話說我係同99住，99之前養過d魚，但最後d魚養死左
跟住屋企樓上就漏水，漏到我地成家好似水浸咁，要重新訂做返某d傢俬
所以佢覺得係養魚令到有衰運
跟住最近我朋友俾左幾條bb小魚我養，我話好啊俾個囡睇下魚都好
我初頭真係冇醒起佢養魚既經歷
拎到返去，我99就問我做咩養魚
我就話點解唔養得，之後就黑面我，我老公就提返我佢迷信覺得養魚有厄運
我都冇理佢，因為都係小生命黎，跟住繼續養
今日同老公係傾計，佢講起自己細個都有養魚
跟住99又走出黎話養魚好難
唔好養魚，又話好大責任，照顧好麻煩，養魚好易死，啊邊個邊個親戚好傷心，等d魚自然流失死啦
跟住同我個囡講唔好養魚，去公園睇魚未得
但e刻我係到養緊d魚，擺明講說話俾我聽
開口話死埋口又話唔好養
講左好多次
我老公都叫佢唔好講，佢係都繼續講
我忍唔到就同老公講咁唔好養囉，係晦氣說話黎
佢就收左聲
其實我都明寄人籬下都要忍，只係想上黎吐下苦水
；（
漏水同養魚嘅關係係零
係啊 但佢好迷信 好固執
息事寧人，或者送比人，本來養魚都係幾年壽命，始終都會有魚死
我都想睇下有冇朋友肯接收，但都要揾揾朋友樂唔樂意先
唉 始終住係佢到，要就哂佢，但有時佢都好霸道
魚真係難養，我養過幾次，都無次可以養得好，所以我都放棄了。希望樓主啲魚仔健康長大，剝你奶奶棚牙
有時大家磨合啦，我老爺養雀幾十年，99嘈足幾十年…
多謝你
我都想親手養大佢地，其實我都預左會魚魚有機會離開
但我奶奶成日都俾d負能量人，做咩都否定左你先，好似上面sis建議咁講都係揾下有冇朋友可以接收好d
係既
因為始終唔係自己地方
都冇得話事 會盡量忍
我岩岩講左個句晦氣說話 宜家諗返其實都唔洗講
應該要吞左佢 同朋友講算
佢應該唔係有心針對你，只係唔想要魚仔
其實我都唔知，因為好多時佢都會ban我講既野，之前重有好多事發生既，佢係藍c黎，之前反修例已經大家有小小火藥味，照顧小朋友個到大家都有分歧
我老媽子都仲有講美國比錢，我話幾十萬人點比呀，之後我拉開話題講廢官，老豆又講底褲口罩…
佢話佢唔係藍，佢話做咩要分顏色，但佢講個d野係藍先會講既野
自從國安法後，佢容光煥發哂，好似覺得贏左咁，因為黃既人都唔敢再講野，又捉左好多人，佢成日睇cctvb不停附和，宜家成日聽到佢好多火滾既言論，之前我都會反駁佢，但我宜家都選擇唔同佢嘈
你問佢派錢比新移民有冇意見？
如果同我媽住都吾可以養全白色動物同兔仔
每個人都有野係吾鐘意的
我都費時問 費時引起罵戰
係既，住係佢到都只可以跟佢規矩
一字講哂 忍
我都入係上黎呻下
有d野如果能易地而處，設身處地，就會明白體會而吾係呻同埋怨。
因為個刻我99講d說話係好難聽，我即時既感覺係難受，宜家諗返下次可以做好d既
其實我上黎e到講都係想情緒有d宣泄下，唔想擺係心裡，因為同老公講都只會令佢難做
宜家講出黎個人會舒服d
易地而處，設身處地e樣野係一個學問黎既，我自認係唔完美，好多時都冇做到，要提醒自己要咁諗，可能你覺得我唔夠成熟，應該直情唔好出post tim 
與其忍，不如搬出去住，你老公有咩意見？