通, 其實比起有出軌外遇, 但願意溝通修補關係的夫婦情況更糟糕
佢內心一定係有心結, 只係佢已經放棄左同決定左, 唔想講
1個讚
我覺得心結佢一定有，只是唔想講，雖然提出離婚個幾月，但都依家都冇實質文件俾我睇過，又冇提，真係唔知佢心咩諗法。所以靜觀其變，都冇咩再可以做
有冇實質行動已經唔係問題所在。
一係你撞啱密碼，
一係就你有你所謂嘅付出。
唔係你話宜家有付出佢就要全收，
唔肯同你溝通，只因佢心死咗啦。