其實 應該結婚第二年即刻諗辦法解決…
唔知你地當中既問題
我係女人 我而家婚姻都有問題 但我都做唔到離婚呢一步
我覺得女人講到出口離婚 佢個心已經狠下心，死晒心先會咁，如果佢想你挽留佢，佢點都會留條樓梯比自己落台兼同你溝通，你講到你地無對話，whatsapp block埋你，真係都幾大鑊。
寫信/email，講下大家開心既回憶，得閒叫個仔關心下媽媽，同佢講下小朋友將來，女人都係關心仔女既。
相信行到想離婚呢一步都需要勇氣, 男又好, 女又好, 要提出離婚都唔係易事, 如果你話婚姻第2 年已經出現問題, 唔排除其實老婆一直都覺得咁多年, 你哋既問題都無改善過。認真諗一諗, 你呢10 年同佢既相處係點, 同仔女相處又係點?! 佢講得出離婚, 而且仲要唔肯再同你講啲咩, 仲要block埋你咁狠心, 都心死了。
一段婚姻, 其中一方唔肯溝通, 其實都好難挽救, 但你可以而家寫信畀佢, 講返呢10 年大家開心既事, 多謝佢為呢個家既付出, 盡量講多啲一家人開心回憶, 睇吓可唔可以令佢畀到機會大家坐低再傾吓, 加油呀~
是囉，一個女人應該對仔女是好緊張，但係佢仔由細到大都唔係好緊張咁，一點畢業禮，學校活動都唔會出席，就算一個月唔見佢都唔會穩，有時真係唔知佢想法係點，我覺得可以唔理我，但阿仔係無辜
希望你快d搵到溝通方法
如果唔肯睇信 寫張紙仔都好
就算最後傾唔掂離婚 都要傾下小朋友方面，始終佢係媽媽，媽媽既愛都對小朋友好重要
我昨晚都有同佢講兩句，希望佢會聽入耳
睇到宜家，只見你指出太太的不是。
十年婚姻，當中你一定有犯錯而令太太死心。
可以block埋whatsapp，仔仔係嫲嫲到長住都冇出過聲；一個女人冇可能咁樣。
婚姻係兩個人嘅事，中間發生過乜事，我哋外人唔知。
1個讚
我唔係話我冇錯，脾氣有時會大點，試過打爛野，講過一點唔好聽嘅說話，但我從來冇打過佢，只不過兩個人一齊相處一定會爭吵，只少可以講出來，大家能夠解決，咁你唔講，我做咩都唔知錯定岩，得我單方面去講去估，可能你會理解到吧
如果我老公做過呢兩樣行為、我都會唔再理佢、不過我會自己照顧個仔
是幾年前嘅事，我知哩啲行為係唔啱，難道就要判死刑，連改嘅機會都冇
咁都幾年前既事, 有心改就可以, 我覺得每個人都會犯錯, 但錯左只要真心去改就可以。不過我哋都唔係你老婆, 唔知佢點諗, 最真實既想法都真係要問返佢, 你同佢相處咁耐, 你就最清楚佢既性格, 要點樣先可以畀佢知道你既諗法, 應該只有你自己先最清楚!! 諗好就做…祝你同老婆成功溝通~
唔係要質疑你，或者批鬥。
只係想你自己諗返，有乜嘢令到關係由甜蜜變到唔想見到你。
導火線係乜，你要好好諗下。
3個讚
啱嘅
可能咁樣太太怕左同你溝通
我都冇一個特定既答案。如果有我也盡量獻計了吧。
我自已會諗。如果你連續30日也為佢預備早餐（就算佢唔食都照做）或者不斷日日等佢返工後幫佢舖床舖等。。。這只是example令佢覺得你充滿誠意吧。
我也不知work唔work我相信總會有個位俾你再切入佢既生命。但你要付出既應該要不少。
啱嘅，從生活細節做起，盡量令佢對自己有一些重新睇法。
可能覺得仲煩 
慢慢一步步嚟，俾佢知道你係有誠意，有心改
又過左幾日 有冇進展？
或者有冇諗weekend點做？會唔會一家人去下街，食個tea咁
小朋友其實好需要爸媽的愛，絕一不可
都係咁，同佢傾計都係唔理我囉！
我記你響其他貼講過8年無性生活。咁會令佢日漸覺得你可有可無。對於獨立倔強嘅人，噓寒問暖係會適得其反，只能默默地付出去挽救。例如一早做哂家務令佢覺得屋企企理左。