結婚10年，有一個小朋友，結婚第二年應感情開始出現問題，斷斷續續，最近閙理婚，想找感情輔導
1個讚
因咩事令感情唔好？
可能性格關係，大家比較內向，我就開朗啲，唔會似老婆咩都收埋唔講，好難去理解佢想點樣。最近老婆就提出離婚，我就希望大家能好好傾下，但未做到
女人從感受行頭。希望男人做多啲少事去類積關係。不如試下放低小朋友去個短旅行。再從基本開始。
1個讚
問題係我做咩佢都唔受，淨係話我好煩，唔想見到我
你做咗啲咩 / 講咗啲咩而佢話煩？
結婚第二年感情出現問題係咩意思？
咁你呢個真係難。
um.嘗試搵下有冇啲係關注到佢既“需要”。我估咋。例如默默咁為佢執下野。或者關注仔女既需要出發。始終你地係仔女父母。可能佢又會俾下面。
帽事的？
哩啲嘢都有做嘅
就係好似拍拖時候接送返工啊，日子耐左就叫唔好去接啦，平時發信息問下吃咩，係邊做咩咁囉，久而久之對我有一種討厭，之後無論做咩事佢都不采不理咁
係唔係太黐身，咩都過問，冇畀私人空間佢？
另外，女人通常放好多時間喺仔女身上，識唔少人反映老公唔多理個仔女，有時會覺得個仔女老公冇份，身心疲累。除咗供書教學，幫手照顧仔女都好緊要。
唔溝通，你永遠唔知佢想點，啱定錯都唔知。
佢以前有同我講過，講阿仔邊個係阿爸都唔知，阿仔咩事都穩爺爺嫲嫲，阿媽，有冇你都冇乜所謂，但之後我都有努力去改，多時間陪阿仔，盡量陪阿仔出席學校活動，但佢對我都係咁
我哋估估下都好難知道真正原因。你太太出到口講離婚，而且唔願意面對面傾⋯⋯whatsapp問“我哋問題係邊？”有冇用呢？
就係難在佢唔講
如果唔開心又唔想同熟人傾，可以搵人傾下，我見Viu有個廣告“shall we talk”，可以打去
其實，電話WhatsApp已經俾封鎖，哎！
有冇佢朋友電話，試吓係第三者口中睇吓搵唔搵到答案
試下寫信，仲係要寄返屋企。
不過，佢拒絕溝通，你預咗唔會有進展。
雖然唔樂觀，但未到最後都唔好放棄。
有問過佢一位好朋友，朋友講佢好少講感情事，所以都唔清楚，我老婆性格係好倔強，認定係錯就一定是咁，好難講通